آزادُ أيهمي

Part 7 تَشَتُت

هاي 👋

رجعت ببارت جديد
اسفه على التأخير اعذروني

نشغلت كلش لان قرب الدوام وتجهيزات وهيج المهم شتاقيتو للروايه

استمتعوا بالبارت أنجوي

               _____________________

Part 7

أربيل يوم الأربعاء

الساعه 9مساءاً

ريم (ماكو مجاي يرد)
صديقتها (ميخالف ايجوز عنده شغل أو مخلص شحنه)
ريم (ما طلع شغل من راح لبغداد لهسه ما اتصل عليه)
صديقتها (من يرد عليچ احچي وياه بهل موضوع مايصير تضلون هيچ)

ريم (ما اعرف هسه خل يرد بالأول)
صديقتها (يرد بس انتي كون تضلين على موقفچ وتفتحين وياه الموضوع مايصير تضلون هيچ)
ريم (ادري حته بابا هم كلمني بهل موضوع وگال يمته تزوجون ما تناقشتوا بهل موضوع ضليت ساكته ما عرفت شنو اگله)

صديقتها (لهذا السبب اگلج كلمي ولتسكتين بعد كافي تتحملين كل هذا وحدچ لازم تحچين وياه وتلگون حل)
ريم (اني خايفه احچي وياه بالموضوع)
صديقتها (ليش ريم ليش هل خوف تكلمو احسن مضاله هيچ عاجبچ وضعچ هسه)
ريم (فهميني خايفه.... خايفه يتركني وانتي تعرفين كلش زين شگد اني احبه)

صديقتها (اعرف ولهذا جاي اكلچ كلمي حته تعرفين مشاعره نحوچ واذا كان صدگ رايدچ ويحبچ مراح يتخله عنچ)
ريم (ما ادري شنو اسوي)
صديقتها (لا تخافين مراح يصير شي صمني بالج تمام)
حضنتها ريم وبالها كله يم أيهم وشنو راح يكون مصيرهم سوه
.
.
.
.
.
.
______________________

بغداد الساعه 9مساءاً

التلفون بالسياره صامت وهوه يضوي باتصال
بأسم "ريم" وأيهم وآزاد چانو گاعدين بره السياره چانو گاعدين بعالم حلو بس همه بي واحد غرگان بعيون الثاني ومدارين بالي حواليهم أيهم تارك كلشي وراه اهله وخطيبته وشغله وكلشي چان منهم بالنسبه اله وضال عايش بهل لحظه ويه آزاد ميريد يضيعها او يشغله اي شي عنها

وآزاد الي ناسي الي گباله منو وهوه وين وليش اجه نسى كل شي حته نفسه نساها هم وهوه يباوع بعيون أيهم يحس نفسه أخيراً لگه الشي الي جان يدور عليه بس ما خله اباله لگاه بأي شخص المهم انو هسه هنا وياه مو مهم اي شي ثاني راح يصير

أيهم وهوه يفصل بوستهم بهدوء ويبعد عنه شوي وهوه مخلي ايده على خد آزاد وأيده الثاني على خصره باوع بعيون ثواني وفتح آزاد عيون يباوع بعيون أيهم
أيهم (شنو سويت بيه هااا)
آزاد ساكت وسرحان بعيونه وما مصدگ الي صار قبل ثواني