قلبي وبنت الشيخ ❤

💎البارت الثاني 💎

البارت الثاني💎

واعذرني اليحب من الگلب ينذل
الگصيبة الناعمة شماتنظفر تنحل🔥🖤.
...............

عليهم ندك ومحد يرد علينه اخر شي رد نعمان واجانه خبر الصدمنه

نعمان ..... يمه حضري غرفتج احنه هسه ع جيه ونا نطول وحضرولي وياكم جااي عدنه شيوخ بديوان

سد التلفون وخالتي طمنتهن ع جعفر وراحت تحضر الي يريده وفاطمه ورقيه فرحانات وانه وياهن ع الواهس.......

زهراء...... شبيجن يكول خلصتن من شي

فاطمه..... ولج خلصنه من عبير بعد ما تاخذ اخونه

رقيه..... والله لوزع جكليت ع هاي المناسبه الزينه

زهراء...... ياا فلك هيج ما تحبنها ليش

رقيه.... خيه خلينه ساكتين احسن النه

زهراء...... اي كللي شكوو ليش ما تردنها

رقيه..... ولج سالفه طويله تسولفها الج رهيف

رهف...... وانه شكو اسولفها

فاطمه..... يلا ولج رقيه وييين صاار الجااي

رقيه..... جااااي يفوور

طلعت من المطبخ وزهراء تفتر وراي فضوليه الله وكبر ع فضوها الي كاتلها كتل

زهراء..... رهف رهوفه احجيلي شكو شبيها عبير

رهف...... اهوو اسمعي هيه تحب مريضي ومريضي ما عبرها وهيه تسودنت حولت ع جعفر ومن حبها شردت هااي كل السالفه

زهراء...... يبت نعال... ال.... بت.... هااي بعد لا تخلونها تدخل بيتكم ولا تشوف مرتضى واذا اجت طردوها لا تدخل واذا اسمع جايه ماتلومين اله نفسج

ضليت صافنه هاي شبيها راحت كعت يم امها وهيه تفور من الغضب يااشبيها هاي تسودنت عفتها وصعدت فوك..... بدلت ملابسي..... ولفيت شالي لا يجي..... واحد من ولد عمي

نزلت جوه سلمت ع عماتي وعمتي ناهده كاعده وتبجي وتون ع بتها وبناتها هم يبجن ع اختهن
عفتهن وكعدت ع الدرج نتانيهم يجون

اسمي رهف عايشه ويه جدي وجدتي نسوان ابوي وامي وخواني ابوي شيخ عشيرة.... ال......  ابوي متزوج اربع نسوان حكه افلوس وين يوديهن يتزوج بيهن احسله مايصرفهن ع خالي بلاش ابوي انسان ما يتدخل بسوالف انسوان ومايحب اسوالفهن اصلان

بس الله نزل عليه يحب نسوانه وتزوج مو وحده لا خمس نسوان رغم بيبيتي تكول هو ما يطيق النسوان كلش بس بعد ما بيبي لحت عليه يتزوج تزوج وضل يجر بنسوان لمن صارن اربع عنده ودايخ من وراهن ومن ورا طلايبهن وعركهن ومشاكلهن

خالتي سليمه..... زوجته الاوله عدها منه نعمان الجبير مزوج ومطلك وابنه عد امه يكبر وياخذه
.... وبعده...... وبسام عايش بغير محافضه ما يتواجد اله بضرور كلش......وبعده...... مجيد متزوج اخت صديقه وعايشين يمنه بمنطقه.... وبعدهم..... نسرين ماخذه عدنان ابن عمتي جاهده وعايشه بعمارة بعدها بسنه تطلكو ومحد يعرف السبب..... بعدهم.... رسل ومخلصه معهد دبلوم سياسه..... بعدهم..... عباس طالب يدرس اخر سنه ادارة وعمال...... رسل من طبعها ما تتخلط ويه احد بس بعد ما اختها تطلكت وكعدت ع كلبنه صارت هيه وياها سوه الله يعلم شنو ورا هاي الكعدات.....