لانها اختي

لانها اختي بارات الرابع

يالرايح وناوي الهجر..
تسألني ليش على العمر.
لو ردت عني تبتعد
گلي شنفعهة العافية...
عشگتك روحي من گلب..
وعليهة تتركهة صعب
ونيتهة ماتصفة البشر..
بس الك جانت صافية..
يل ماتحبهة وبطلت
للعشگ المن جربت..
تدري بهجرتك فززت ..
ذيج العيون الغافية ..
جانت مأمنه بعشرتك
هسة صدمتهة بفرگتك ..
راحت بجت يم عتبتك
مثل المضيعه وحافية ..

#زهراء_الناصري🍃♥️

ملاك :- لا تزعلين ترا هوه علي بس ينفخ ب روحه وما بي اي نفع وهي الطوبه ترا احنا ب العراق ف طوبه مالته  ما توكل خبز وهم هو مو مخلص دراسه خل يتعين أفضل اله مو احسن ؟؟

مريم :- بعد هوه وتفكيره هوه يحب ال طوبه يعشقها ويريد انو يكون لاعب معروف ودا يشتغل على هذا الشي وان شاء الله يوصل للي يريده

ملاك :- زين عود انتِ تحبي ؟؟

سكتت ما حجت شي

ملاك :- شنو ‎أحــچي ؟

مريم :- ما ادري ملاك

ملاك :- شنو يعني ما ادري لو تحبي لو متحبي وحده من الاثنين

مريم :- ملاك ما اعرف فدوه لا اضغطين عليه

ملاك :- هوه اكو واحد ما يعرف ب نفسه اذا يحب او لا زين باعي انتِ تثقين بي ؟

مريم :- شنو قصدج مفهمت

ملاك :- اتامنين بي بسرج او شي يخصج لو صار شي لو لا ؟

مريم :- حتلو ما امنت بي ما يكدر يغدرني ترا قابل هوه شنو بيده ترا ما يكدر يلعب وياي ابدا

ملاك :- ليش عيني ما يكدر ؟!

مريم ؛- ملاك شنو نسيتي شنو احنا ؟ عائله عسكريه ابا عن جد اصغر واحد عدنا رتبته ملازم اكبرنا شلون !

ملاك :- بس لا تنسين نفس ما احنا النا مركزنا وقوتنا هوه هم لا تنسين منو أبو ومنو عمامه وشنو مركزهم اذا يريد يلعب عنده اليحمي بس انت تروحين بيها وتصير عداوه بين عائلتين فقط

مريم :- بس صدكي واني متاكده وابصم ب عشره ما يكدر يلعب وياي ويئذيني ولو ب شعرايه وحده ما يكدر

ملاك :-ليش هيج متأكده من نفسج ومنه !!

مريم :- حبي انتي بعدج صغيرونه ما مجربه شي ب الحياه ولا شايفتها على حقيقتها بعدج الاميره المحبوسه ب القصر البعيد الي ما تعرف شنو موجود ب هل حياه ترا اني حاجيه وي الف واحد الف واحد مو واحد لو ثنين واعرف الملعب والي يخاف والزين اميزهم واعرفهم ومو مثلج
انتِ بعدج الحد الان تخافين اطلعين للركن مال شارع وحدج خاف يصير بيج شي

ملاك :- اني اخاف على نفسي مثل مدا تكولين دنيه مو امان ف من حقي وبابا عداواته هواي
ف من حقي اخاف وهم اخاف على سمعت ابوي ولو انتِ تعرفين بيه كلشي اكدر اسوي وكلشي يطلع بيدي
وهم كلمن وجهه نظره بالنسبه الي بسالفه الطلعه ترا شكد حلو لمن اطلعين
ويكون وياج سند تسندين ظهرج بي
بحيث محد يكدر يرفع عينه عليج ويفك حلكه ب احجايه منا او منا وكلها تهابج لان وياج زلمه ابن عن جد
ما يسترجي واحد يتقرب ولو ب نظره من حرم هل زلمه