قلبي وبنت الشيخ ❤

💎البارت الثالث💎

البارت الثالث 💎

كون انته دم تصير تجري بوريدي
حتى من احن وشتاك بس اجر ايدي

............

طلعت اركض وانه البس حذائي ركعت باب الكراج وراي ومشيت بسرعه ويه طلعتي صار مرتضى كدامي.....

مرتضى..... هاا ولج بعدج ما رحتي للمدرسه

رهف.... لا والله بعدني متخره ماتوصلني

مرتضى..... هههههه امشي اوصلج ولو انه طالبج كتله مالت هذاك اليوم غلطتي عليه وما مفتك منج

رهف..... لا ما تفتك وصلني وانته ساكت لا اكل لبوي عليك وانته اعرف بابوي احسن مني

مرتضى..... لا ولج كلشي ولا ابوي يصلخني براجدي غير يصير موتي بسببج

رهف.... اووو راح تضل تدكلي اليتيمه وصلني وانته ساكت لو ما السايق عافني وراح فلا انخاك جبحلك كون من اخو انته هم تنخسب اخو

مرتضى.... صارت هيج خوش ضلي ما وصلج

رهف.... لا مريضي وصلني حباب

مرتضى..... مريضي بعينج وهسه صرت حباب

رهف... بلا لا تصير كلش وصلني وخلاص

مرتضى.... امشي خلصيني

ركبت ويه وهو يسوق بسرعه وصلنه للمدرسه شفت المعاونه راح تسد الباب شافتني اشرتلي ادخل ودعت مريضي ودخلت لصف بده الدرس واجه استاذ مهدي اول درس شكد ممل بده يشرح وهنا الملل صار فول عندي بزيت زهراء بقلم من جوه الرحله وهيه باوعتلي اشرتلها بعيوني ع الباب وهيه فهمتني

رهف..... استاذ زهراء بطنها توجها اخذها وطلع

استاذ مهدي..... اي بابا طلعو ولا تتخرون

طلعنه انه وزهراء وهيه كاضه بطنها عود توجعها

زهراء.... ولج مليت منه مايسوي واهس

رهف.... عاد هسه انه الي ما مليت

زهراء..... انه مو طلعتج لازم تجازيني

رهف..... عفتها ومشيت وانه احجي اذا ع مرتضى اجيت وياه اليوم يعني ماراح لبغداد

زهراء..... الله عليج صدك ولج والله احبج

رهف.... ولج ثكلي فضحتينه يكول ما شايفه ولد بحياتج امداج اي والله

زهراء.... احبه انتي ما تعرفين شعوري

رهف.... خليته الج بعد كلبي

زهراء.... كافيج حجي وامشي لا استاذ مهدي يلعب بينه فلك وينقصنه درجات

رهف..... اووف يمته اخلص منه مليت منه ومن شرحه الخايس ...... رجعنه لصف خمس دقايق استحملناهن كوه وخلص الدرس ومرت الدروس بسرعه........ بسرعه وصارت حله للبيت...... رحنه نتمشه انه وزهراء..... واسراء اجه مرتضى علينه مدري شعجب..... نزل الجامه وحجه تعالن صعدن انه اوصلجن