بلياك ما اعيش اليكلك عشت
بعيوني احلفك منه تاخذ حذر
انه اطمئن يمك وذا تبعد !
من كلشي يمي انه احس بخطر
الليل يدري شكد احبك لان
وياك عيني تستلذ بالسهر
اذبل لحد ما ارتوي بشوفتك
جن سنبلة الروح وعشرتك نهر
بلياك كلشي ايصير مابيه طعم
ما ميز ابين الورد والصخر
تمطر ترافة وانه اخضر غزل
وبكاع جفيق قلمي يطرح ثمر
لو راد ياخذني القدر كلي الك
بس لا بيني وبينك يمر قدرايهاب المالكي
........
رحت انام هستوني غفيت وأسمع صوت برا صار صوت خوفني خلاني بلا وعي اكون بسرعه وافتح باب غرفتي
صار كبالي حامد يطوطح وعيونه دم وسانده حسن من جهه ونيار من جههحسن حاط ايده على حلك حامد لأن دا يحجي ب صوت عالي
صارت عيونهم عليه وإني دا اشوفهم وعيوني دمعت صرت اتمنا الي ب بالي مو صحيح والي دا اشوفه حلم او تخيلات
أي اريده خيال اريد اكون دا احلك لان ما أريد تنكسر الصوره الحلوه عند اخوني
ما اريد هاي التحفة الجميله القديمه والغاليه والعزيره تنكسر كانو مثل التحف القديمه تراثيه ب نسبه الي وما اريد اخسرهم ما اريد اخويه ينزل من عيني
كلبي صرت أحس دا يدك ب قوى كبيره احس مو دكات عاديه لا هيج دكات مشتعله ب نار شعلت صدري من شفته بهذا المنظر
انتبهو عليه اني عيوني مليانه دمع وصافنه عليهم بهت لونهم من شافوني بسرعه زمخ عليه نيار
نيار :- فوتي الغرفتج وسدي الباب بسرعه
حسن :- لا نيار اوكف ملاك خوبه أنزلي بدون كلام وما أريد حجي زايد
سوي جاي الي ونيار وكهوه مررررره بدون شكر الحامد بسرعه بـ؏ــد اخوج ترا تعب هدنا هدتوجهو للحمام كلهم وإني أحس رجلي جمدت ب مكانها أريد اتحرك احركها ما اكدر
شكله الحامد مدا يروح من بالي دموعي بدون اذن اخذن راحتهن على خدي مسحت ادموعي ب كف ايدي
وانفاسي تتسارع بسرعه بصعوبه تحركت واني احس جبال عليه وثكيله مدا اكدر اتحرك
نزلت شفت امي ب نهايه الدرج دا تريد تصعد فوك خفت كلش دكات كلبي زادت بلعت ريكي ب صعوبه
خاف تصعد وتشوف الي شفته تتخبل والله واذا دره ابويه تصير كارثه نزلت بسرعه الها احاول امنعها من صعود
أم ملاك :- ولج ملاك شعدج بعدج كاعد ولج مو وراج دوام ها اكعد عليج ابوج
ما اهتميت الكلامهاملاك :- انتِ شعندج كاعده ها يمه وتريدين تصعدين
أم ملاك :- سمعت صوت حامد يصيح خطف كلبي أريد اروح اشوف شصاير ليش دا يصيح
أنت تقرأ
لانها اختي
Fiksi Umumقاعده ضباطنا " الي يرشنا ب مي نرشا ب دم " هل هاي القاعده صالحه للحب ؟؟؟ (حقيقيه) بقلمي الكاتبه بنت بغداد "فاطمه حمود "