آزادُ أيهمي

Part 3 تَلاَمُسْ

هاي حبايبي 👋

رجعتلكم ببارت جديد اتمنى تتفاعلون عليه وتقدموله كل الحب

احبكم

Part 3

                  أربيل_منزل العائله

الساعه 9 صباحا
طاوله الطعام

الأب (أريج اخوج نجد وين ليش ما نزل يتريگ)
أريج (بابا صحيته هسه ينزل)
بهاي الاثناء نجد دخل (صباح الخير)
الأب (صباح الخير ابني وينك كل هذا نوم)
الام ( صباح النور حبيبي..... وبعدين شبيك ويا خلي ينام على راحته)

الأب (هسه اني شحجيت بعدين هل شي لمصلحته يكعد من وكت حته يلحق يدرس وما يخلص اليوم عليه بسرعه)
نجد (بابا حبيبي لتخاف اليوم اني ماخذ بريك عن الدراسه لذالك كعدت متأخره شوي بس اذا عندي دراسه اكعد ب 7)
الأب (عفيه عليك باباتي بعدين تره اني احجي لمصلحتك واله شلي علاقه شوكت تگعد)

نجد بابتسامه واسعه (اعرف بابا حبيبي شعندي غيرك وبعدين اني ما ازعل منك)
بهاي الاثنار دق تلفون الأب
الأم (منو متصل عليك بيوم العطله هذا شگد ماعنده ذوق)
الأب (نمارق اهدي  خل افتهم اجوز شي مهم...... بعدين هذا رقم دولي وما اعرفه)

إلام ( منو عندك بره العراق حته يتصل عليه هوه بس امك وتعرف رقمها)
نجد (بابا رد خل نعرف منو)
الأب فتح خط (الووو......منو وياي )
(اجاه صوت امه (هيبت يمه هاي اني امك حبيبي
هيبت (امي! شلونج يمه هذا رقم غريب فا ما عرفتج)

الأم (ام هيبت) (اي مو هذا تلفون آزاد اتصلت عليك منه)
الأب (خير يمه صاير شي وياكم)
الجده (لا يمه مصاير شي بس....)
الأب (بس شنو يمه لا تخوفيني عليكم)
زوجته (شنو ششكو شصاير)
الأب (سكتي شوي خل افتهم)
الجده (عندي مفاجئه الكم)

إلاب وهوه يبتسم (خوفتيني يا يمه..... شنيه المفاجئه بله)
الجده بسعاده وغصه بسبب دموعها الي نزلت (اني... اني هنا يمه)
الأب (ما فهمت وين انتي)
الجده بدموع (اني هنا اني اجيت لبلدي وارضي وناسي اني بالعراق هيبت بالعراق الي اموت على ترابه بالعراق الي نولدت وعشت حياتي وراح اندفن بي  هيبت....."كملت وهيه تبجي"... احنه بمطار بغداد هسه )

جانت الجده تحجي وتيجي ودموعها ماليه وجها و آزاد يمها يباوعلها بحزن هيبت بالمقابل مجان حاله احسن جانت دموعه تنزل على وجها بفرح وصدمه ما مصدق الي جاي يسمعه بالمقابل جان الكل مصدوم من دموع هيبت وخايفين ليكون صاير وياهم شي مو زين لحد مرد عليها هيبت (امي.. امي حبيبتي اني هسه گبل راح اطلع لبغداد بس انتظريني حبيبي ممصدق الي جاي اسمعه..... بعدين ليش  مگلتي قبل بفتره علمود انكون رحنه لبغداد علمود نستقبلكم)

الجده بفرح (حبينه نسويها الكم مفاجئه.. جانت فكره آزاد)
الاب بسعاده تغمره ( واحلى مفاجئه....... هسه بسرعه راح اتصل على أيهم يررحلكم للمطار)
الجده (ماشي امي حبيبي يله مع السلامه)
الاب (الله وياج يمه)