يشايلني إعله چف الموت
ودموعك ترس عينك
گضت وبجثة المكتول..
يا مرخص سچاچينك
يزين..
الضيّعت زينك
تذل ومن الثريا تطيح..
وإحنه رموشنه تشيلك
ولو مو عادتي أشكيلك..
أنه الناي البچه إعله جفاك والغنّى بمواويلك
..........
أم ملاك :- حقج يمه حقج قرت عيني بيج ما تدرين ب دنيه طاشه لو راشه ب غير عالم انتِ فاصله بعد امج غير عين الما صلت على النبي علينا ابن خالج فسخ خطبته ورايحين نعتذر على دوسه البيت وهاي السوالف
ملاك :-يا ابن خال ؟ مدا افهم عليج
ام ملاك :- ملاك لــأ تشغليلي غبائج نيااار قابل كم ابن خال عندج خاطب واني ما ادري ؟
ملاك :-
بقيت صافنه ومصدومه من كل الي صار هسه إلا فهمت شنو قصده
من كال داكه تتشمتين بس مو علمودج سويت هيجي !!
زين ليــش هيج سوه شنو غايته وليش دا يفسخ وهوه كان طاير من الفرح بيها !!
اذا مو علمودي لعد علمود شنو سوه هيجي معقوله حس انو يحبني ف فسخ لــأ لــأ ما معقوله لا تفسرين هيج لان لو يحبني مكان خطب من الاساس
بس ليش اكيد اكو سبب لأن الكل تحمد ب جمال البنيه وعائلتها خوش عائله ومعروفة كامله والكمال الله ما بيها نقص إلا إذا هوه حس ب نفسه يحبني لو تندم ف سوه هيج
هذيت راسي يمين ويسار حتى ابعد هاي الافكار من راسي واسيطر على تفكير عقلي
صاح بابا على ماما يستعجلها
أبو ملاك :- ها ملاك محتاجه شي اجيبه الج قبل لا نروح باباتي
ملاك :- لا بابا حبيبي تسلم
وصلتهم للباب وراحو دخلت كعدت ب المطبخ وإني صافنه من كل الي صار اجا على بالي محمد والسبب الي خلاه البارحه بالذات يدك
ليش ما دك قبلها لأن حامد رد اله جوابي ثاني يوم ب الضبط بـ؏ــد اصرار مني ب الرفض
بس ليش إلا البارحه هوه اكيد بما انو صديقهم فيعرف بي راح يفسخ اليوم زين ليــش دك البارحه شنو غايته !!! اكيد عنده غايه من هل موضوع !
فصل تفكيري وتشتت عقلي دكت الباب رحت طلعت كانت مريم
ملاك :- عمي هسه إلا نور بيتنا
مريم :- منور بيج يعمري
ملاك :- فوتي فوتي ضرغام وين
مريم :- عنده شغل هنا وراح يخلصه
ملاك :- هاا
مريم :- امج موجوده لو لا لان ما الي خلك وما اريد احجي وي احد
أنت تقرأ
لانها اختي
General Fictionقاعده ضباطنا " الي يرشنا ب مي نرشا ب دم " هل هاي القاعده صالحه للحب ؟؟؟ (حقيقيه) بقلمي الكاتبه بنت بغداد "فاطمه حمود "
