عشك الصگر

بارت ال25

علي : كلش ضجت لان حوراء ماتحجي وياي من وره بابا وباباهم ضاج طلعنه للشغل واحنه عدنه قضيه كلش صعبه بالمحكمه اكو واحد من شيوخ البصره ابنه كاتل واحد وميت ويريد يطلعه طبعاً اني موكلي اهل المكتول ابنهم ف كالولي انو مايكدرون يأخذون حقهم هذوله شويخ ومحد يكدرلهم وبهاي القضيه بالذات بابا الي يحكم بيه ف دخلنه المحكمة محامي اهل الشيخ ضل يدافع ع المجرم ولازم يطلع لان ماكو دليل عدنه وبعدين بابا كال راح ينطي مهله ع الحكم اسبوعين وبعدين اهل الشيخ اجو البابا وكالوله انو شيريد ينطو بس لا يحكم ع ابنهم يعني يردون رشوه وبابا رفض رفض قطعي وبعدين طلعنه من المحكمة شكد ماجنه ضايجين ع حوراء ضجنه اكثر اني بسرعه رجعت للبيت صعدت الغرفتي وضليت اقره بخصوص هاي القضيه لاززممم أعرف كلشي يخص هاي القضيه
هدى :كعدنه الصبح سويت ريوك اني ونور وساره خلصنه وحضرت الريوك نزل علي وعمي كلش ضايجين
ساره : اكلج هذا حبيبيج شبي هيج كالب خلقته حتى صباح الخير ماكال
نور : ولج حتى عمي
هدى:لان حوراء ماتحجي وياهم
ساره : صدك هسهه شجته عمي اله يرجع مرته شايف منه
نور : ولج والي تكتل هيهه اصلاً رايدته بس ع مود فلوسه وهوه يعرف بهذا الشي مادري ليش هيج راح يسوي
هدى: بكل بساطه لان يحبه ويمكن اتندمت وتريد ترجعله
ساره: يمعوده ياتحبه
نور : بنات سكتو جتي حوراء
هدى : نزلت حوراء سلمت علينه كلنه ماعده عمي وعلي وراحت كلش ضجنه عليه لان تعودنه عليه بالبيت وعمي وعلي طلعو للشغل وساره راحت البيتهم ضلينه نضف البيت وتغدينه بس علي وعمي ماجوي كال جدي عدهم شغل خبصنه غده وكمنه نغسل الاماعين اني ونور اكلج نور
نور : ها
هدى: خايفه ع علي
نور : شبي علي ابن انفاس وتخافين عليه رجال شكبره شعرضه زعلان ع زعل اخته مثل اخوتج مايدرون بينه وين صايرين
هدى : مو صوجج صوج الي تحجي وياج عفته وصعدت فوك دكيت ع علي ميجاوب ماحبيت اضايقه وهوه بالغشل عفته براحتة طبيت سبحت وطلعت لبست دشداشه لون بنفسجي وخليت مكياج خفيف وفتحت شعري وخليت عطر ونزلت كعدت بالحديقه منتضره علي يجي اجتي نور
نور : إذا منتضره الحب تره اجه من زمان وهسه هوه بالغرفه
هدى: اصلاً ممنتضره احده
نور : دروحي روحي
هدى : رحت بسرعه صعدت فوك الغرفة لان ضايجه منه فتحت الباب حتى بدون لا ادكه
علي :جنت كاعد اقره بالقضيه ماحس اله الباب نركع بالحايط من قوه الفتحه التفتت اشوف منو جان اشوف هدى
هدى : بالجذب جان كلت حبيبتي اشوفه اسئل عليه شبيك من الصبح لليوم اتصل عليك حتى ماتجاوب كلت خاف بالشغل وماريد اضغط عليه ونوبه اني الفطيره كعدت بالحديقه انتضرك تالي تطلع راجع من زمان وحتى بالجذب ماسئلت عليه ولا شفت الاتصال دزيت مسج خابرت
علي : شفته عصبيه رحت سديت الباب وهيهه مستمره تعيط خليته الحد ما سكتت
هدى: جاوبني علي ليش ساكتت
علي : حبيبتي اذا خلصتي اهدئي واكعدي افهمج هاي انتي العاقله الي اكول عليه تفهمني بدون ماحجي كلمه
هدى : بس انته اليوم مدري شبيك وياي حتى الصبح مباوعت عليه ولا شي لزم ايدي وكعدني ع القفنه وخله عيونه بعيوني وكال
علي : آسف يروحي حقج عليه بس والله العظيم كعدت ضايج ع حوراء وابوي وانتي تدرين بهذا الشي وبعدين طلعت للشغل ولزمت قضيه كلش جبيره والي يحكم بيه بابا ولازم ابيض وجهه والقضيه صعبه ف مانتبهت التلفوني يشهد الله عليه ورجعت بوجهي كبل للغرفه حتى بدون اكل من الصبح لسه وهاي شوفت عينج داقره عن القضيه عليمن كل هل عصبيه يروحي والله مو زين عليج هذا كله من وراي ليش هيج يروحي منوو اني حتى استاهل تعصبين ع موده
هدى : اعيوني دمعت ع طريقه حجيه اشكد حنين كتله اسفه حبيبي انته ماناقصك مشاكل وآني جيت اعيط اسفه والله بعد ماعيده وحضنته وضليت ابجي خله ايده ع راسي
علي : اشش حبيبتي لا تبجين شو أريد اشوف جمال عينج خليت ايدي ع عيونه ومسحت دموعه وكتله عادي بوسه من هاي العيون الحلوه
هدى: هزيت براسه بمعنى القبول باسني بعيوني وآني توترت كتله يلا حبيبي كمل دراسه ع ما اصبلك غده لان بدون اكل انته
علي : لا حبيبتي لا تعبين روحج اني من اخلص اسوي النفسي روحي ارتاحي
هدى : كمت وكفت بره الغرفة ومديت راسي معليك راحيه اسويلك اكل من ايدي وغمزتله وطلعت ضل يضحك كبر لفججج هدى تضلين غبيهه يعني رجال تعبان من شغله وعائلته اجي ازوده عليه يمههه اشلون يحجي وياي اروح فدوه الكلبه الحنين اني
..............................
نرجع للماضي شويه (قصت حب ابو علي وليش نفصل)
محمد: جنت اني ادرس اني بغداد جامعه المستنصرية قانون مرحله اخيرة جنت كاعد بشقة ورحت مثل كل يوم ع الدوام خلصت محاضراتي وطلعت وجان اشوف وحده سبحان الخالق تحجي بالتلفون الصوت شنو الشعرر اشگرررر بطوله والعيون زررركك كبار وبيضههه وجانت الشمس عاكسة عليه وصايره حمره وهيه لابسة تنوره سوده وقميص ازرك فاتح عاكس ع عيونه وتحجي ويا السايق لان متأخر عليه ومعصبه
لمى: يعني عمو صدُك تحجي اني هسه منو يرجعني وين الكي تكسي بهل ضهريه تمام مع السلامه
محمد : اني مادري ليش ضليت واكف انتضره تخلص حديثة بالتلفون وفعلاً بس سدت التلفون بسرعه رحت كتله من رخصتج
لمى: تفضل
محمد : اكدر اني اخذج بطريقي
لمى: لا شكراً اني هسه اطلع ادور تكسي
محمد : صدكيني ماكو تكسي بهل ضهريه وانتي ماشاءاللهه حلوه وماتعرفين العالم
لمى: هاي انته كلته ماعرف العالم وماعرفك ف روح محمد : تره اني طالب بهاي الكلية واسمي محمد ..... طالب قانون مرحله اخيره
لمى: هااا هاي انته الزنكيل الي طلاب كليه كله تحجي بيك
محمد : ههههههه اني الزنكيل بس ها اخذ كروه منج
لمى : ييي عيني اصلاً أنتو الزناكيل تخافون ع الربع
محمد : والهذا السبب صرنه زناكيل يلا تعاي
لمى : اوك
محمد : اجت صعدت وياي وانطتني عنوان بيتهم اكدر اعرف اسمج وشنو قسمج وين تدرسين
لمى: ههههه دنطي صبر النفسك عيني سؤال سؤال
محمد : ههههه اخاف نوصل وماسئلج
لمى : اسمي لمى قسمي طب عام مرحلة ثانيه
محمد : اها تشرفت بدكتوره لمى
لمى:ههههه الي الشرف صدُك يكولون انت ابن شيوخ
محمد: ماشاءاللهه هاي معلوماتكم كله صح
لمى : اها
محمد : ضلينه نحجي الحد ماوصلت طبت وآني متتتت خابرت صديقي اسمهه سعد هذا هم من بغداد بس حالته المادية مو كلش بس صديقي الروح بالروح صار 4 اسنين سوهه ولك وكع اخوك
سعد: يلا يااللهه ولدي راح يصيرون بطولي وانته بعدكك مامزوج بس منو شلون
محمد: ولك وحده ويانه نفس الكليه بس قسم طب عام
سعد: طك فوك ما انته طاك
محمد: شوو ولي سديته وضليت افكر بيه الليل كله مانمتهه بعدين ضليت يوميه اروح القسمه واشوفه واسلم عليه بحجه باالصدفه وبعدين صرنه اصدقاء وطور الوضع وكتله احبج ومن اتخرج اتزوجج لمدة سنه كامله تخرجت من كلية القانون وكلت قبل لا اتقدم لازم اكون نفسي رحت للبصره وكلت للبوي راح افتحلي شركه بغداد وجنت ضام مبلغ بالبنك سحبته وفتحت الشركة صديقي سعد كال عادي اصير شريك وياك وآني قبلت لان صديقي وماخذت افلوس كتله إذا ربحنه انطيني وفعلاً فتحنه الشركة والحمداللهه الله رزقني واشتريت بيت بمنطقة راقيه بغداد ورحت للبصره شفت ابوي بالمضيف واخوتي واخواتي يعني العائلة كله كلت السلام عليكم
الكل : وعليكم السلام
محمد: رحت سلمت ع العائله كله وكعدت جان يحجي ابوي
الشيخ : ولك مو كافي ماشوفك بالشهر مره خليت اليسوه والميسوه يحجي علينه احمد : يابه شكو شحجو
الشيخ : ناس تكول ابو طارده ويجي بالشهر مره بسكوت يشوف امه ويطلع
الشيخه: ولك يمه تره شبيت كلبي وكلب ابوك ماتزوج كاتل نفسك ع الورقه والقلم مو كافي شوف حياتك تزوج مو هل اخوتك تزوجو اله انته
محمد : صلووع محمد اني اصلاً جاي اكلكم ترحون تخطبولي
شيخه : يمهه هيج وافرح عيني بيك وارتاح
الشيخ : من باجر ترحين تشوفين احله وحده بالسلف وتخطبيه
شيخه: من عيوني
محمد : لا اني أريد وحده من بغداد
الكل: شنووو
الشيخ : منووهاي
محمد: وحده وياي بالجامعة دكتوره كاعد تدرس
الشيخ : لا ماتاخذ وحده غريبه اخذ من السلف
محمد : بويه تره اني هاويه وحتى اطيته كلمه
الشيخ : ييي خوش جا نسئل عليه ونشوف
محمد: بويه تره البنيه سافره سنيه بس ابوهه متوفي وعايشه يم خواله هم سنه
شيخ : وتريد تزوجه
محمد: يي ان شاءاللهه
شيخ :ولج شنهي تريد تفضحنه بالسلف
محمد: ع شنووو افضحكمم تره ما شارد ويا وحده
شيخ : ماتخذ وحده من غير سلف وآني كتلك ماتاخذ وحده غريبه لا نعرفه ولا تعرفنه ودور من بغداد تقره وتكتب ومن شوكت ناخذ نسوان مو محجبات
محمد : اشتد النقاش بيني وبين الوالد
والوالده واخوتي واخواتي يهدون بينه
الشيخ : باوع حمدان من دون اخوتك خليتك تروح البغداد وتدرس بغداد ومن دون اخوتك ماجبرتك تزوج بعد هايهه مممنوع توصل بغداد
الوالده : ابو حسن بس ع كيفك ويا
الشيخ : من باجر ترحين تخطبيلة وحده من السلف وتجين والشهر الجاي عرسه وهوه يكوم
محمد : الي راح اتزوج وآني مو أنتو وآني الي اقرر اشوكت ازوج ومنووالي راح اتزوجه واني الي راح اعاشره مو أنتو وماخذ غير الي احبه والي انطيته كلمه وماطلع زلمه وانعد ع الزلم اذا ماخذه
الشيخ : تكسر كلمتي ع مود گح***ولك گو***امشي اطلع بره بعد جهرتك (خلقتك) ماريد اشوفه
محمد : تدلل شيخ يلا اودعناكم عفتهم وطلعت بسرعه خابرته الوو حبيبتي اني باجر جاي اخطب
لمى: شوكت تجون
محمد : محد يجي بس آني وسعد اهلي ماوافقو
لمى: تره كلت لهلي زنكيل واهله شيوخ شنو ميجون وشكو جايبلي هذا سعد
محمد : لمى كتلج سعد اخوي الي ماجابته امي والحجاية الي تحجيه فكري بيه ويلا باجي اجي ب4 سديته ورحت للبيت مالتي نمت وكعدت الصبح خابرت سعد وشفت شيخ ورحنه وخطبته ومن خطبته خابرني اخوي حازم
حازم: ابوي سمع وحلف بعد مايشوفك ولا يحجي وياك وكال للسلف كله طردته ونبه علينه بعد مانحجي وياك ولا نطيك فلوس ولك خويه ليش هيج سويت
محمد :ماسويت شي بس خطبت الي احبه وبعدين روح كول لبوي اني مامحتاج فلوس وماراح اتراجع عن قراري سديته وحلفت من يومها بعد لو اجدي مارجع البيت ابوي وتزوجت لمى وعشت احله ايام حياتي وجه علي للدنيه وآني صرت اشتغل محامي واشتغل بشركة ولمى دكتوره جراحه بس ماتشتغل تكول تتعب والحمدالله عايش بخير الله وآني احاول اشتغل لليل ونهار بس حتى اسعد لمى لان لمى مادية وتحب كلشي تشتري وآني احس انو ابسط حقوق المره بالعراق زوجه يشتريله ويوفرله الي تريده والحمدالله عيشته بخير وبعدين قررت ادرس قضات وفعلاً درست ونجحت اول سنه ودرست ثاني سنه ولمى طلعت حامل وكلش فرحان بيه وابوي مايحجي وياي من ذاك اليوم بس اشوف امي بين فتره وفتره اخوتي ونسوانهم يجون بحجت رايحين للأمام ويجون يشوفني بس مايحبون لمى ولمى تضل تحجي وتشكة منهم لان يحجون عليه وآني اكلهه تره يجون كم ساعه ويرحون تحمليهم وستمرت حياتي طبيعه الحد ما اجه يوم رحت للشركه اجه سعد
سعد : هاا حضرت القاضي اشلونك
محمد : الحمدالله انطيني الاوراق الي خابصني بيه خل اوقع بسرعه أريد اروح للبيت جاي من الجامعه هلكان
سعد : هاك بسرعه وقع هنا
محمد : وقعت وطلعت رجعت للبيت ولمى جانت حامل وماتكدر وحده يعني ماطلع هواي لان اخاف عليه وحده ضليت شهر ماطلع للشغل ع موده ف كلت ليش مااخابر سعد يجيب مرته وبناته يونسوهه خطيه اخابر عليه مغلق جهازه خفت خاف بي شي خابرت ولدهه نفس الشي بسرعه رحت للبيت دكيته طلعلي واحد ماشايفه كلت خاف واحد من كرايبهم كتله صيحلي سعد ابوو حيدر جان يكلي شي خلاني مصدوم كالي باع البيت وآني شتريته واعتقد سافر هوه وعائلته ستغربت ليش ماكالي رحت للشركة كلت بلكت هناك وجان اشوف عمال تغير بسم الشركة طبيت جوه الموضفين مو نفسهم هاي شصاير كلت منوو أنتو شديصير بالشركة اكدر افهم سعدد ويننن طلع رجال من غرفت المكتب مالتي كال تفضل عيني
كتله شنو اتفضل وين سعد شديصير بالشركة ليش مغيرين كلش صار شهر اني ماجاي شديصير
جان يكلي لتصيح وهاي الشركة اني اشتريته من شهر شنو جاي تكول وين سعد سعد باعلي الاسهم ع شنو تصيح من كال هيج حسيت الدنية تفتر بيه وكتله وآني كل حيل مابيه كتله بس آني شريك ومايكدر يبيع وآني ماموافق وحتى إذا باع اني الي حصة وميصير تغير أي شي بدون موافقتي
كال بابا اني كل الشركة صارت باسمي ويلا اطلع ماعيزنه مشاكل طلعت من الشركة منهار ركبت تكسي لان اذا اسوق اسوي حادث راسي احسه نسطر وكلام الرجال مايروح من بالي معقوله سعد يسويه الي اثق بي اكثر من نفسي هيج يسوي بيه صعبه تكون تثق بشخص ومأمنه ع مالك وبيتك وبعدين يغدر بيك وآني مابقالي غيره رجعت للبيت تلكتني لمى
لمى: ها حبيبي جبت اكل من السوك تره ميته جوع
محمد: هيهه تحجي وآني حسيت نفسي اشلون الي نشليت الساني بعد ماكدر احركة وفقدت بعد ماحسيت غير ع اني بالمستشفة ولمى وعلي يمي كالتلي صارت جلطه بيه بس عبرت الحمدالله وثاني ويوم طلعت من المستشفة كلت المى ع كلشي صار وره شهرين جان تجي تكعد يمي
لمى: اكلك يعني بعد ماعندك فلوس
محمد : عندي فلوس بالبنك بس مايكفن راح اعوف الدراسة القضات واطلع اشتغل محامي
لمى :اكلك اهلك مو زناكيل روح اخذ منهم فلوس
محمد: لمى لو اعرف انام بالشارع ماروح اطلب لا من اهلي ولا من واحد
لمى : لعد وحنه وين نروح عيني انت نام بالشارع
محمد : كتلج اطلع اشتغل
لمى : اكلك اني هذا الحجي ميصرف عندي اني مامستعده اضل عاشه ويا وياحد ماعدنه فلوس وفوك كل هذا اهلك متبرين منك اكول طلكني
محمد: شبيج انتي تخبلتي الخاطر اللهه اصبري سنه وارجع كلشي زعلت وراحت لهله بس خلت علي يمي وره يومين رحت اجيبه جان تكلي
لمى : اكلك طلكني واذا ماطلكني هاي بتك الي بطني اسقطه
محمد : لمى اني عفتد اهلي ع مودج لان احبج وتالي تكليلي طلكني ع مود فلوس
لمى : ييي اني ماكعد يم واحد كلشي ماعنده
محمد : ولج لمى مخليج معتازه شي اصبريلي بس هل سنه والله ارجع كلشي
لمى : إذا ماتوصلني وقره طلاكي باجر اروح للمحكمة وارفع دعوه طلاك واسقط بتك
محمد : هاهيهه راح اطلكج بس راح تتندمين
لمى: اتندم ع فلوسك
محمد :اطلك بس بشرط تتنازلين عن الطفلين علي وحوراء
لمى: ومنو كالك اصلاً راح اخذهم اني بعدين صغيره اروح اتزوج اشوف حياتي
محمد : وره ماتجيبين حوراء وتتنازلين تطلكج اخذت علي وعفته وطلعت الدنيه كسرتني 3 مرات بيوي ومره بصديقي ومره بروحي لمى كلشي بالنسه الي وراحت اخخخ يدنيهه شضامتلي بعد من ضيم رجعت للبيت واحس كلشي خسرت مابقالي غير علي وبنتي الي بعدهه ماجايه للدنيه كلش دمرت بهاي الفتره صعبه تكون وحيد لا اهل لا مره وعندك ولد طبعاً علي جان عمره 7 اسنين وطفل جاي بالطريق
وعلي يفتتهم دائماً يحجي ع امه يكلي تحب الفلوس ماما ماتحبك يعني حتى علي طفل وعرفه ضليت كاعد شهر بالبيت وبعدين كلت الى متى اضل هيج اني لازم اشتغل مابقالي غير اطفال اثنين بهاي حياتي لازم ماخليهم يتعتازون شي صرت اطلع اشتغل يومية وعندي واحد وياي هم يدرس قضات وياي جيرانه حسام اجاني وحجيتله كلشي صارلي وكالي
حسام: اني اتكفل بقضيتك بس روح قيم دعوه عليه محمد :ورحت قمت دعوه عليه واتسلمه هوه وكالي اني انطيك فلوس بس رفضت بعدين كالي جيب ابنك يمنه مرتي هم حامل وحده يونسه وروح اشتغل وفعلاً خليت علي يمهم وصرت اشتغل الصبح محامي والضهر اطلع عماله وبالليل اتشغل بمطعم صرت اشتغل اربعه وعشرين ساعه اكعد من ال4 الفجر اصلي واطلع من البيت ارجع ب 11 بالليل اخذ علي وهيج استمرت حياتي الحد ما اجه اليوم الي جابت بي لمى وقبل لا تجيب بسبوع جابت مرت حسام ولد سمو سيف ومن جابت لمى خليت الطفله يمهه سبوعين لازم ترضع وهذا الأسبوعين كله تحجي تعال اخذت بتك واخذه زين اني اشلون طفله ماعرفله وآني رجال ماعرف الهاي السوالف بالليل وره ماجابت رحت اخذت بنتي الي بعدني ممسميه شفته بيضة وشگره حتى شعرهه ممبين من كد ماشگر طالعه ع امه وعيونه بعدهه مامبينه قررت اسمه حوراء خليته تتنازل عن الاطفال وطلكته اخذت حوراء ورجعت للبيت وعلي الطريق كله مكيف عليه يكلي بابا حلوه اختي طبيت للبيت وخليته ع الجربة وضليت صافن بيه هاي الشلون اداريه وآني حتى ماعرف الزمه اخاف خفت عليه فزيت من صفنتي ع صوت بجية ماعرف شسويله ضليت شايله وابجي وافتر بيه وعلي يفتر وراي ويبجي عليه آخر شي اخذته وطلعت البيت حسام كسرت الباب طلعلي حسام
حسام : شبيك ابو علي
محمد: اروحلك فدوه خويه بس ودي حوري المرتك خل تشوف ليش تبجي
حسام : صدك جذب تعال طب
محمد : اخذ حوراء وراح وآني ضليت خايف عليه
علي : بابا ليش تبجي عليه
محمد : حبيبي هاي اختك حوري ماعرف شبيه وليش تبجي وهيه صغيره ف خفت عليه خاف يصيرله شي وضليت اشرحله واني بالي يم حوراء الحد ما دخل ابو سيف
علي : عموو سكتت حوري
حسام: عمي هنيال حوري عليكم
محمد : ابو سيف شبيه
حسام : هسهه راح تجي ام سيف تحجي وياك
ام سيف: يابه مابيه شي بس جوعانه رضعته
محمد: خويه خاف بيه شي كليلي اوديه للدكتور
ام سيف: والله مابيه شي بس هيه طفله وانت رجال ماتعرف خليه يمي اني اداريه لان بعدها صغيرة ولازمه رضاعه
محمد : لا خويه رحمه الله والديج ماتقصرين اني اداريه
حسام: ابو علي خليه خطيه خاف يصير بيه شي لا سامح اللهه ومثل ماكالت ام سيف انت رجال وماتعرفله
محمد: ضلو يقنعون بيه وآني كتلهم هاهيهه بس اجيبه ترضع وبس اخذته ورجعت للبيت كلت خلاص اني لازم اعيش ع مود علي وحوراء ماخليهم يعتازون شي صرت اطلع اشتغل بقضايه واروح اوديه يم ام سيف صرت اخاف عليه من الهوه وعلي هم واذا بجت نبجي اثنينه عليه صرت اني الي اغيرله ملابسه وكلشي وصار عمره شهر وملامحه بدت توضح وبيوم سمعت لمى اتزوجت وطلعت الأمريكية ماكدر انكر بعدني احبه وكلش نقهرت وكلبي مكسور عليه وعدت نفسي مازوج اي وحده ع مود راحه حوراء وعلي خاف تأذيهم وآني بالدوام وآني بعدني احب امهم بس ماكدر اسوي شي وبيوم ندك الباب فتحت شفت ابن سعد الجبير حيدر وحسام ضليت اصيح وين ابوك الحرامي النصاب ويننن وضليت اضرب بي
حسام: ابو علي بس اهدء واسمع وبعدين احكم
محمد: ابو سيف شسمع واحد ابو بواك نصاب حرامي شسمع ماتكليلي
حسام: ابو سيف بداعت حوري عندك اسمع وبعدين احكم
محمد: تفضلو دخلو جان يحجي
حسام : أبو علي سعد مسافر الكنده وصاير بي سرطان وتوفهه وقبل لا يموت منطي هاي الورقه الابنهه وكايله خل يبريلي الذمه واملاكي الي بالخارج وبالعراق والشركة الي اخذته منه كله تتحول اله
محمد: اخذت الوقه شفته وقره تنازل الكل املاكة الي
حيدر: عمو حباب ابري الذمه الوالدي خل يرتاح بكبره مات مامرتاح خلي يرتاح بكبره بي ابريلة الذمة والاملاك كله تتحول الك
محمد: عمي اني ماخذ غير حقي الي هوه شركتي ترجعلي وبس الباقي ماريده أنتو شباب وتحتاجون املاك ابوكم الكم وابوك الله يرحمة برحمته الواسعة هاي هيه هوه بعد توفه وآني باري الذمة ضل يتشكر بيه وصدك رحنه وحولنه الشركة بأسمي والحمد الله الله رزقني ورجعت ادرس وصرت قاضي وتشريت شركات داخل وخارج العراق الحمداللهه وعلي كبر وصار محامي كد الدنيا وحوريتي كبرت وصارت نسخه امه وآني وعلي نخاف عليه مثل قبل واكثر بس اجت فتره وحوراء دخلت بحاله اكتئاب والحمداللهه كدرنه نطلعه اني وعلي وسيف الي هوه اخوهه بالرضاعه من صارت مراهقه دائماً تسئلني ع امه وآني ماجاوبه بس حجيتله مختصر وماخليته تعرف اي معلومه عنه غير انو هيه تشبه وهيه من نوع الحساسة والحمدالله تقبلت الموضوع وصارت زينه وابوي اجه للشركة مالتي وضل يعتذر مني لان عافني وحدي سمع بالي صارلي وسامع بيه انو صرت قاضي وصاحب شركات معروف بغداد ورجعت علاقتي بي مثل قبل واكثر وكالي ارجع للبصره بس آني رفضت رفض قطعي لان شغلي كله بغداد واخاف ع حوراء منهم هناك بالبصره وخصوصاً بعض عشاير يتحكمون بالمره وماعدهم مره تشتغل وتدرس وخلصه عشائر قبل ولحد الان موجودة هيك عشائر واني بتي أريد اخليه ع راحته اصلاً ولمى خابرتني تبجي تريد مني فلوس لان رجله سكير ويضرب بيه وآني ماكدر مادزله لان احبه والان هم هيه ام اولادي وهم اني اصير احسن من عده بس علي مايقبل انطية ودائماً يتعارك وياي ويكلي ماتحبك تحب افلوسك بس حتى لو اني احبه وهذا الشي كافيني
.............................
لهنا وينتهي البارت طبعاً اليوم البارت طويل وكله احداث وهذا البارت خصيصاً البطله طلبت مني اكتبه حتى تاخذون عبره من قصه عمو محمد الحب مو كلشي لازم تختارون الشخص الصح وتثقون بالشخص الصح وتعرفون انو مو كلشي افلوس وبس طولت عليكم إذا عجبكم البارت ياريت تضغطون ع النجمه وتعلقون تعليق حلو حتى استمر وياكم 💗✨