_هو حصل أيه مالها الناس دى كلهم خايفين لي ؟
_أصلهم بيقولوا إن شبح علا رجع تاني.
_علا بنت الحاج نعمان أبو العلا.
_أه رجعت تاني بعد ما خلصنا منها وبيقولوا إنها ساكنة فى القصر القديم بتاع العمدة قبل ما ينتحر
بصدمة كبيرة بصيت ليه .
ازاى دة القصر كله محدش يقدر يقرب عنده من ساعة الحادثة .
أهو ده اللى حصل يا سما سلام بقي دلوقتي .
السلام عليكم أنا سما أحمد عندى ٢٠ سنة متخرجة والقصة دى أغرب من الخيال قصة علا بنت العمدة كانت أجمل بنت فى البلد كلها وكانت حلم كل شباب البلد كلهم بس فى يوم ١٤/٨ حصل صدمة فى البلد كلها علا ماتت بأبشع طريقة ممكن تشوفها عينك.
أهل البلد قالوا إن العمدة هيقلب الدنيا كلها وإن نهاية البلد قربت بس اللي حصل غير كدة العمدة استقبل اللي حصل ببرود رهيب وكأن الي راحت دى كلبة مش بنته الوحيدة بعدها قفل علي الموضوع نهائي ومحدش بقي بيتكلم فيه بس بعدها بكام شهر علا رجعت تاني أيوه رجعت تاني بقت تاخد أرواح ناس معينة وتموت ناس كتير لحد ما العمدة جاب شيخ وقرر يخلص منها وبعد الي حصل بسنة واحدة العمدة انتحر أهل البلد لقوه مشنوق في القصر القديم بتاعه وقالوا إن دة انتقام علا منه وحكايات كتير بس الحدودتة قفلت علي كد لحد ما رجعت تاني بس المرادى محدش قادر عليها .
_طبعا بتفكر في اللي حصل يا شارلك هولمز أنتَ.
_مش بفكر بس عايزة أعرف هي ليه قاصدة القصر ده وبعد ما أبوها انتحر الكل قال إن روحها خلاص بس أيه اللي رجعها تاني ؟
بغضب قالت أختي .
_فضولك دة بلاش هنا يا سما.
_مش فضول بس
وفجأة سمعت صوت صويت جاى من البيت اللي جمبي.
روحت البيت لقيت البيت ولع والنار مسكت فيه والكل بيحاول ينقذ الطفلة الي جوه بس محدش قادر يدخل .
حاولت ادخل معرفتش جيت ادخل تاني نجحت ولقيت البنت بس كان في نار كتير جدا لقيت بطانية خدت البنت بسرعة جيت اطلع لقيت البنت صوتها اتغير وعينها كلها أسودت وشعرها متبهدل وصوت كله رعب بيقولي دى البداية لو ما جبتيش النهاية .
انا وقفت في مكاني من كتر الرعب وفجأة لقيت أختي بغضب بتقولي أنتِ مجنونة حد يعمل الي أنتِ عملتيه ده.
_البت كانت هتموت كان لازم حد يعمل حاجة.
_بت مين ياسما الست أصلا مش مخلفة.
وقفت مصدومة كدة أمال مين اللي كانت جوة دى ؟
_لا ثواني كدة مين دى اللي مش مخلفة.
أنت تقرأ
رواية «تلاقي الأرواح» 💜
Fiksi Umumلو أننا كنا قد تجنبنا كلام الحب، وتظاهرنا بأننا صديقان لا أكثر، هل كان القدر حينها سيمضي بمحاذاتنا . ❝
