عشك الصگر

بارت ال23

هدى : بعد الي صار والدنيه النكلبت عفتهم وصعدت الغرفتي افكر بالي صارصراحه نصدمت من علي ماحجه حجايهه كلش خفت عليه اني كلش نقهرت ع صگر وحوراء همه واحد يحب الثاني بس ماعرف ليش هيج يكابرون كطع افكاري دخول علي وهوه يكولي
علي : تعبان يهدهد
هدى: سوده عليه يحبيبي بيه ولا بيك اجه كعد يمي
علي : هدى خايف ع حوراء ماراح تتحمل وحالته ترجع تنتكس وخاصتاً إذا عرفت ........ تتخبل والله
هدى : جذذذذذذذذب عززززههه بعيني دير بالك تعرف علي دير بالك تكلله
علي :وفوك كل هذا صگر نههه عليه ماتتحمل زين إذا ماكولهه وعرفت من غيري ايصير اضرب من الي خايف منهه
هدى : ييي والله هم صح زين شنو راح تسوي
علي : والله ماعرف تعبتتتت اني لشوكت اضل متحمل هاي المسؤولية والله خايف عليه اكثر من روحي هدى انتي صديقته هيه هم تحب صگر
هدى : حبيبي لا تخاف من هاي الناحيه تره اثنينهم واحد يحب الثاني بس يكابرون وانته الي مربي حوراء وتعرفه وشايف صگر اثنينهم ايكابرون بس يهدد الوضع بعد كم يوم يرجعون واحد مايكدر ع فراك الثاني
علي : الله يسمع منج ماريد شي غير اتكون مرتاحه وسعيده
هدى : لا تخاف اخوي صگر كلبه ابيض وطيب وهوه يحب حوراء يعني يخليهه بعيونه
علي : اهمم اخوج كلبه ابيض وانتي
هدى : وهيهه متوتره شنو اني
علي : وهوه ينام فوكاهه اطيني بوسه واروح والله تعبان
هدى : علي ميصير شنو كل اشويه بوسهه مانطيك
علي : مو قبل اشويه سوده عليه وبيه ولا بيك نسوان شكد تجذبن
هدى : ييي واصلاً بعد ماكو بوس حرام وعيب من تخطبني ذيج الساعة تكدر تسوي الي تريده
علي : يعني شنو أريده اسوي من اخطبج
هدى : شسمه هوه مو كلشي بس يعني مثلاً اشياء بسيطه
علي : وشنو الاشياء البسيطه
هدى : وهيه تخلي وجهه بصدر علي من الخجل علييي بداعتي كافي
علي : وهوه يرفع راسه هههههه من اروح فدوه لليستحي زين بوسه من العيون الحلوه تقبلين
هدى : ما
علي : هوه بكيفج
هدى : باسني بعيوني وطلع
......................................

حوراء : والله اني اعلمممههه عباله امشي بكيفهه طبيت للبيت وشفت النسوان يعني نسوان واجتهن سالفه يسكتن تلكتني بيبيتي
الجده : ولج يحويرررراننن بت حمدانن ولجج اشلون ترفضين صگر شناگصه شو نساوين الديرهه كله تتمنى
حوراء: ردت اجاوبه طفرت نرجس
نرجس : ييي والله يبحبويه هيه اصلاً ميصير اتصير مرت الشيخ صگر
حوراء: من حركت كلبي كتله والله يحبيبتي صح اني هم ماريد اصير مرت الشيخ بس الشيخ كاتل نفسه عليه عفتهم وصعدت فوك وهنهه ضلاً يحجن وره رحت سبحت ولبست دشداشه قصيره سمائي بلون عيوني وشعري عفته مفتوح وخليت عطر واجه صگر
صگر : ينهوه صگر عقوباتج زادت وهذا مو من صالحج
حوراء : انتتههه اخررر واحد يهدددني فاهم والقران هسهه اكتل نفسي واكول من وراك وافضحك
صگر : وهوه يلوي ايد حوراء ويقربه من صدره وحجه بأذنه صوتج للمرههه الالف اعيد
حوراء : اذاني وآني اباوع بعيونه وانهضمت اتذكرت كلشي صارلي اليوم وبجيت فقدت اتهسترت ضليت اضرب بنفسي هوه ضل صافن عليه بعدين اجه حضني
صگر : ولج ليش كل هلدموع هاي
حوراء: وخرررر عنيييي وخر وضليت ادفع بي وهوه يرجع يحضني الحد ماتعبت استسلمت وخليت راسي ع صدره
صگر:ولج العشيره كله تروح فدوه الشعره من شعراتج الشگر ذني
حوراء: اني التزمت الصمت ماعندي قابليهه اجاوبه
بعدين كتله السويته بيه مو شويه وآني ماراح اسكتلك وانته تعرف
صگر : وهوه شنو الخلاج مميزهه بعيني عن الباقي لان ماتسكتين عن حقج
حوراء : تره اني بعد ماحبك
صگر: وآني اموت عليج
حوراء : هاي بت عمك كاتله نفسه عليك اووي تكول مهند التركي
صگر:ها يعني مهند التركي احله مني
حوراء: طبعاً دمغني ع راسي ع كيفه تره حجيت عليك
صگر : اعرف
حوراء: كالولك
صگر : يي كايلتلهم كاتل نفسه عليه
حوراء: قابل جذب
صگر : لا بويه ماحجيتي غير الحك
حوراء: صگر بابا وعلي ليش مادافعولي ليش سكتو
صگر: لان انتي ضحكتي عليهم
حوراء:وهيه تكوم وانتهه ماقصرت المهم حبيت انوهلك ع شغله
صگر: باعي إذا ع روحه بغداد روحي لان اني هم راح اسافر
حوراء: اوك عفته وطلعت تلكتني نرجس
نرجس : ها طردج
حوراء: انتي لو تهتمين بحياتج مثل ماتهتمين بصگر جان صار براسج خير عفته ورحت نزلت جوه يم وجوهم ثكيله عليه بيبيتي وام صگر رحت للمطبخ لكيت ساره وهدى بنات ليش هيج كالبين خلقهم عليه شنو السالفه شمسويه تره لحد الآن اني كلشي مامسويه شدعوه
نور : نجبي ولج شتسوين اكثر
حوراء: والله راح تشوفون بس هسهه راح ائجل السالفه لان صگر حيسافر من يرجع اسويله سبرايز
صگر: نزلت حوراء وطلعت من غرفته شفت نرجس كتله باعي خاف عبالج ناسي سوالفج لا كلهمن اطلعهن وحده وحده بس هسهه مشغول عندي حوراء اهم منج اخلص منه وبعدين اتفرغلج واذا اتأذيه هاي الفتره لو تسمعينه كلام اطلعلج وجهي الثاني خوش رادت تحجي عفته ونزلت أريد اطلع واسمع حوراء تحجي عليه تحمحمت طفرت خزرته وطلعت
حوراء: كلت بكلبي عشتوو هم عندك عيون وتخزر اكول بنات وين بابا
هدى: بالغرفه مالته هوه وعلي
حوراء: اوك شكراً هداوي عفته ورحت أريد ادخل للغرفه وجان اسمع
ابو علي : اني كتلك مو بيدي احبه وخلاص
علي : بابااااااا هاي جذابههه ع مود الفلوس تريدك اعرف تحبه بس هيهه ماتحبك
ابو علي : افلوسيي لو فلوسكم ماخذ منكم اني
علي : يابه مو هيج قصدي
حوراء: سمعت هيج ماتحملت دموعي نزلت فتحت الباب وكتله راح ترجعه
ابو علي : شنو
حوراء: بابااااااااا راح ترجعهه جاوبني
علي : حبيبتي حوري تعاي وياي
حوراء : وخررووو كرهتكمم كلكمممم كلكمم ماتحبونييي كلكم جذابيننن ضليت اعيط واملخ بنفسي وابجي فجأه ختل توازني ودخت ماحسيت غير بس ع علي من لزمني
.................................
عامر : من بعد الي صار بالعقد مال صگر خابرني صگر
صگر: عامر اني راح اسافر الفرنسه تجي وياي لو لا
عامر : اوك اجي بس والدوام اشلون
صگر: معليك اني احجي وياهم باجر نطلع حضر نفسك
عامر : هاهيه سديته منه ودكيت ع نور
نور : جنت بالمطبخ اني وساره وهدى ودك عليه عامر فصلته ورجع تصل فصلته ودزيتله مسج يمي البنات ماكدر اجاوب
عامر : طلعي بسرعه أريد احجي وياج
نور : عامررررر ماكدر شلون
عامر : راح ارجع اتصل
نور: اتصل واخذت التلفون وطلعت بالحديقه جاوبته هاا عامر
عامر : دخيل الله شوف صوت ام السان الي يردلي عافيتي شلونج بويه
نور : زينه شتريد
عامر : اريدج
نور : ماريدك اني
عامر : عادي بس آني اريدج
نور : اوووي عامررر
عامر : افتحي كامره بداعتي
نور : ما
عامر : يلا بدون عناد عندي كومه شغل
نور : اوك
عامر : اللهمم صلي على محمد والي محمد شهل خلقههه يالللهه
نور : اخبل مو
عامر : تموتينن
نور : لعد الله يساعدك
عامر : هههههه ييي وعلي
نور : اخذ التلفون وطلع جنطه يخلي بيه ملابس كتله شنو عندك دوام
عامر : لا ولج راح اسافر ويا صگر شنو مكال
نور :لا والله ماندري وين راح ترحون
عامر : الفرنسه شوفي هذا القميص اخذه لو ذاك
نور : الأسود احله شوكت ترجع
عامر : والله ماعرف بقت وره اخوج من نطلع احجي ويا
نور : ع شنو
عامر : هوه احجي ويا ع مود اخطبج شوفي هذا بيتي الي راح تكعدين بي وياي هاي غرفتنه
نور : اووووييي عيني بعدنه اصلاً منو كالك اني راح أقبل بيك
عامر : شوفي هذا الهول والمطبخ وهاي غرفه خاصه اشتغل بيه واذا ميعجبج الديكور غيري بعد انتي ام البيت
نور : شفت البيت يخبل اللهم صلي على محمد والي محمد يجننن الديكور والبيت
عامر : مو احله من السانج
نور : احم يلاا باي أريد اروح
عامر : اندعي ارجع بسلامه حتى اخطبج ام السان
نور : اوك يلا باي سديته احس مشاعري متخربطه لا اني احبه ولا اني ماحبه اووي ع شنو افكر خل اطب ورجعت للبيت لكيت حوراء متخربطه رحت الهدى شكوو
هدى : حوراء تخربطت وعمي وعلي راحو وصگر هسهه خابرته راح يلحكهم
نور : ليش تخربطت
هدى :مادري من يجي علي افتهم بس لا السالفه الي بالي
نور :شنو الي بالج
هدى : دوخري بعدين اكولج هسهه بياحال احنه دزيت مسج العلي حبيبي لا تنسى اطمني ع حوراء فدوه شافه بس ماجاوب الوضع متكهرب وخايفه ع حوراء خاف ترجع تنعزل وتوحد مره ثانيه ماتحملت تصلت ع علي جاوب الوووو ها علي بشر شلون حوراء
علي : مابيه شي لا تخافين شويه ونرجع
هدى: اوك
علي : سديته من هدى أجه صگر كللللههههههههههه منكككككككم إذا صار شي بحوراء احرك الدنيههه عليكم وع عشيرتكم خوش لو لا
صگر: جنت طالع اشوف الشغل وخابروني كالو حوراء متخربطه بالمستشفه تخبلت اخذت اسمه وطلعت طبيت أتلكاني علي يصيح ماهتميتله كلت العمي وين حوراء شبيهه ليش هيج صار وياهه مو عفته مابيه شي
ابو علي : بالغرفه مابيه شي الحمداالله بس صاير عده انهيار بالاعصاب ولازمه راحه انطوهه مهدء بس تكعد ناخذه للبيت
صگر: عفتهم وطبيت للغرفه شفته نايمه والشعر الشكر مفتوح ع المخده ولابسه دشداشه سمائي بلون عيونهه اخخ ياابويهه شسويتي بيه يحوريتي هاهيهه يروحي راح اخليج ترتاحين راح ابتعد عن نضره اعيونج وجمالج اشلون اتحمل ولج اشلون كليلي بسته براسه ونزلت الشفته بسته فتحت عيونه ال الله حاط سما وبحره بيههن
حوراء: فتحت عيوني مغوشه شفت صگر كتله بصوت تعبان صگر ماريدهه ماريددهه حباب لا تخليهه ترجع
صگر : حبيبتي انتي بس ارتاحي وبعدين نحجي عفته ورحت للدكتوره كتله تعاي شوفيهه كعدت راحت شافت كالت هاهيه تكدرون تخرجونه وقع عمي واخذناهه وطلعنه كعدت ع الكرسي المتحرك
حوراء: صگر أريد اصعد بسيارتك ماريد علي وبابا
صگر: تفاجأت ليش ماتريدهم وهيهه مو كارهتني ماعرف خل اوصل واعرف السالفه كتله صار اخذته وصعدته بسيارتي وحركت علي وعمي ورانه اجو ماحجو شي من حوراء صعدت وياي مشينه وهيههه بس ساكته ودموعه تنزل وحدهن ماتحملت كتله حوريتي ليش هاي هيج دموعج
حوراء: طلع صگر راح ع الدكتوره اجه بابا وعلي درت وجهي وكتلهم طلعو بره راحو انوبه وقع بابا ع خروجي من المستشفى طلبت من صگر ياخذني ويا ماريد اروح وياهم صح اني كارهتهم كلهم بس صگر اكدر اتحمله شويه صعدت وضلت افكر وابجي يربي إذا رجعت راح تدمر حياتي ع شنوو ترجع اني تعودت اعيش من دونه حست ع صگر من حجه نوبه زدت بالبجي الحد ما نمت
صگر: نامت وآني ضلت افكر يربي هاي اشلون هيج انزله ياكلوههه بعيونهمم خابرت ع هددى جابتلي عبايه كتله يلا حبيبي وصلنه
حوراء: اوك
صگر: هاج البسي عبايتج عيب منا الزلم
حوراء: مابيه حيل اناقشه اني دايخه وتعبانه لبسته ونزلت
صگر : بيج حيل تمشين لو اشيلج
حوراء : لا شكراً نزلت من السيارة اختل توازني فقدت السيطرة ع روحي بسرعه جلبت بقميصه كام يضحك
صگر: مو كتلج من البدايه خل اشيلج بطلي عناد يحوريتي
حوراء: شالني خليت راسي ع صدره من الفشله لان الولد كله بالباب وعمامي هم استحيت دخلني للبيت وكلههه موجوده صعدني بغرفته نمت ب8بالليل ماحسيت غير ع صگر حاضني ونايم دفعته خانكني ومنووكاله ينام يمي هذا
صكر : نجبي ارجعي خليني مرتاح
حوراء: انته منو سمحلكك تحضني
صگر: وهوه يرجع يحضني حوراء ويكول حوريتي والله العظيم تعبان
حوراء: وهيه تدفع بي وآني شعليه اوووي واسمع اني راح ارجع البغداد ان قبلت او لا
صگر : مو كتلج روحي وين ماتردين اني رايح اصلاً
حوراء: من كال هيج مادري ليش ضجت كتله وين رايح
صگر : مسافر
حوراء: ييي ادري مسافر وين
صگر: فرنسه
حوراء:يييي خل ارتاح منك وخر خل اخابر سيف يجي ياخذني
صگر : لا مايحتاج ماخليته يروح لان كتله ياخذج
حوراء: يربيييي شكددد مستفززز هاي شبيج حوراء هسهه مو زين راح يخليج ترجعين البغداد ردت اكله شوكت بس كلت هسهه يكول مهتمتله كتله صگر الساعة بيش
صگر: هسهه مو نريد ننطمر ب2 بالليل شتردين
حوراء: وانتههه شبيك عيني اعصابك شو وخر خل اطلع جوعانه
صگر : امداني وامده حضي شوو امشي اطلعي بره وسدي الباب
نرجع للسابق اشويه
صگر : خليت حوراء بالغرفه اتنام ونزلت جوده طبيت للمضيف لكيتهم كلهم موجودين كتلهم الله بالخير
الكل : الله بالخير والعافيه
صگر : احجولي شنو صار
هدى : خويه هيهه نزلت كالت وين بابا كتله بالغرفه هوه وعلي وره اشويه نسمع صوت صياح رحت شفته واكعه
صگر : ييي عمي اجت الغرفتك ليش وكعت شكو
ابو علي : بويه اني قرتتت ارجع امهم وجنت احجي ويا علي واثاري هيهه جانت واكفه بالباب ومن سمعت ضلت تصبح وكعت هذا كل الي صار
صگر : زين هيهه كالتلي ماريده ترجع
علي : ييي هيههه ماتريدهه واني جنت خايف عليه لان ماتريده لان تأذت من جانت صغيره ولو ما اني وسيف مجان تاقلمت ويا الوضع
صگر :علي خابرلي سيف واعتذرلي منه وكله يكول الشيخ صگر خل يجي وانتوو النسوان يلا روحوو للبيت
علي : هسهه سيف سهل اصلاً هوه اعتذرلي وكال اعتذرلي من الشيخ بس سوه هيج ع مود لا يكسر خاطر حوراء
صگر : هاهيهه كله خل يجي صدك خابره وره شويه اجه سيف كمت صافحته وكتله اعذرني صرت عصبي وحجيت هيج حجي
سيف : لا والله اني الي اعتذر منكم بس تعرف حوراء ماكدرت اكسر بيه واهايهه اعتبرهه ماصار
الجد: والله والنعم من تربيتك وليدي
سيف : ومنك شيخ
صگر : سيف باوع عمي ناوي يرجع حرمته وحوراء مامتقبله الوضع
سيف: اييي كالي علي
صگر : يي ف اريد تأخذ حوراء يمكم اذا ماتصير زحمه
سيف : لا ماكوو كل زحمه اصلاً حوحي اختي البيت بيته شوكت ماتريد تجي
صگر : والله افضالكك كثرت
سيف : مابيناتنه هيج كلام شيخ
صگر : زين خليهه تغير عن نفسيته وآني باجر راح اسافر بس عمي إذا ضلت مصره ع قراره شلون
ابو علي : والله ماعرف بويه هسهه الله كريم بلكت تقبل
سيف : كله راحت وبقيت بس آني بالمضيف فرشولي حتى انام بس آني ضليت اكلب بالتلفون وماحس غير ع احد يدخل للمضيف عبالي حرامي بسرعه سديت التلفون وتانيته يتقرب مطلته بالكاع ونمت فوكا اتلمس بي مو ولد فتحت الافلاش مال تلفون وجان انصدمم
............................................
لهنا وينتهي البارت إذا عجبكم ياريت تضغطون ع النجمه وتعلقون تعليق حلو حتى استمر وياكم وبس انتضروني بالبارت الجاي
😂😔💗