لانها اختي

الحياه ما بعد القصه

ويكول حامد اول ما شفتها :-

مدري شسمك ،
مدري من ياناس
من يا حاره ،...
يا شارع ...
تجيني بموعتك ...
وبسحر دمك .

مدري من يا حوَا حسنك .
مدري من يا ماي روحك ،
كَلبك ...
ولبلاب جسمك .

فرهدت روحي ...
آنعم الله آعليك من تاخذني مني ...
بغير ما أدري ...
وآشوفن روحي يمّك ،
وآشتهيك
ومن بعد خطوات آشمك .
أنت يل ما أدري
شسمك ،
كون تعثر مرّه يمّي ،

حتى آمد آيدي اِلك ...
وآسم الله آكَلك .
حتى آكّلك فدوة
شسمك .

........

ملاك :- هاشم لا تتقرب على الميز امي

اركض ب كل انحاء الغرفه حتى اكمل تجهيزات السهره قبل لا يجي نيار تعبت القيت نظره اخيره شفت هاشم دا يريد يسحب الغطوه مال الميز وركضت علي

ملاك :- شبيك يا امي تعبتني مو كتلك لا تلعب بي

خنزر عليه ما قابل ‎أحــچي وياه وارزله اووف هو كله من ورى ابوك طبعا هل وكاحه منين جايبها قابل من عندي طبعا لا من عنده الابوك

اخذت الجنطه الي بيها غراضه والممه انطيتها اله وعدلت الروب الي لابسته فتحت باب الغرفه اباوع يمنه يسرى خاف احد يريد يصعد شي تمشيت الغرفه مومل صايره مقابيل غرفتي دكيت الباب

ايلين :- فوتي ملوكه

فتحت الباب واني خجلانه منها مع انُ فاتحتها بالموضوع وقبلت انُ تبقي هاشم ليله يمها بس خجلانه منها

ملاك :- هشومي مدا يخليني اكمل ترتيب وهسه نيار على جيه والله خجلانه منج

ايلين :- ‎لچ ‎ على شنو خجلانه قابل شمسويه هو طفل حنومه يمي قابل حبقي طول العمر يمي

ملاك :- حتلو خاف زحمه منكم

ايلين :- لا لا اطمني مومل ومسافر واني وحدي ع الاقل يونسني بليل وتعرفين ليل طويل على المفارك محبوبه

ملاك :- ههههه اي والله صحيح ، شوفي هاي الجنطه بيها حليب وممه ثانيه وحفاضات وملابس احتياط هم عفتله حتى لا تحيرين بي تمام

ايلين :- خوش يلا انتِ روحي بسرعه كملي قبل لا يجي نيار

ضحكت وعفت الغراض ب الكاع وركضت الغرفتي قفلت الباب حتى خاف ما اسمع صوت السياره من يجي اكون اني قافله الباب

جهزت الكعده وشغلت التلفزيون وطلعت اغاني ساجده وسويت تشغيل التلقائي رتبت شعري الي سويته ويفي من الاطراف

ورشيت العطر على اماكن النبض

التفتت على الجربايه حاطه عليها البدله وجهي احسه يذب نار شلون راح البسها كله منج منى ذبحتيني ب غيريله جو خطيه الرجال تعبان غيريله جو