آزادُ أيهمي

Part 1 ذكريات

هاي 👋

رجعت وياكم ببارت جديده اتمنه تتفاعلون عليه أكثر
                        ___________

Part 1

منزل العائله بعد الفطور

الأم وهيه توجه كلامها لزوجها (بعدك مصر على رئيك وتريد تجيبه يعيش هنا)
الاب (يعني شلون شسوي وين تردينه يروح الولد)
الام( مالي علاقه انا ما أريده ابيتي ما معروف أصله من فصله)
الاب (نمارق كافي بديتي تزوديها بالحجي)

الام( لا ازودها ولا شي قابل دا اجذب)
الاب وهوه معصب( نمارق كافي تعرف كلش زين هذا ابن اخوي وما أرضه عليه)
الام وهيه معصبه بسبب رد زوجها  (اي فهمت بس
أدافع له هاي بعده مجاي وهيج لعد لو يجي شلون)

الاب (لو اجه هذا الموضوع ما ينفتح كباله فتهمتي)

الام.............
الاب (نمارق)
الام (خلاص فهمت قابل شحجينه متكلي
المهم هسه شلون بموضوع كعدته هنا)
الاب (شنو لشلون نمارق يعني وين يروح)
الام (خلي يكعد أبيت اخوك ابغداد مابيها شي هم عمه لو اله عندي)

الاب (شلون يكعد هناك وامي راح تكعد عندي تعرفين كلش زين امي مستحيل تقبل يضل بعيد عنها)
الام (اي ادري مدري شحابه بي هوه وأمه شكد جانت تدافع الها وتفضلها عليه)
الأب (كافي سدى السالفه هاي صارلها سنين وبعدين امي جانت تحبها لان تشبها اهم شي عدها أولادها انتي جنتي كله من الشغل للبيت ما تكعدين وياها حته تكسبيها)

الام (شلون يعني تريدني اكعد بالبيت علمود بس اصير الجنه المفضله عند امك)
الاب (هسه اني شعليه انتي كلتي ما تفضلني وكتلج السبب
المهم ما علينه بالماضي اذا تردين تكسبيها هسه هاي فرصتج راح تجي وتكعد عدنه وانتي شغلج صار قليل مو دائما ترحين للجامعه حاولي تكسبيها)

زوجته وهيه منفسه وما عاجبها كلامه الله (كريم هسه منا احد متجي)
الاب (يله اني خل اكوم عندي شويه شغل اخلصه بالمكتب)
زوجته (شنو انوب حته بالعطله مترتاح اليَوم جمعه اكعدلك شويه)

الاب (مو شغل هواي هوه كم ملف اخلصن واكعد ارتاح علمود أيهم تعرفين منا الشركه ومنا العياده مجاي يرتاح حته الجمعه ما شفتي شلون طلع مستعجل)
الام (اي شفتي حبيبي ما يلحق يرتاح مكضيها يركض منا ومنا)
الاب( تشفتي شلون لهذا كلت اخلص عنه كم ملف مال الشركه)

الام ( تمام ماشي  عيني اذا ردت شي اني موجوده بس صيح عليه)
الاب (تسلم عيونج يله خل اروح اخلصهن بسرعه)
الام بعد خروج زوجها من الصاله صاحت الخدامه تسويله قهوه وتوديها اله للمكتب