أحمد: نورتنا ي سليم
سليم: حبيب قلبي دا نورك والله
أحمد: قولي بقا تحب تاكل ايه، بحري ولا مشوي ولا اي الدنيا؟.
سليم: اي حاجه منك حلوه ياميدو.
أحمد: خلاص يبقي سيبلي نفسك خالص بقا وانا هدلعك بآكله سمك علي مزاجك.
سليم: علي ﷲ حكايتك ي حبيب قلبي.
آخذ أحمد سليم لأشهر مطعم مأكولات بحريه في إسكندريه.
أحمد: ها ياسليم السمك عجبك
سليم: الا عجبني دا انا مهما أكل السمك في القاهره مش هيبقي ليه طعم وروح زي اسكندريه، فعلاً صدق اللي قال الصيادين وسمك موسي.
احمد: ايووووه والمرسي ابو العباس لانت واكل الحته دي
سليم: خلاص والله معتش قادر
أحمد: ياسيدي، بالهنا والشفتيش😍
سليم: علي قلبك ياقلبي.
يلا بينا نحبس بشويبس واحنا بنتمشي ع البحر
أحمد: يلا ياسلموتي هههه.
سليم قلب سلموتك من جوه😂❤️
وبعد م اتمشوا علي البحر طبعا لازم يحودوا علي چيلاتي عزه، مينفعش اصلا تجي اسكندريه من غير م تروحلها.
وبعدين راحوا ع شقه أحمد في ميامي اللي ع البحر.
أحمد: اني طلعتلك برموده وتشيرت غير بقا وخد راحتك، وهتلاقيني ف الريسبشن.
سليم: اوك يامان.
أحمد قاعد ف الصالون ومشغل فيلم،
دخل عليه سليم وجلس بجواره، وقاله بتسمع ايه
أحمد: "فيلم عسل أسود"
سليم؛ حلو
وبعد شويه من الوقت ترك سليم الفيلم واستأذن احمد لينام.
استغرب أحمد لترك الفيلم فجأه
وذهب ليري سليم ماذا أصابه
أحمد: سليم، سليم سبت الفيلم ليه؟
سليم: مفيش عاوز أنام
احمد: اوك ي حبيب خد راحتك، اني كمان هناموا.
سليم اخذ يتقلب يمين ويسارا لحين استقر وسمع احمد نحيح من ناحية سليم فدور وجهه ليري ما به
احمد: سليم انت بتعيط؟وعلي الفور أخذه أحمد في أحضانه ليهدأ من روعته. وهذا من الذكاء عندما يكون الشخص علي حافه الإنهيار لا يحتاج الي النصائح ولكن إلي الأحتواء.
وازداد سليم ف البكاء بحرقه وكأن مات لديه شخص عزيز. وبعد قليل من الوقت هدأ سليم وقال له أحمد: خلاص ارتحت كدا، أحسن دلوقتي؟ احكيلي بقا اي اللي حصلك فجأه كدا، لتكون إتاثرت بالفيلم.
سليم: حاجه زي كدا، أنا هقولك علي كل حاجه. أنا يااحمد مفيش حد من اهلي بيسأل عليا ولا بيكلمني، وكأني مش ابنهم، ولا كأن ليهم ابن ف الغربه، ساعات كتير بلتمس ليهم العذر لكن مش بلاقي، وعشان اكون لوحدي صريح انا قلبي شال منهم وعلي رأي المثل كتر البُكا بيعلم الجفا.
أخذ أحمد نفس عميقاً وكأن سليم ذكره بمشكلته مع أبيه.
أحمد: بص ياسيلم اولا: مفيش اهل بيكرهوا اولادهم اكيد هما واثقين فيك ومعتمدين عليك وشايفنك راجل يُعتمد عليه، وعاوزينك أفضل منهم، وسايبنك للغربه تعلمك، بس الأكيد انهم بيحبوك عاوزك تثق من ده.
سليم: الحب مش كفاية يااحمد ولا هو مبرر للي أنت بتقوله.
أحمد: مش عاوزك تشغل بالك كتير وبكره يكلموك والمياه ترجع لمجاريها وبكره تقول أحمد قال.
سكت سليم ولم يقل شيئاً
أحمد حاب يخرج من المود، وقاله اي رأيك نخرج شويه نتمشي علي البحر.
سليم: اوك يلا معنديش مانع مع اننا عدينا نص الليل بس اشطا
وبعدين لبسوا ونزلوا يتمشوا،
وطبعا ف الوقت اسكندريه بتكون لذيذه وهاديه جدا، فجلسوا امام البحر،
أحمد قال لسليم هروح اجيب مُسليات وترمس واجي..
وسليم تركيذه علي البحر والهواء البارد.
أحمد جاء من الخلف وقاله: شايف البحر شو كبير شو بحبك انا😉❤
سليم ابتسم وقاله: وﷲ أنا كمان بحبك، أنت اكتر من اخ يااحمد انا اول مره أنهار كدا قدام حد، بس انا واثق انك هتحتويني وهتوهنها عليا علشان كدا متردتش ثانيه اني اجيلك شكرا بجد علي دعمك ومحبتك وثقتك فيا❤.
أحمد: ثقتك في محلها ياسليم وبعدين أنت قولت اكتر من اخ، يعني الاخوات مفيش بينهم شكراً ولا ايه؟
سليم بمرح: ولا اه😂
ليرد أحمد بنفس المرح: اه وجع ولا دلع😂
سليم: الاتنين وﷲ يخويا
أحمد: أحييييه بقيت بتقول اخويا زينا اهو ههه
سليم: اومال من عاشر القوم بقا هههه.
أحمد: تدوم الضحكه ياقمر.
سليم: تدوم لقلبي يااحمد 💝
وآخذوا يآكلون الترمس في جوا ملئي بالحب والمرح
واذا بصاحب عربه الاندومي الذي أمامهم يشغل اغنيه «لاصاله»
"الوَجَع بيَّن حَقايق
اللي كانوا عاملين حبايب
واللي عَملوا قُرَيبين
لو نِقَلب فـ الدفاتر
في الحياة دي قلوب يا ساتر
واحنا بينهم مظلومين
هو مين يعني اما فارق الحياة وقفت عليه؟
بالسلامة للي راحوا وعرفونا قيمتنا ايه
هو مين يعني اما فارق الحياة وقفت عليه؟
ألف شكر للي فارق، عادي يعني مَكَنش فارق
ده اللي عنده غيابنا عادي عِتابنا عادي خسارة فيه
فيه قلوب جوّاها لينا شرّ واحنا اللي اتأذينا
يوم ما فارقوا مَهمِنَاش
النّوايا مُش سليمة بُعدُهم أكبر غنيمة
زِدْنا يعني مَقلِناش"
سليم: سبحان الله كان الاغنية جات الجرح، فعلاً الوجع بين حقايق.
أحمد: في ناس ربنا بيبعد عنهم ف متحاولش أنت ترجعهم ليك لأن بعدهم أكبر غميمه.
سليم: فعلاً معاك حق، أحمد بقولك ايه
عاوز نروح بحري بكرا عند ريا وسكينه بما انهم تريند السوشيال ميديا اليومين دول والمرسي ابو العباس وكدا.
أحمد: ايوووووه عليك، طاب وسيدي عماد لنريحوكي ياشبه ونعملووا معاكي الانسانية هههه
سليم: ايه ده ف ايه، أحمد اني ابتديت اخاف منك هههه
أحمد بمرح: يا حلوه ياحلوهه، بنضحوا وياك يولا، بكرا نرحووا بحري ونلفكك حي اللبان وحاره النجاه ونقولوا لك الحكايه ليك من اولها.
سليم بحماس: اشطا انت حمستني
وظلوا يتسامرون لحد م وصلوا البيت وناموا بسلام وهدوء💝
أنت تقرأ
رواية «تلاقي الأرواح» 💜
قصص عامةلو أننا كنا قد تجنبنا كلام الحب، وتظاهرنا بأننا صديقان لا أكثر، هل كان القدر حينها سيمضي بمحاذاتنا . ❝
