قلبي وبنت الشيخ ❤

💎البارت العاشر💎

البارت العاشر💎

ترى #الكشخه الصدك بالحجي مو بالثوب

لابس ثوب بس اخلاقه #عريانه

المايندل #مكانه بطبة #الديوان

مثل عند #العرب مكسور #فنجانه

..........................

رهف.........

كعدت الصبح ع صوت المنبه وانه اريد انزل من الجربايه دست ع شي جان اشعل الضوه وشوف اسراء ورقيه واستبرق وسلوى كلهن نايمات عبرتهن وطلعت نزلت وصاحت عليه امي

هند...... كعدي البناات ونزلن سااعدن ولد عمجن بطبخ لا تضلن بس نايمات

رهف..... صاار يوم اكو اوامر ثانيه بين ما اغسل

هند..... ايي صعدن للمخزن نزلن التمن والبتيته واي شي موجود مثل زيت ومعجون خاف يحتاجون

مشيت ودخلت للحمام وغسلت وطلعن وانه احجي هيه كل ما صارت عزيمه صعد ونزل شنو مصاعد رحت للبنات ندهتهن وكامن وتريكنه وبدينه نشتغل
صعدانه انه ورقيه وزهراء نجيب الغراض الفوك فتحنه الباب ودخلنه ورقيه شاالت الزيت وزهراء شالت المعجون وذبن براسي التمن هذا منو يشيله جريته جر هاي توه طلعت من الباب وتعبت انزله شلون وكفت اخذ نفس ماحسيت غير التمن انشال

ادهم..... اذا مو حمل تشيلين تمن المن  مسويه روحج بروسلي شكو

رهف..... شيل وانته ساكت محد طلب مساعدتك

رجع نزله وكلي شيلي هو مجتف ايدي هسه عيفي يشيل ونجبي اله تحجين باوعت عليه وحجيت

رهف..... شنووو

ادهم..... انه ساعتج اعتذر يلا انتي شيلي

رهف..... ياااا والله ماكدر

ادهم..... وانه شنو دخلني بيج شيلي انتي

رهف...... دنيت يم المحجر وصحت مجتببى تعاال شيل التمن مااكدر اشيله

مجتبى.... جاي لا تشيلينه وتتعورين

باوعت ع ادهم وبتسمت بنتصار هو ماسوه شي ضل ينتضر احد يجي يشيله شويه واجه مجتبى شاف ادهم وحاجه

مجتبى..... جيب جيس البيتيته والبصل وتعال

ادهم..... بعصبيه اييي فتهمنه

مجتبى باوعلي وضحك وشال التمن وراح وانه نزلت وياه وادهم فاير دمه عباله بس هو يعرف يشل تمن
وكفنه يمهم وهما يطبخون

زهراء..... كرار اطبخ عدل لو تريد اصيحلك خاله تعلمك

كرار..... مو بلمس افشخ راسج زهيررة

زهراء..... هههههه لا كروري تتشاقه موو

كرار..... ميلي من يمي خل اعرف اطبخ

زهراء..... لا اريد اتعلم من الطباخ كرار

اسراء.... زهورة عوفي يطبخ لا يخرب الكل