هاي 👋
رجعت ببارت جديد اتمنى يعجبكم
طبعا اختي اليوم يمي ومن الصبح وهيه تگلي كتبي وكتبي
سو هذا البارت هديه الها حته ترتاح 😅
تفاعلوا علبه
استمتعوا
أنجوي
_____________________
Part 8
أربيل 9 مساءا
البيت
نمارق (أريج حبيبتي وين اخوچ مو گتلچ صيحي وياچ خلي يجي يأكل اليوم ما أكل شي مگضيها بغرفته)
أريج (شسويله ماما صحتله يگلي ما اريد ما اشتهي)
نيار (هسه خلو على راحته ليش تلحون عليه قابل طفل هوه)
نمارق (اي طفل.. لك اليوم كله ما أكل وضال بغرفته بحجه يدرس ما اعرف شبي)
هيبت(خاف متوتر بسبب قرب الامتحانات ويريد يدرس)
نمارق (لا مو هيج اني اعرفه متغير من رجعنه من بغداد لهسه وهوه ضايج وماله خلگ واليوم اكثر بعد حته أكل مجاي يأكل)
أريج (ماما حبيبتي لتخافين اني هسه بعد العشه اصعدله واحجي وياه اشوف شبي)
نمارق (اي حبيبتي يا ريت بالي يمه وخايفه عليه)
نيار (هسه شسالفه على كيفچ لتكبرين الموضوع مبي شي)
نمارق (ان شاء الله ما بي شي اني قابل شريد غير تكونون بخير حواليني)
نيار (الله بخليج النه امي)
نمارق بابتسامه (حبيب گلب امك)
نيار بمزاح (اني حبيب الگلب لو بابا)
نمارق (اهوو وين هاي انته شگد قديم هاي قبل لا تصيرون انتو چان ابوك هوه حبيب الگلب)
هيبت (لهاا يعني هسه اني هيج صرت قديم هااا ست نمارق هسه صرت ما اعجبچ)
نيار (اي بابا شوف شلون تگول عنك قديم)
نمارق (انچب لك ابو المشاكل بس تريد تعلگها وتطلع منها..... "تكلم زوجها"... لا عيني مقصدي هيج انته تضل حبيب الگلب طول الزمن)
نيار (اي ضلت تلزگ بعد شتگول)
نمارق بعصبيه ( انته ما تسكت يعني... شلون وياك هاا)
نيار (خلص عمي سكتت سديته لحلگي)
نمارق (اي احسن سده شوي بلكي نستفيد شي من سكوتك)
أريج وهيه تكلم نيار (احسك هيچ حصلتلك رزاله.. ارتاحيت هسه)
نيار (اي كلش ارتاحيت وبعدين شگلت اني تره امچ هيه الي متتحمل شقه)
أريج (على اساس جديده عليك متعرفها)
نيار (شلون يعني الواحد مايصير يشاقه بهل بيت)
نمارق (لتضل تتولول)
نيار (خلص فهمنه)
.
.
.
.
.
.
.
.
.
.
نجد بغرفته نايم على ضهره ويباوع للسقف مال الغرفه وبيده التلفون مالته مفتوح على محادثته هوه و وائل
*******
المحادثه
نجد:هلو حبيبي تونه وصلنه لاربيل
نجد :مشتاقلك هوايه
نجد :ليش مترد مشغول لهسه؟
نجد :صارت الساعه 7 شنو بعدك بالشركه لعد شوكت ترجع؟
نجد :وائل
نجد :ليش مترد عليه
اليوم الي بعده
اتصال
اتصال
نجد :وائل هاي شبيك حبيبي ادزلك وماكو صاير شي لتخوفني عليك
اليوم
اتصال
اتصال
اتصال
اتصال
نجد: وائل ممكن ترد رجاءاً حته لو بس تطمني عليك ما اگدر اسأل احد عنك
اخاف يشكون بشي
*******
أنت تقرأ
آزادُ أيهمي
Romanceوعندما رأيت عيناه تغير عالمي روايه باللهجه العراقيه العاميه أولاد عم الروايه تحتوي على علاقه مثليه لمن لا يعجبه هذا التصنيف الرجاء عدم القراءه
