بغداد(2009_10صباحاً)
الاب:باباتي يله لم العابك حته نطلع مبقه السايق بالباب
الطفل يباوع لابو بنظرات ما فاهمه شنو الي جاي يصير وليش همه طالعين من بيتهم وهيج مستعجلين
الجده:تعال حبيبي البس قمصلتك (توجه كلام لابنها : جهزت كلشي يمته راح نطلع)الأب:هسه راح نطلع موعد الطياره ب 12 هم ياله نلحق ورانه طريق
الجده تنضر لابنها والحزن مالي عيونها ما تريد تطلع من هل مكان الي عاشت بس عمرها كلها وتتغرب على اخر وكت بس متكدر تعوف الطفل هذا لوحده.تنزل بنضراتها اله وتشوفه يلم لألعابه ومداري بشي تباوعله ومتعرف شنو حيكون مصيره بهل دنيه
طلعو من البيت خله الاب الجنط بالسياره وفتح الباب لأمه حته تركب ويركب انه وياها وهوه كعد كدام ومشت السيار متوجهه لمطار بغداد حته يسافرون لمكان مجهول بالنسبه لهذا الطفل وميعرف يمته راح يرجع لحظن امه؟ اذا راح يرجع اصلاً!
يباوع من جام السياره الخلفي لبيتهم والشارع واصدقاءه الي ما لحق يودعم بسبب استعجال ابوه بالسفر وهمه يبتعدون شوي شوي وكل الي اباله همه رايحين رحله صغيره ويرجع حته يلعب وياهم وبروح مدرسته
مجان يعرف انو هل رحله حطول وخطول هواي هم ورح بنسى بيها مدرسته واصدقاءه وناس حتصير بيوم من الايام اغلى ما يملك.
________________
أربيل الحاظر (2022)
يدق المنبه الساعه 9 الصبح يكعد من النوم بكسل مثل كل مره بمثل هيج يوم يتوجه للحمام يسبح بسرعه ويطلع يلبس البدله الرسميه ويرتب شعره يرش العطر المفضل مالته ويلبس الساعه بأيده ويطلع من الجناح مالته متوجه للاسفل
يدخل يلكه كل العائله متجمعه على طاوله الطعام جاي يتناقشون بموضوع مبين مهم بسبب كثره الاراء والمناقشات
أيهم :صباح الخير خير
الأم : ماكو شي بس دنحجي بالأفندي الي راح يجي بعد شهر
الأب :نمارق كافي سدي السالفه شلون يعني نظل نعيد ونزيد بهل موضوع
الأم :اي سكتني انا كل ما احجي بشي تطلعني انا الغلطانهأيهم :شكو يابه على كيفكم شنو الموضوع ياهو الي راح يجي بعد شهر
الاب : بابا أيهم شنو نسيت جدتك وآزاد جايين بعد شهرأريج : الظاهر اني الوحيده المتحمسه وفرحانه بجيتهم
نجد :اكيد شفتي صاك وانتي نثولتي لج بابا تره ازغر منج
أريج :نجد ممكن تسكت شويه ياهو وياك انته انا فرحانه بجيتهم لان مشتاقه البيبي كلش وبعدين آزاد جانت علاقتي بي كلش قويه من جنه زغار لهذا متحمسه الجيته
نجد :اي اي فتهمنه
أريج بداخلها (بس كون يذكرني ونرجع مثل قبل)أيهم كعد كمل فطوره بعد الأحاديث الجانبيه عن جيه جدته وآزاد ومجان مشارك هواي بالحديث لان هل شي مو مهم بالنسبه اله
طلع من البيت توجه للسياره قبل لا يركب دق تلفونه شاف الاسم وبده يتأفأف
أيهم :الو هلا ريم
ريم :هلو حبيبي شلونك وينك هسه
أيهم :تمام اني طالع للعباده شنو نسيتي اليوم عنده شغل بالعياده
ريم وهيه تتنهد :هاا وانا عبالي اليوم عطله كلت نطلع صارلنه هواي مطالعين سوهأيهم وهوه يركب بالسياره :ميخالف خليها بالليل اجي عليج ونطلع نتعشه سوه شكلتي
ريم وهيه طايره من الفرحه :تمام لعد اني انتظرك بالليل مو تتأخر
أيهم وهوه يحرك السياره متوجه العياده :لا ما اتأخر ب 8 بالليل اني يمج يله باي اني بالطريق
ريم : تمام حبيبي باي
____________________
هاي 👋
وياكم كاتبه جديده اتمنه تدعموني وتشجعوني بهل روايه لان حتكون روايه مختلفه باللهجه العاميه
الي مختلف بيها هوه التصنيف ما اعتقد اكو روايه مثل هذا التصنيف
المهم شلونها المقدمه ان شاء الله عجبتكم
شنو رئيكم بالروايه لحد هسه ومتحمسين لو لا
رجاءا قبل لا تطلع سوي like و coment
لدعمي حته استمر بالتنزيلنلتقي بالبارت القادم قريباً
أنت تقرأ
آزادُ أيهمي
Romanceوعندما رأيت عيناه تغير عالمي روايه باللهجه العراقيه العاميه أولاد عم الروايه تحتوي على علاقه مثليه لمن لا يعجبه هذا التصنيف الرجاء عدم القراءه