إنّ الُروح إذا إلتقت بمَن يُشبهها «ترمّمت، وتعافت، واكتملت✨❤
_بنت بتحكي بتقول لما فسخت خطوبتى مكنتش بخرج من اوضتى ، مكنتش بقابل حد ، الايام بتمر بس كل حاجه بينا كانت مكمله جوايا ، جوايا انا وبس . اخويا كان مسافر ، لما جه و عرف دخلى الاوضه ، قعد قدامى على السرير وانا نايمه و فضل باصصلى ، قلتله ؛ انا مش عايزه اصعب على حد ، و عيطت ، هو مبيعرفش يقول كلام حلو ، بس حضنى ، قالى تصعبى عليا ليه يا هبله هو ال يصعب عليا عشان خسر اجمل قلب فى الدنيا .. كنت ماسكه فى التيشرت بتاعه بقبضه ايدى ، حضنه ليا الرحمه ال ربنا بعتهالى عشان يهون عليا .
- لما اتخطبت تانى بعدها بفتره اكتشفت ان اخويا قبل ما نقرأ الفاتحه كلم خطيبى و قابله بره البيت ، قاله انى قلبى ميستحق يتوجع وانى مش هستحمل اى حزن جديد وانه لو مش هيعرف يقدرنى ميدخلش حياتى عشان متوجعش تانى ، قاله : انا بتوجع عشانها اكتر منها ، انت مش هتاخد قلبها بس ، انا قلبى مربوط بيها هتاخد قلبين ولو وجعت هتوجع قلبين وهتشيل ذنبين . قبل فرحى بيوم ، جه بالليل وصحانى وكان جايبلى الاكل ال بحبه ، كنت بقوله سيبنى نايمه ، قالى قومى كلى معايا دى اخر مره واخر يوم ، قلبى اتفتفت من الكلمه ، خلينى هنا معاك انا مش عايزه اروح فى حته بعيد عنك . وانا ماشيه راحه الكوافير خبطت عليه عشان اسلم عليه قبل ما امشى ، كان باصص فى الموبيل ، بقوله انا ماشيه عايز حاجه ...؟! رفع وشه ، عنيه كانت حمرا و ماسك نفسه انه يعيط بالعافيه ، العياط كان خانقه لدرجه انه معرفش يرد عليا وهز راسه انه لا .
- يوم الفرح كنت برقص معاه " الفرحه ال انا حاسس بيها لا انا قادر اقولها ولا احكيها ، اختى حبيبتى وضى عيونى ، لعريسها بإيدى هوديها ، من يوم ما وعينا على الدنيا مفرقناش بعضنا لو ثانيه ، على عينى انك تبعدى عنى ، دمعتى مش قادر اخبيها " كنت فى حضنه وكان بيطبطب عليا ، قالى هو انا ينفع اخدك و نمشى ولا هبقى مجنون ! اصل انا مش عارف هروح البيت من غيرك ازاى ! او ادخل اوضتك احكيلك على مصايبى والاقيها فاضيه ! واتخانق معاكى وتصالحينى بعدها بخمس ثوانى ، تفضلى صاحيه لحد ما اجى وتتطمنى عليا ! مش هلاقى حد يعملى كدا ومش عارف ومش مستحمل ! بس انا مبسوط عشان شايفك مبسوطه ومش مهم اى حاجه تانيه ، مكنتش برد انا كنت منهاره فى حضنه ومش لاقيه كلمه واحده ممكن تتقال .
قبل ما ادخل العمليات عشان اولد لقيته جاى شايل بلالين و حلويات و لبس لبنتى و داخل يغنى يا بنات يا بنات ال مخلفش بنات ، كنت مرعوبه اصلا بس دخلته و فرحته فرحتنى و خلتنى عايزه ادخل بسرعه و اخرج عشان اشوفه و هو شايلها هيبقى عامل ازاى ! قالى ؛ بقولك اى انا واقف قدام العمليات مستنى البت دى ال خلتنى زى الاهبل كدا و انا شايل البلالين عشانها ، كنت حاسه انه بيدارى خوفه عليا بهزاره ؛ بس قرب منى وباس راسى وقالى متقلقيش انا معاكى ، كنت متوقعه من كتر انتظاره لبنتى انى لما افوق هلاقيه مش سايبها ومش راضى يديها لحد ، لما فقت لقيته مش سايب ايدى انا ! ، بقوله مش شايلها ليه ! قالى مش عارف افرح بيها وانا قلقان عليكى !
صدق ربى فى قوله " سنشد عضدك بأخيك "
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
