Uni..
ဒေါက်..ဒေါက်
" သည်းခြာ..သည်းခြာရေ"
ခပ်စိပ်စိပ် နှိုးသံကြောင့် သည်းခြာ လန့်နိုးမိသည်။ သည်းခြာတစ်လျှောက် ဒီလောက်သည် အအိပ်မမက်ခဲ့။
" သည်းခြာ..သည်းခြာ"
ထပ်မံထွက်ပေါ်လာသော အသံကြောင့် သည်းခြာ တံခါးသွားဖွင့်ပေးလိုက်သည်။ တစ်ကယ်ဆို သည်းခြာ တံခါးသော့မခတ်ထားသလို၊ ထိုအမျိုးသမီးသည်လည်း တစ်ဖက်သက်ဆန်စွာနဲ့ အခန်းထဲဝင်မလာခဲ့ပေ။
" ဆောရီး မခင်ဦး တို့ ညက တော်တော်နဲ့အိပ်မပျော်သွားလို့"
" ဟယ် ဟုတ်လား နေရာအပြောင်းလဲကြောင့်များလား၊ ဒုက္ခပါပဲ ခင်ဦးတော့ အားနာစရာဖြစ်အောင် လုပ်လိုက်မိပြန်ပြီထင်ပါတယ်"
" အာ အဲ့လောက်လည်း မဟုတ်ပါဘူး ခင်ဦးရဲ့ ရပါတယ်"
တစ်ကယ်လည်း ဟုတ်သည်၊ အခန်းတံခါးဖွင့်လိုက်တာနဲ့တစ်ပြိုင်နက် နှာခေါင်းဝထဲတိုးဝင်လာတဲ့ သနပ်ခါးနံ့လေးပင်။ ဒီတစ်ခါတော့ နီညိုရောင်ရင်ဖုံးလေးကို ခေါင်းလောင်းလက်လေးနဲ့ အနားမှာတော့ ဇာလေးတွေနဲ့အလှဆင်ထားသည်။
လက်တစ်ဝါးလောက်ရှိသောအထက်ဆင်ကြီးကတော့ ခင်ဦးရဲ့ ခါးသိမ်သိမ်လေးထက်မှာ ပနံသင့်စွာ။
နက်မှောင်တဲ့တစ်ပတ်လျှိုဆံနွယ်စတွေအပေါ်မှာတော့ ခရေပန်ကုံးတို့ ရှိမနေ၊ ဒါသည်လည်းပဲ အလှတမျိုးဆိုလေမလားမသိ။
" ဒီလိုဆို သည်းခြာ ရေချိုးလိုက်တော့နော် ခင်ဦး ဒီနေ့ပေးရမယ့် ခြင်းတွေပြန်စစ်လိုက်အုန်းမယ် ပြီးမှ မနက်စာစာပြီးသွားကြတာပေါ့နော်"
" ကောင်းပါပြီ"
သည်းခြာ မနေ့ညက အခန်းထဲရောက်သည့်တိုင် တော်တော်နဲ့မအိပ်ဖြစ်သေး။ လတ်တလောသိချင်နေတဲ့ ခင်ဦးရဲ့ ရောဂါအကြောင်းပင်။ ဘယ်သူ့ကို သွားမေးရလဲမသိသလို ကာယံကံရှင်ကိုယ်တိုင်ကကော ပြောပြချင်ပါ့မလားဆိုတာပင်။
အတွေးတို့ကိုနှင်ထုတ်ကာ ရေကိုခပ်မြန်မြန်သာချိုးလိုက်သည်။ သည်းခြာ အဝတ်စားလဲပြီး အောက်ထပ်ဆင်းလာတော့ ထမင်းစားပွဲဝိုင်းတွင် အလုပ်ရှုပ်နေသော ခင်ဦးအနား ကလေးတစ်သိုက်နှင့်။
YOU ARE READING
မတောင်းပဲပေးတဲ့ကတိ မတည်ပဲထားတဲ့သစ္စာ (Completed)
Actionဒုတိယမြောက် GL လေးပါ။ တစ်ကယ်လို့ အကြိုက်မတွေ့ခဲ့ရင် နားလည်ပေးပါလို့ ပြောပါရစေ။ သျှင်လွန်းငယ်
