آزادُ أيهمي

Part 4 شفاه مُسكره

مرحبا 👋

ورجعت الكم ببارت
اتمنى تتفاعلون عليه أكثر من البارتات السابقه

وتشوفوني حبكم للروايه وحماسكم

اليوم طبعا يوم خاص جداً لان عيد ميلادي
جنت مناويه اكتب بس كلت هديه الكم

فا شجعوني وتفاعلو
أنجوي
________________

Part 4

بغداد 7مساءاً

منزل العم صادق

غرفه أيهم جان كاعد يحجي ويه ريم خطيبته
أيهم (اي الصبح وصلو اني رحت جبتهم من المطار)
ريم ( لحمد لله على سلامتهم بيبيتك شلونها)
أيهم (زينه لحمد الله)
ريم (كلش متحمسه اشوفها واتعرف عليها)
أيهم (ان شاء الله من تجي لاربيل تشوفيها كلش راح تحبيها)

ريم (اكيد راح احبها غير بيبيتك اني كلشي اله علاقه بيك احبه)
أيهم بابتسامه (لهل درجه)
ريم (اممم.... اي لهل درجه وأكثر)
أيهم (زين لعد لا تشكين من شي بعدين)
ريم وهيه تضحك (لتخاف مراح اشكي من شي)

أيهم (اممم..... صدگ منين عرفتي بيبي اجت للعراق)
ريم (اتصلت على امك اليوم وعيه گالتلي)
أيهم ( اممم يعني امي گلتلج)
ريم ( اي... كالت راح يرحون لبغداد هم)
أيهم (اي همه طلعو من زمان هسه شوي ويوصلون)

ريم ( يله حبيبي اني اخليك ترتاح شوي)
أيهم (هوه اليوم ماكو راحه بعد اصلا من الفرحه محاس بتعب كلش)
ريم ( ان شاء الله دوم تضل فرحان)
أيهم. (ان شاء الله)
.
.
.
.
بالصاله جان موجود بيها العم صادق وزوجته والجده يسولفون بعد ما نزلت الجده من نص ساعه لان جانت ترتاح بغرفتها
دقايق وسمعو طرق الباب راحت الخدامه تفتح الباب جان صادق وعائلته وصلو
اول ما دخل صادق جان يسأل امي وين
الخدامه گالتله الكل گاعدين بالصاله دخل البيت التفت جان يشوفها كاعده بالصاله

انصدمت الام من شافته گبالها واحد ضل يتقدم على الثاني اجه هوه بسرعه حضنها وضل يبجي جانت الجده دموعها تنزل وهيه تتلمسه وتشم ريحته ابنها البكر و سندها بالدنيه اول لقاء بعد سنوات طويله اكيد موجع و مفرح بنفس الوقت

ألاب "هيبت" (يمه..... يمه....... يمه حته ريحتج حنينه مثلج يمه.... مشتاق اشمها يمه)
الجده جانت تبجي (هيبت وليدي من رحت فدوه لطولك يمه)
الأب نزل گعد على ركبه وضل يبوس برجليها
الأب (يمه فراگج يكسر الضهر يمه ليش طولتي علينه..... "وهوه يبوس برجليها"... اخخخ يمه كون اضل طول عمري جوه رجلينج)

الجده وهيه تنحني وتگومه (گوم وليدي گوم خل أباوع بوجهك گوم خل اسمع صوتك واشم ريحتك)
گام وحضنها لعده دقائق لحد ما خلص بجي بعد عنها (شلونج يمه)
الجده (بخير بشوفتكم وليدي هسه ياله ردت بيه الروح)