حكايه كل بيت
بين زوج وزوجه ساترهم حيط
بيقول بيحبها وهي بتحبه
طيب. ياريت
ده كلام من غلبها وغلبه
عاوزين يخيطو اللي اتقطع وبيدورو عالخيط
كلامهم كله هجص ويصدقو اي عبيط
ندخل بيتهم وتعالو شوفو التخبيط
يوم متحصل مشكله
تعالو شوفو المهزله
عاوزها أله طول اليوم شغاله
طبخ وكنس ودايما واقفه ع الغساله
ولاد ومذاكره وسبعين مسألة
ولو شافها قاعده ثانيه ماسكه فونها يقول دي مهمله
واخر اليوم ساعه ما ييجي عاوزها مش مبهدله
وكلام حلوو فاستقباله تكون حفظاه ومسجله
طب انت ادتها ايه
عشان تاخد كل اللي نفسك فيه
الست عاوزه حنان
وبكلمه حلوه هتخضعلك ب استسلام
بشويه حنيه هتقابلك ب ابتسام
مش مستاهله فكاكه ولا علام
لازم تعرف ان انت الراعي انت الامان
وان كان هي عليها قيراط انت عليك فدان
