لانها اختي

تكمله البارت الاخير

البارت بعنوان

""جذاب اليحب عيونك بكدي .""

........

ياسر:- ها يابه شراح تسمو للطفل

صفن ب وجهه وياسر خاف من صفنه نيار عباله حجه شي غلط ضحك وهوه ما مستوعب وباوعلي

نيار :- يعني انتِ حامل

ما نطقت ولا حرف بس نزلت دموعي كام تسالم وي ياسر وطلعنا واحنا مصدومين احس نفسي بعدني ما مستوعبه قبل نص ‎ســآ؏ــة كنت ضايجه من كلام الكل هسه بيدي تحليل واني حامل !!!

صعدنا ب السياره شغل الضوه مالتها التفت عيونه حمر اكو دمعه بيها حجيت واني ارجف

ملاك :- اني حامل نيار !!

ضحك وعيونه مدمعه ما فهمت تفسير مشاعرنا صرنا نضحك ونبجي استوعبنا احنا وين صاح ي صوت

نيار :- دخيللل ربج حصيرر ابوو حصير ابوو

سحبني اله وضمني ب صدره واني بس اضحك صرت اكول اني حامل وحاطه ايدي على حلكي واضحك مشاعري مخربطه ما معروفه شنو
ساق بسرعه يريد بس يوصل احسه يريد يصيح ويكول للكل راح اصير ابو
عمره وصلنا نزلت وبيدي التحليل فات قبلي ب سرعه وما سد السياره فتت وراه وهوه يصيح ب نص صاله

نيار :- يمه يووووم تعااالي يمههه

طلعت خالتي مخطوف لونها

ام نيار :- شكو يمه شصايرر

طلع الها تحليل وهوه يضحك

نيار :- حصير ابوو يمههه حصير ابووو حيجيلي طفل يمه

خالتي مصدومه صفنت ب وجهه وهوه يشوفها تحليل نرسمت الضحكه ع شفايفها وطكتها ب هلهوله نزل مومل ونيار ما مصدك كل ساع وصاح حصير ابو
كعدت وخاله مكعدتني ب صفه وتبوس بيه فرحانه صفن نيار وصاح

نيار :- يمههه صار الها يومين ما ماكله بس لا مات الطفل يمههه

ام نيار :- فال الله ولا فالك يمه شمفاولها للبنيه ،
اندارت عليه وكملت حجيها
انت يل عوبه شلون يومين ما تاكلين

ملاك :- ما اشتهي والله

ام نيار :- كوم لك كوم شوف وجهه اصفر ويومين ما ماكله روح جيب الها شي تاكله مشاوي شي خل يرجع الدم الوجهه

شمر نيار سويج المومل

نيار :- من صاحبك جيب مشكل مشاوي بسرعه ‎بـ؏ــد اخوك

كام مومل ما كال لا اخذ سويج وطلع واني اريد اكول ما اريد وما اكدر اخاف اترزل نيار كبالي وما يعرف شنو يسوي وخاله حاضنتني وكل ساع بايستني

نص ‎ســآ؏ــة ودخل مومل محمل ب الاكل جاب ب طريقه صينيه من المطبخ عافها ب الكاع وكعد ونيار راح يمه فتح تكه وكباب اول ما شفتهن كشت روحي لعبت نفسي سوالي لفه ما اخذتها