آزادُ أيهمي

Part 10 مصير مُحتم

هاي 👋

كيفكم رجعت ببارت جديد

كلش ما عاجبني التفاعل يعني ليش مجاي تتفاعلون حته مجاي يصير الي واهس اكتب واكمل الروايه

مراح تخسرون شي اذا من قريتو صوتو وتركتو تعليقات لرئكم بالروايه وتدعموني

منا وهيج راح اخلي شروط لكل بارت ومراح انزل حته تكمل الشروط

أنجوي استمتعوا

شروط البارت القادم 100 كومنت 10 نجوم

_____________________

Part 10

بيت العم صادق

الساعه 9 صباحاً

بغرفه آزاد چان آزاد نايم بغرفته وتلفونه يمه يرن برسايل من أيهم وهوه ما داري بيها
بغرفه أيهم چان لازم تلفونه وينتضر الرد من آزاد
أيهم (كل هذا نوم شني ما يشبع نوم هذا
هسه غير يرد ارد احچي وياه قبل ما انزل حته ننزل سوه)

ضل أيهم يدز بالرسائل بدون رد بالاخير فقد الأمل انو آزاد يرد عليه
گام غير ملابسه واخذ تلفونه ونزل للصاله
أيهم (صباح الخير)
الجده (هلا بالغالي صباح النور)
أيهم (شلونج بيبي هل ايام مشغول بالشركه مجاي اگدر اشوفچ ونسولف)

الجده (ميخالف حبيبي اهم شغلك ولاحگ على السوالف)
أيهم (بس عاد سوالفچ والگعده وياچ ما تنمل)
الجده (والگعده وياك هم حلو... صدگ سمعت البارحه طلعت ويه آزاد وأنس)
أيهم (اي بيبي رحت وياهم گلت اغير جو)

الجده (اي عفيه يمه طلعو ويه آزاد خلو يحب الگعده هنا والأجواء مال العراق)
أيهم بابتسامه (لتخافين خلي عليه اله اخلي يظل هنا وما يفكر بالرجعه اصلا)
الجده بفرح (اي والله ياريت يمه أيهم)
أيهم (ما عليچ لتفكرين بشي)

الجده (تمام حبيبي گوم روح للمطبخ أكلك لگمه اكيد جوعان)
أبتسم أيهم وهوه يباوع للدرج "انتضر الأخ آزاد يشرف وينزل حته ناكل سوه"
أيهم (اي بيبي هسه گايم)
.
.
.
.
.
.
.
.
.
.
.
.

بغرفه آزاد گعد من النوم وهوه يتثائب صفن شوي تذكر ليله أمس ويه أيهم نزل راسه وابتسم وهوه يتذكر من همه بالسياره راجعن للبيت وطول الطريق چان أيهم لازم ايده ما تدكها لحظه وشلون چان خجلان يباوع بعيونه وخايف بنفس الوقت من هاي الخطوه الي اقدم عليها وهوه چان مقرر يبعد عن أيهم بس الي چان مضمومله غير شي

قرر يمشي وره گلبه لأول مره ويثق بأيهم وينطي و ينطي نفسه فرصه يعيش هاي المشاعر لأول مره
ما راح يتنازل عن كل أفكاره وخططه وبنفس الوقت راح يظل ويه أيهم
آزاد رفع راسه بحماس وابتسامه وهوه يدور تلفونه يشوف اذا أيهم دزله شي