- احنا رايحين فين ؟! انا ايه اللي خلاني أجي معاك كدة ، حتي مقولتش لبابا !! = يمكن مستجدعاني ؟! - يمكن .. = يمكن مستلطفاني ؟! - احتمال .. = ولا مرتحالي ؟! ولا يمكن .. مشيها مرتحالي مؤقتاً .. - انت على طول كدة ؟! = انا عُمري ما كُنت كدة - امال كُنت أزاي ؟! = ... - سؤال صعب للدرجادي !! = انا كنُت واحد بيعيش اليوم بيومه .. مفيش أي حاجة فارقة معاه ، مقضيها وخلاص قوليلي ، هو الواحد لما يقابل حد يخليه يحب الدنيا أوي ، يحس أنه بيتغير عشان الحد ده ، لازم يقوله على كل اللي فات من حياته ولا من ساعة ما عرفه بس ؟! - من ساعة ما عرفه أهم .. بس يعني .. هو الحد التاني ده ، هو نسي كل حاجة ممكن تضايق الحد ده ؟! = نسيه - يعني مبيفكرش فيها ولا بتيجي على باله خالص ؟! = خالص .. انا ماخترتش أي حاجة ف حياتي ، عشت حياة صعبة .. أبويا نزلني معاه الشغل وأنا عندي عشر سنين ، كان شايف أن الرجولة قلب ميت ، الراجل ميعيطش ، الراجل مايخفش ، لحد ما بقيت لا اخاف من حد ولا على حد ... لغاية ما قابلتك - حصلك ايه لما قابلتني ؟! = انا شوفت فيكي خوفى عليكي - عليا !! = خوفت تروحي مني ، خوفت أول حاجة أتعلق بيها ف حياتي تضيع ، خوفت .. انا بحبك !! ايه ده !! انا قولتها ؟!! - لو متضايق انك قولتها ، انا ممكن كأني ماسمـ ... = متضايق !! انا ماصدقت إن انا قولتها ، انا كُنت هموت لو مكتش قولتها .. بس ليكي انتي - اشمعني انا ؟! = لأنك أحلي حاجة حصلتلي .. ريم أنتِ غيرتيني من غير ما تعرفي .. طب انتي .. انتي مرتاحالي ؟! - تؤؤ = انا كُنت عارف .. هو مكنش ينفع يعني .. أصل اتعرفنا على بعض بسرعة ممكن خدنا على بعض بسرعة .. - انا بحبك !❤
حرامية في كي جي تو (2001)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
