💞 Part - 1 💞
~~~~~~~~~~~~~
"သား"
မေမေ့အသံကြောင့် မအိပ်သေးဘူးလားဆိုသည့်အတွေးဖြင့် ခေါင်းတွေကိုက်နေသည့်အထဲမှ မျက်လုံးဖွင့်ကြည့်မိသေးသည်။
တွေ့ဆုံပွဲတစ်ခုရှိနေ၍ သူနောက်ကျနေခြင်းဖြစ်ကာ နာရီကိုတစ်ချက်လှမ်းကြည့်တော့ ၁၂နာရီခွဲတော့မည်။
မေမေက သူ့ကိုစိတ်မချသလို အကြည့်မျိုးဖြင့် ခေါင်းအစခြေအဆုံး စုန်ချီဆန်ချီကြည့်ပြီး...
"မင်း ဘာဖြစ်နေတာလဲ မဟာ ဒီရက်ပိုင်းထဲအိမ်ပြန်တာတွေ သိပ်နောက်ကျတယ် ဘာလဲ.. ပန်းခက်ဖြာဝေကိုလက်မထပ်ချင်လို့ ဆန္ဒပြနေတာလား"
မေမေ့စကားကြောင့် ပန်းခက်ဖြာဝေဆိုသည့်မိန်းမကို မျက်လုံးထဲတစ်ချက်ပြန်မြင်လာပြီး ထိုမိန်းမသည် ဆံနွယ်ရှည်ရှည်တွေဖြင့် ရိုးရိုးယဥ်ယဥ် ဘာဝတ်ဝတ်လှနေတတ်သော မိန်းကလေး...
ထို့အတူ မျက်လုံးထဲပြန်မြင်လာသည်က ရွှေရောင်ဟိုက်လိုက်ဖောက်ထားသည့် ဆံပင်လေးတွေဖြင့် အမြဲလိုရယ်မောတက်ကြွနေတတ်သော သေးသွယ်ဖြူနုသည့်မျက်နှာလေး...
ရင်ထဲဖျင်းခနဲဖြစ်သွားကာ လက်သီးကျစ်နေအောင် ဆုပ်လိုက်မိရင်း မေမေ့ကိုဘာစကားမှ ပြန်မပြောဖြစ်။
ပန်းခက်ဖြာဝေကို သူလက်ခံခဲ့သည်။
မေမေစီစဥ်ပေးလို့ဆိုတာထက် သူကိုယ်တိုင်ကလက်ခံခဲ့သည့် မိန်းမ။
သို့သော်...
"သား မေမေလုပ်ပေးခဲ့သမျှကို အခုမှလက်မခံချင်တော့သလို လုပ်ပြနေတာလား အထူးသဖြင့် မင်းဒီရက်ပိုင်းခဲမှာ အမူအယာတွေပျက်နေခဲ့တာ ဒါကိုအမေတစ်ယောက်အနေနဲ့ ပြောဆိုဆုံးမဖို့ ညနက်တဲ့အထိ တကူးတကစောင့်နေရတာမျိုး"
"မေမေစောင့်နေရတာကိုတောင်းပန်ပါတယ် မေမေပြောတာတွေကိုလည်း သား နားထောင်ပါတယ် နားမထောင်ခဲ့တာရောရှိဖူးလို့လား"
"နားထောင်တာက နာခံတာမှမဟုတ်ဘဲ ပြီးတော့ မင်းနားထောင်နေတယ်ဆိုတာက မေမေ့စကားကို ဒီဘက်နားကဝင်ပြီး ဟိုဘက်နားက ထွက်သွားတာမျိုး"
"ပန်းခက်ဖြာဝေကို မေမေသဘောကျတယ် လက်ထပ်ဖို့စီစဥ်တာလည်း ကျွန်တော်လက်ခံခဲ့တယ်လေ ဒီ့ထက် ဘယ်လိုများနေပေးရဦးမလဲ"
YOU ARE READING
သူမ မှ တစ်ပါး
Romanceတစ်ခါတစ်လေ Exတွေပြန်လာတယ်ဆိုတာ ကိုယ့်ရဲ့နံရိုးပိုင်ရှင်ဖြစ်လို့မဟုတ်ဘဲ ကံကြမ္မာက နင်အရင်လိုကျပ်မပြည့်တုန်းပဲလားလို့ စမ်းသပ်တာလည်းဖြစ်နိုင်တာပဲ ဒီFicကိုဖတ်မယ်ဆို Dreamerနဲ့ မ,ရယ် ကျွန်တော်ရယ် အိမ်မက်တွေရယ် အရင်ဖတ်ဖို့လိုပါတယ် Season 2လိုဖြစ်နေလို့ပါ...
