عشك الصگر

بارت ال 26

حوراء : دخلت بالسيارة دامشي وجان يتصل تلفوني فتحته الوو
سيف : ولج هذا صگر يكول روح جيبه وآني مابيه حيل ف ارجعي للبيت لا اجي ارجعج بالجلاليق
حوراء : دنجب حبيبي اصلاً راجعه داسوق
سيف : حوراء أريد خدمه منج
حوراء: خير
سيف : أريد رقم سمسم
حوراء : ياسمسم ولك
سيف : شبيج سارة
حوراء : ههههههههه لا ومدلعه بعد
سيف : ديلا عاد دزيلي رقمه
حوراء : بشرط باجر تاخذني نتريك بالمطعم
سيف : تم
حوراء : يلا زيح من اوصل ادزلك رقمه
سيف : اروح فدوه الحوحي الورد
حوراء: سدهه عاد
سيف :ههههه اوك باي 😂
حوراء : وصلت للبيت وداطبب بالغراض الي شتريتهم  جان الكي ام محمد موجوده
ام محمد : خاله وين رحتي مو ضل بالي عليج
حوراء : اسفه الله بس طلعت اتونس وشتريت ملابس للمدرسة
ام محمد : حبيبتي ميصير تضليهن بيهج وقت بره انتي بنيه شابه وتخبليين ماشاءللهه وابوج عنده اعداء كلشي يصير
حوراء: ههههههه بعد خاله الفيلج سناريو شبيج رحت ورجعت كلشي مابيه
ام محمد: غير اخاف عليج
حوراء : يلا هاهيه بعد ماطول اصلاً أريد اكعد ادرس
ام محمد : صدك شوكت تبدي دراستج
حوراء: مادري باجر اسئل سيف واشوف
ام محمد : ها تمام لعد يلا روحي ارتاحي
حوراء: عفته وصعدت فوك مره غريبه وتفكر بيه وتخاف عليه اكثر من اهلي الي من لحمي ودمي دزيت رقم سارة السيف ونمت
.......................................
علي : يابه اني اليوم راح اروح البغداد اصالح حوراء مايصير نخليه وحده اتصل عليه ماتجاوب راح اتخبل
ابو علي : زين يابه وبلكت تكدر تقنعه ارجع امك
علي : يابه تره تعرف انو لا اني ولا حوراء قابلين بهذا الشي ولا راح نقبل اتمنى منك تعوفه والله ازوجك الي تريده بس غير هاي
ابو علي : علي احترم امك هاي وعدهه اسم مهما ايكون تبقى امكم وهيهه جانت اصغيره وهسهه تندمت وتريد ترجعلكم انت روح وحاول بلكت تقنع حوراء
علي : صار يابه عفته وطلعت
هدى: جنت يم بيبيتي انطية علاجة وجان يدخل
علي : ضليت افكر ع شنو راجعه بس أريد افهم رحت البيبيتي لكيته بغرفته ويمهه هدى
السلام عليكم
هدى والجدة: وعليكم السلام
الجده : هلا بعليوي تعال حبوبه
علي : رحت كعدت يمه اخخ يبيبي تعبان
الجدة : منيه الي متعبتك
علي : هاي اليمج
هدى : بيبتي التفتتلي وآني وجهيي صار احمر
الجدة: ولج هديوهه ليش متعبه عليوي ها يمكموعه وين تلكين بحسنه
علي : يي والله كليله
هدى : بيبي شبيج جذاب ممسوية شي
علي : ولج منو الجذاب شوفي بيبي كدامج تكلي جذاب ماتستحي ولا تحترم
هدى : هوه كال هيج وبيبتي ضلت تحجي عليه  اني من الفشلة نزلت دموعي عفته وطلعت طبيت الغرفتي  تغطيت بالحاف وابجي شكد مايستحي شهل موقف الخلاني بي شمسويتلة اني ماحس اله
علي : طلعت تبجي متتت ضحك عليه اروح فدوهه للحساس عفت بيبيتي وهيه بعدها منطلقة ترزل بيه صعدت الغرفته لكيت الباب مفتوح دخلت وسديت الباب ع كيف وهيه تبجي وخرت الحاف ولج عليمن هل الدموع تره اشاقة
هدى :سحلت الحاف من ايدة وتغطيت ماريد اشوفه وخر عني علي
علي : ههههههه عندي موضوع وياج
هدى : ماريد احجي بكل موضوع وياك
علي : هاهيه لعد اني رايح بس بعدين لا تجين تكليلي ليش ماكتلي مالج حق
هدى :ماجوبته بس من سمعت صوت خطواته يريد يطلع وخرت الحاف يلا كول
علي : ههههه يابههه شوف الخدود مال عض خل اخذ عضة وكولج
هدى : علييييييي
علي : ههههههه اوك آسف راح اروح البغداد اليوم
هدى: صدك
علي : يي والله أريد اروح ع مود حوراء وحتمال أطول هناك
هدى :راح اشتاقلك
علي : يابه جعل محد غيرج يشتاق
هدى : رحت يمه وكتله دنك شوية
علي : ليش
هدى : دنك حباب
علي : اوك
هدى : هوه دنك وآني جريت اذنة حيل
علي : اخخ شبيج ولج
هدى : حتى كل ماتشوف وحده حلوه بغداد تذكر جرت الأذن وتوخر عينك
علي :هههههههههههههههههه واني الفطير كلت علي حن كلبه ورح تبوسك ولج شنو انتي
هدى : كمر
علي : فعلاً
هدى : احم شوكت حتروح
علي : هسه
هدى : توصل بالسلامة
علي : الله يسلمج يروحي يعني ماكو بوسه
هدى : صرت ادفع بي لا ياالللهه بسرعة روح اطلع
علي: هاي شبيج بس وحده
هدى : ماكو ماكو روح
علي : ولا عنه
هدى: ابد
علي : الله يعينك يعليييي
.....................................
سارة: جنت داحجي ويا نور وهدى ع الواتساب  وجان يتصل عليه رقم غريب
بنات رقم ديتصل عليه
نور :جاوبي
هدى: اشلون تجاوب غبية خاف واحد ملطلط شو شوفي صورته المعلومات الشخصية شي
سارة: اوك بنات تره ماكوواي شي
نور : جاوبي بس لتحجين خلي هوه يحجي
سارة :اوك يلا باي بنات ولا تنسن سون كروب وضيفن حوراء
هدى: اني ماعرف نور تسوي
نور : اوك يلا ولن أريد انطمر
سارة: سديتة الاتصال جان يوصلني مسج ويامن دتحجين متتتت بدمي كلت خاف اخوي جعفر عباله شو منوو بسرعة تصلت عليه وكتلة جعفر تره والله البنات جان انصدم بالصوت
سيف: منوو هذا جفعر نوب
سارة: انتَ منو صوتك مو غريب عليه
سيف : ماعرفتيني
سارة: بس لا الصاك
سيف : وياج الصاك بلحمه ودمه
سارة :خرب حضي شهل موقف السانج ضبي تحمحمت وكلت سيف
سيف : يروحة
سارة: احترم نفسك رجائاً منين جبت رقمي
سيف : سمسم محترم نفسي اني وشغلة منين جبت رقمج من حوراء مو صعبه لا تصيرين غبية
سارة : سيففف حترم نفسك تره اسمي سارة شنو سمسم وبعدين هاي حوراء اني اعلمه هسهه شتريد انتَ
سيف: اخطب سمسم
سارة: مثل ماحجيت ويا حوراء ع الرقم احجي وياهه ع مكان بيتنه واهلاً وسهلاً بيك يلا مع السلامة واتمنه ماينعاد هذا التصرف مره ثانيه
وسديته يمممممممهههه كلبييييي شهل ولد الغريب هذا نوبه سمسم عليه ردت انام جان يدز فويز
سيف: سمسم يكلبي لو تشوفه انوب سمسم عسة كلمن يحسدة يشوفه يضوك سمسم لا محد يضوك سمسم بس آني المهم نكمل ناعم والكلام بشفته سمسم ناعم والكلام بشفته سمسم طران رطران
سارة: عزززههه صوته يجننن داسمع بالغنة ومندمجه جان يدز رسالة
سيف : نهايه هذا السبوع سمسم الجمعة ان شاءاللهه
تصيرين الي
سارة : هذا من صُدك مو صاحي سديت التلفوني وخليته ع كلبي واضحك ع كلامه وهوه بنص الغنية اشلون قطعه ويكول محد بضوك سمسم غيري يماييييييي وصوته مو راضي يطلع من عقلي من كد ما حلو وكل اشوية ارجع افتح التسيجل مادري شوكت نمت كعدت ع صوت مسجات فتحت عيني بنزعاج فتحت التلفون اشوف البنات مسويات كروب ويلغن دزيلهن فويز يعني بشرفجن ماتكولن وحده مطمورة شعدجن من الصباحيات اللهه وعلي بعد الي تدز رسالة ذبيت التلفون ورجعت كملت نومتي
سيف : نمت وكعت ب6 الصبح عازم حوراء ع ريوك فتحت تلفوني دزيت السمسم صباح الخير يسمسم كلبي صباح الخير يسمسمي ماجاوبت عرفت نايمة سديت التلفون جان يوصلني فويز منه خربني ضحك دزيتلة فويز اروح فدوه لليكعد معصب ولج سمسم شيجيب الجمعه 😂😂 رحت بدلت وخلصت جان يخابرني علي جاوته ها عار
علي : حترمني حيوان
سيف : شتريد عازم حوراء اليوم ع ريوكك عيني انت ضل
علي : وياكم عليك الله
سيف : شكو ويانه اني وحوحي نريد ناخذ غيبتك
علي : ولك اني بغداد البارحة جيت
سيف: احلففففففف وحوراء شافتك
علي : لا وصلت تقريبًا ب1 بالليل جانت نايمه كلا نمت بغرفتي المهم راح راح اطلع اجيك اريدك تصالحنه
سيف : بس انتَ تدفع الحساب مال الريوك
علي : سهله جايك
حوراء : كعدت الصبح لكيت البنات مسويات كروب والله مشتاقتلهن دزيت فويز صباح الخير يبنات مشتاقتلكم كومه
هدى : صباح النور ولج والله مكانج خالي بالبيت
حوراء: عمري هداوي
هدى: شعندج كاعدة من الصبح
حوراء: راح اروح سيوفي عزمني ع ريوك
هدى : بالعافية
حوراء: خابرت ع سيف ها سيف يلا بسرعة راح اطلع بس اوصل الكاك كدامي واصل مانتضر
سيف : يامطعم نروح
حوراء : مطعم ال........... دائماً نتريك بي اني وياك
سيف : وعلي هم يتريك ويانه
حوراء : يلا باي سديتة وآني مقهوره اوووف والله مشتاقتلهم بس يستاهلون ليش هيج يسوون بيه رحت بدلت لبست سترة بنفسجي فاتح وجوهه قميص ابيض وبنطروني كابوي وجنطة بنفسجي هم وحذاء ابيض كعب وفتحت شعري ولبست كلادة مرسوم بية خارطة العراق وصبغت اضافري اسود لا تتفاجئون اني كل لبسه احب اصبغ اضافري فارغة😅 المهم خليت عطر كملت وطلعت لكيت ام محمد صبحت عليه
ام محمد: الللهمم صلي ع محمد والي محمد الله يحرسجج من العين ابنيتي ماشاءاللهه  يلا تعاي تريكي اكليلج شي
حوراء: لا خالة اكلي انتي اني راح اتريك ويا علي يلا باي عفته واخذت سيارتي وطلعت شغلت اغنية فيروز ياحبيبي ودادندن ويا الكلمات دك تلفوني رقم غريب عرفت صگر
صگر : ها شرايك بالشركة تموت مو
عامر : ياتموت غير تشكك اشوكت نبلش
صگر : بس نروح الدبي نشتري الاجهزه الي محتاجينه وراهه نبلش  ان شاءاللهه
عامر : زين شوكت نرجع أريد اخطب اختك مو طاكني جفاف
صگر : لا يا س**** لا يا من**** لا ياهت**** امشي كوم كو****
عامر : ههههههههههههههههههه اخخخخخخخ بووووية بطنيييييي هي ابوالع**** شمسوي اني غير أريد اخطب اختك
صگر : امشي ولي حتى شغل ماشتغل وياك
عامر : لا بشرفك جديات اشوكت نرجع للعراق
صگر : نحجز اليوم وباجر نرجع للعراق نضل سبوع بس اتفض شغلتك وبعدين نروح كبل الدبي ومن بدي نرجع الفرنسة نضبط الشغل اهنا وبعدين نرجع
عامر : علية ان شاءاللهه يلا رايح اكمل الشغل
صگر : تمام طلع عامر وتصلت عليه ام محمد جاوبته ها
ام محمد: يمهه حوراء طلعت قبل اشوية معزومه ويا سيف ع ريوك
صگر : جيد سديتة منه وخابرت علية من 4 رقم كل ماتصل عليه تحضرني خابرته جان تجاوب
حوراء: انت شرايد ماتكلي شتريدد عوفني ارتاح
صگر : هيو احجي عدل لا اجي اكسر اسنونج بحلكج
حوراء: صگر شتريد من الأخير
صگر : هسهه ب8 ب11 ضبط انتي بالبيت مفهوم
حوراء: مامشي بكيفك اني يلا باي سديتة بوجه وحضرته شكد مليق وصلت للمطعم شفت سيف رحت بسته صباح الخير
سيف : صباح الجمال والاناقة عمي شنو هذا
حوراء :كعدت وكتله باوع هاي سوالفك مايمشن عليه عود هيج تحجي حتى ادفع لو اتموت
سيف : عمي لا اني ولا انتي اتدفعين اكو من يدفع 😂😂😂
حوراء: بستغراب منو يدفع
سيف : تعال ولك
حوراء: جان يجي علي كلت السيف اني اعلمك ودرت وجهي عن علي
علي : حوري ليش زعلانه من اخوج اني شعلية هذاك ابوج
حوراء: وآني دايرة وجهي عنه لان انته هم شتركت ويا
علي : وداعتج عندي اني معلية هوه كالي واني اصلاً ماقابل بس شسوي هوه حر بختياراته هسه معلية ماحن كلبج ع اخوج وعلي مشتاقلج
سيف : حوحي كليلة ماصالحك اذا ماتطيني ورقة
علي: الصمم انت
سيف : لا تصالحي خل يولي
حوراء: باوعتلة وآني اضحك رحت حضنتة والله مشتاقتلك كومه
علي : يروح اخوج انتي يكلبي وعلي مو كدي ولج انتي بنيتي مو بس اخت
حوراء: احبك اني ربي لا يرحمني منك
سيف : لعد واني مداكم
حوراء: ههههههه وانت هم احبك  يلا عاد خل ناكل جعت
علي : يلا بس ع كيفكم بالطلب تره اخوكم كاعد ع الحديدة
سيف : أكبر جذاب انت
حوراء: رب الاتفق 😂😂
..............................................

لهنا خلص البارت إذا عجبكم البارت ياريت تضغطون ع النجمه وتعلقون تعليق حلو حتى استمر وياكم ولو التفاعل صاير ابد ماينطي واهس 💔💔.