عشك الصگر

البارت الثامن

حوراء/رحت حضنت جدو والله اني هم احبهم واموت عليهم بس جدو شاورته حتى لا يسمع العقده جدو اني سويت هيج حتى بعد مايسوه ويخلوني مانام انته تقبل حفيدتك ماتنام
الجد/ اكيد لا
حوراء /رجعت شاورته لعد من يجون اليوم صالحنه حتى علوش ياخذنه للمول اني والبنات حباب 😊

الجد / ههههههه اي مو تدللين

صگر / هاي اتشاور ابجدي واني كاعد مثل الطرطور بينهم بالخير جدي كام يضحك ويكلله تدللين ضجت حيل حجيت ابصوت عالي يالله جدي خل انروح للديوان وذا حوراء اتخاف اتضل وحده بالغرفه خل اتروح يم اخواتي اني تعمدت هيج احجي حتى اغثه وضحتك بستهزاء

حوراء/ ضجت من حجه هيج الحقير لا اتخاف متعوده بابا وعلي اربعه وعشرين ساعه بالشغل واني وحدي بالبيت ماخاف 😏

صگر/ لعد ابراحتج بت العم يالله جدي خل نتوكل ورانه كعده
الجد /يالله بويه امشينه

حوراء / طلعو اني نزلت اركض للمطبخ ميته من الجوووع  لكيت هدى وساره ونور هستوهن كاعدات يردن يتركين صحت ابصوت عالي صبااااااااااحووووو

هدى وساره ونور/ وسم خرعيتنه

حوراء/ امداجن غير اصبح عليجن ☹️

هدى/ دنجبي وتعالي خل نتريك حتى اتسولفينه

حوراء/ نتريك افتهماها بس على شنو اسولفلجن

ساره / على الحب
نور/ اتريكي وبعدين نحجي

حوراء/ عزززه انجبن اني مره سنكل ويني وين الحب
قاطع حديثنه
نرجس / سمعت كلمت حب صح لو غلط

هدى/ غلط لان انتي طرشه وتسمعين غلط

حوراء/ بنات خل نتريك لان باليل انروح للمول لو نسيتن

ساره/ منو ايكول ايقبلون

هدى ونور / اي والله ماعتقد ايقبلون

حوراء/ قبل اشويه حجيت ويا جدو وكتله انروح للمول اني والبنات وقبل

البنات/ صدددك

حوراء/ اي والله
هدى  / يالله لعد خل ناكل ابسرعه حتى انلحك
الكل / اوكي
حوراء /خلصنه ريوك البنات نرجس راحت اتجيب ملابسه ساره خابرت اخوه ايجيب ملابسه صعدنه للغرفه اني وهدى وساره ونور كتلهن يالله خل انااام اني نعسانه 😪
البنات/ شنوووووو لا
حوراء/ كبر خرعتني اشبيجن
هدى/ سولفينه على الحب
ساره / ايييي احنه اخوات
نور / مانكول الاي واحد والله
حوراء/ والله ماعندي حبيبي
هدى/ لعد وصگر
حوراء/ ايييييع لا اجيبين طاري العقده بليززز
البنات/ههههههه عقده
حوراء/ اي واكبر عقده ابحياتي سولفتلهن الصار بيني وبينه من اجيت لسه
البنات ضلن ايكولن اشلون هيج تحجي ويا وشلون
قاطعنه رنت تلفوني باوعت شفته علي ماجاوبت ضل ايدك عليه ماجاوبت ونوب بابا هم دك عليه 5مرات مجاوبت وغلقت جهازي كلت للبنات خل انام وهنه ماصدكن نمنه كلنه ابغرفتي اني نايمه واحس واحد يلعب ابشعري فزيت لكيته بابا
ابو علي / اسف يروحي كعتج بس والله ماكدرت اطلع للشغل اذا ما اشوفج
حوراء/ يحبيبي والله بس انتو نسيتوني ☹️😢
ابو علي / ولج اكو واحد ينسه روحه ولج انتي روحي من الدنيه اشلون انساج
حوراء/وهيه اتحضنه فديت باباتي الصاك
علي/ احم احم نحنو هنا
حوراء وابو علي  / هههههههه تعال 
ابو علي / يالله اني راح انزل جدكم جوه
حوراء/ اي بابا انته انزل على ما اعاقب المحامي علوش نزل بابا
علي/ اي عيني اتفضلي شنو العقاب
حوراء / اليوم لازم تاخذني للمول اني والبنات اوكي 🙃
علي / مو تدللين بس من افلوسج مانطي ولا ربع
حوراء / دنجب وجه الطاوه  اني ماعندي افلوس
علي / اييي اي صدكتج  والله عندج افلوس اكثر من افلوسي بس يالله عمي اخذج امري لله بس باعي مانتضرجن دقيقه الساعه8 باليل نطلع اذا مامكملات اعوفجن
حوراء/ اييييييييي والله ماخليك تنتضر بس انروح كلنه ابسراتك
علي/اي وبعد اكو اوامر ثانيه ست حوراء
حوراء/ لا ماكو يالله انزل على مارتب روحي وانزل
علي/ اوكي
حوراء/ نزل علي البنات كلهن نازلات بس اني نايمه صدك لو كالو تنبل مالنوم 😂😂
المهم لبست اتراك لونه اسود ومكتوب على البدي اسبورت بالنكليزي وبالبجامه خطين بالون الابيض اني احب هيج لبس وسويت تسريحه بصيطه مثل هاي 👇

اخذت تلفوني ونزلت لكيت البنات كاعد ايصبن ماخلني اساعدهن رحت للديوان لكيت بس بابا وعلي وجدي والعقده واحمد ومصطفى وسند اخوت صگر  وام صگر وبيبي بختصار العائله كله اني دخلت سلااام ياقوم
الكل ماعده صگر/ وعليكم السلام
احمد/ اشهل جمال عيني
حوراء/ اي غير طالعه عليك ورحت كعدت ابحضن بابا 
الجد/ ها اصالحتو
حوراء/ اي 🤗
الجد/عفيه
حوراء/ اي صبو الاكل كعدنه كلنه ومقابيلي العقده بس يخزر كبر اي والله اني ماعرف اكل اذا احد ايباوع عليه ضليت اكل بس اخيرا وبعدين كتلهم دايمه وكمت
ام صگر/ يا يمه شكلتي
حوراء/والله شبعت
الجد/ خاف ماعجبج الكل حبيبتي
حوراء/ بسته من خده بالعكس طيب بس اني ماكال اهواي
الجد/ ابراحتج يروحي
الجده/ هاااا ابو حسن اشو حبيبتي وروحي
الجد/ غير حفيدتي
مصطفى/ هاا يجده اتغارين
احمد / اي والله ولك جنه اتغار
الجده/ انجبو ولكم
الكل ماعده العقده قصدي صگر 🤣/ هههههههههههه
حوراء/ رحت اغسل ماحس غير
.........٠........٠........٠.........٠.........٠.........٠..........٠......
ولهنا خلص البارت
ادري قليل بس انتو ماكاعد تتفاعلون حتى ايصير عندي واهس اكتب☹️💔