هكتب اليوم عن ست الكون
الفرح يكون مطرح ماتكون
بحنانها بتنسي كل الهموم
فوجودها بيروح الحزن والغم
باكتبلك يااحلي واحن ام
ياريت تكوني حاسه بيا وسمعاني
عارفه انك مش معايا وفعالم تاني
بس روحك دايما محاوطاني
شيفاكي دايما قدامي
واحشاني اوي اووي يا امي
انا نفسي تيجي وتضمي
قلبي مليان زايد همي
من يوم مروحتي وسبتيني
الغلب زاد طلع عيني
وبقيت محسش بسنيني
ايام بتمر وانا شاربه المر
ويعدي العمر من غير ضحكتك
جسمي بيتنفض من غير لمستك
كله بيتهد من غير شورتك
من غير اليد اللي تقويني
وبقيت بدل ماحضنك
احضن صورتك
واقول فينك يانور عيني
واول ما حد.يجيب سيرتك
بتزيد دموعي وحنيني
انا نفسي بس تضميني
تطبطبي وتيجي تحميني
او حتي ممكن تاخديني
تقريلي قرأن وترقيني
تقوميني من وقعتي وتسمي
وبعدها ابقي رجعيني
بدول بس هيمشي همي
وبيهم هبقي رابحه
هطمن واروح قبرك
واقف ادعيلك واقرالك الفاتحه
ربنا يرحمك يا امي الصالحه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
