قلبي وبنت الشيخ ❤

💎البارت الاول💎

البارت الاول 💎

من أصابيعچ على أزلوفچ أغار
مِـن ألتراچي وأَلمَحابس وألسوار🖤🧿

.............

.... فزيت ع صوت هلاهل وهوسه وصياح نزلت ركض من الدرج وانه شعري صاير كفشه ولابسه تراك زيتوني وكفت ع اخر بايه وانه اشوف بيبيتي تهلها وجدي حاضنها وفرحان وابوي وعمام واكفين ومبتسمين والفرحه شاكه حلكهم صحت بصوت عالي شكووو شبيكم منو عرس الكل ضحك وحجه جدي

الجد.... هههههه لا بويه بس عمج محمود قرر يرد لديره ويعيش بيناتنه

رهف..... اي عمي هنايله اشوفكم كلكم فرحانين بي يبخته بهيج عائله

حارت..... ولج ام السان اليكول هسه محد يحبج

رهف..... انته يهو داسلك ع طرف حتى طفرت

الجد..... ههههه عوفك منها خليها تحجي اي بويه رهف ليش ما رايحه للمدرسه بيج شي

رهف..... والله جدوو مابيه حيل انطيت اجازه لنفسي
كل ضحك وحجه عمي مهيب

عمي مهيب.... اي بعد عمج اجايز وجاي تاخذين بعد شنو الي مخرب نفسيتج

رهف.... والله عمو مزاجي مو زين

عمي مهيب.... هههههه والله يا ياسين بنتك مزاجيه الله يساعدك عليها وهم لسان

رهف..... هاا عموو ترا ماقبل اخذ ابنك مجتبى اخلي يعنز عندك وع كلبك

الكل ضحك..... ههههههههه

الجد.... خاف ع ابنك لا ما يحصل مرة

مهيب..... هههههه هو هيج بويه حرامات نخسرها خوش جنه جنها العافيه

رهف..... كعدت عدل ونتجيت بغرور من حجي عمي جان يحجي ابوي

ياسين.... والله محد خربها غيرك بويه وامي وانته مهيب دلعتوها هواي وباجر تخرب عليه

الجد.... تدلل رهوفه لا تخاف بتنه تربيتنه ما ينخاف عليها ولا ع اخلاقها وماتطلع منها العيبه

مهيب..... هاي جنتي المستقبليه ماكو مثلها

رهف.... ونعم منك عمي الغالي

مهيب..... هههههه هسه ما قبلتي تجين تباتين عدنه

رهف..... وداعت عيونك عمي ما اجي

مهيب..... ههههههه يلا اترخص بويه عدكم العافيه

الجد.... وين بويه ابقه ع الغده

مهيب..... لا والله بويه مستعجل وعندي شغل غير مر

طلع عمي مهيب وانه كعدت اسولف ويه جدي عن احوال العشيرة وهو يحجيلي ابوي راح لغرفه مالته ولحكته سليمه اذن اذان الصلاة وجدي كام يصلي انه صعدت لغرفتي حطيت راسي ونمت

حسيت احد ندهني وراح وانه كملت نومتي كعدت ع دكت باب قويه ومرتضى يصيح

مرتضى..... رهف ولج رهف رررهف