عشك الصگر

البارت السادس عشر

حوراء : صگر وين ماخذني مو هذا الطريق للبصره صگرررر هاي اشبيك داحجي وياك مجاوبني ولا كنو يسمعني اصلان استغفر الله ضليت ساكته من خوفي وين ماخذني هذا والله ايموتني ومايهتم اصلان كله مني اوووووف ياربييي قاطع افكاري وهوه يفتح باب السيارة
صگر: يالله انزلي وصلنه
حوراء: شفت بيت كلش جبير قصرر مو بيت ضليت صافنه صگر شنو هذا وين جايبني
صگر: انزلي بدون حجي زايد ابسرعه
حوراء : اوك اوك فهمنه نزلت فتح الباب وطبينه البيت نضيف بس ماكو احد بي
صگر: يالله اني رايح اسبح وبدل وانتي شوفي شسويلنه عشه
حوراء: واني شعليه متسوي الروحك
صگر: بدون نفس رايح
حوراء: شنو رايح اني اصلان ماعرف اسوي اكل شفته راح وعافني كعدت بالهول اكو قنفات وتلفزيون شغلته لان ماعندي تلفوني نسيته بيت اهل يوسف ضليت اتفرج الحد منزل السنيور صگر
صگر: يالله كومي صبيلي اكل أريد اكل
حوراء : كل عقلك تحجي تره والله ماعرف اسوي اكل 🙂🤝
صگر: صدك تحجين انتي
حوراء: يي والله
صگر: كومي انسوي اني وياج اني أعرف اشويه
حوراء : اوك رحنه للمطبخ يي استاذ صگر شنو انسوي
صگر: تعاي انسوي طماطه وبيض طلعي طماطه من الثلاجه واغسليه
حوراء : سويت مثل مكال هاك
صگر : شنو هاك يالله اكعدي كطعي الطماطه دوائر وآني راح اروح اسوي الجاي
حوراء: اوك بس دقايق اخذت تلفونه طلعت اغنيه الاليسا مالت ياريت وكعدت اكطع بالطماطه ودمعت اعيوني لان حسيته اتمثلني وبالغلط انجرحت وآني اجتني حجه ابسرعه انفجرت بالبجي
صگر : حبيبتي اشبيج ليش هيج سويتي ابروحج يالله تعاي اعقمه الج
حوراء: صگر عوفني وخر عني مابيه شي
صگر : نجبي وكومي وياي
حوراء : ليش اتخاف عليه مو جنت اتريد تكتلني مدافهممك فهمني شتريد مني بالضبط ساعه احسك اتحبني وتخاف عليه من الهوه وساعه احسك ابودك اتموتني وتخلص مني والله مدافهممك وخر عني خل اموت وتخلص مني 😭😭
صگر: اخذته وكعدته على الكرسي وكعدت اعقم أيديه ولفيته وهيه مستمره بالحجي وبس تبجي كافي بابا لا تبجين يالله كومي هسه اطلب شي ناكله شتردين شنو مشتهيه
حوراء وهيه تمسح ادموعه: ابكيفك بس أريد نوتيلا ☹️
صگر: تدللين هسه اطلبج وراح اجيب بيزا وكص وببسي ومقبلات
حوراء: راح حجه ويا ابو التوصيل وجاب الاكل وجه يمي
صگر: شرايج انطلع فلم وناكل
حوراء: اوك اندمجت بالفلم حيل انوب خلصنه اكل كمت وديت الاكل المطبخ ورجعت كعدت اكل نوتيلا
صگر: بالجذب كليلي اكل وياي
حوراء: عبالي متحبه
صگر: عادي انجرب
حوراء : كعدنه تاكل الحد ممات البطله اني متت من البجي والنوب البطل راح يتزوج عليه ضليت اغلط عليه وابجي
صگر: شفته اتهسترت بجي رحت طفت التلفزيون كافي بجي هوه تمثيل هاي اشبيج
حوراء وهيه تحجي بدون لا تستوعب الي دتكوله : إذا متت تزوج وحده غيري
صگر : والله مادري إذا وحده حلوه ليش لا
حوراء وهيه اتدفع بي : روح واحد جذاب متحبني 😭😭
صگر: لج كافي لا تبجين جذب جذب مسحت ادموعه انتي كل دنيتي إذا متي حياتي ماتت وتحرم عليه وحده غيرج
حوراء: حضنته والله اني احبك بس مداكدر افهمك وافهم تفكيرك
صگر: حوريتي اني من النوع العصبي حاولي لا تعصبيني وذا عصبت عوفيني من ابرد احجي وياي حتى لو حجيت حجي مو حلو ارجع وصالحج بس إذا تعانديني وآني عصبي ماضمن روحي شسويلج
حوراء: اوك وعد بعد ماعاندك ولا اضوجك
صگر: انشوف يالله تعاي خل انام
حوراء: دليلني وين غرفتي
صگر: دنجبي وشلته تعاي نامي يمي
حوراء: لا صگر عيب خليني انام ابغرفتي
صگر: مو قبل اشويه وعدتيني
حوراء: وين اكدرلك اني وداني الغرفته ونمت ابحضنه وهوه ضل يلعب بشعري صدك صگر
صگر: يروح صگر
حوراء: هذا بيت منو
صگر: بيتي بيت منو يعني
حوراء: اها يعني هذا بيتك بس ليش مو عدكم بيت بالبصره
صگر: هذا بيتي محد يعرف بي من اضوج من شي لو أريد ارتاح اجي لهذا البيت وانتي أول وحده تعرف بي
حوراء : احبك واسفه على كل كلمه كلت اليوم
صگر: لا تعتذرين يروحي بس بعد لا اتعيديه خوش
حوراء: خوش
صگر: اشحلاته بحلكج
حوراء: احم احم كافي خجلتني
صگر: فديت الي يخجل
حوراء: صدك شيخ اشوكت نرجع
صگر: والله اني لو عليه مارجعج بس اهلج ضال بالهم عليج باجر نرجع
حوراء: اوك خل انام لعد
صگر: يي نامي بس قبله أريد بوسه وحده مشتاقتلج
حوراء: وحده
صگر: يي وداعتج
حوراء: اوك لعد تقربت عليه وبسه من شفته وبسرعه دخلت راسي بصدره حتى ضلت اسمع نبضات كلبه
صگر: افيشش مو بوسههه راح اتخبليني
حوراء : مجاوبته بس ضليت اسمع نبضات كلبه الحد منمت كعت الصبح رحت سبحت وبدلت وداحط مكياج كعد صگر
صگر: صباح الخير حوريتي
حوراء: صباح النور يالله كوم خل انروح
صگر: يالله اروح اسبح وبدل ونطلع ولا تحطين مكياج اهواي البسي حجاب بداعتي
حوراء: اوك
صگر: فديت التسمع الكلام
حوراء: راح للحمام وآني حضرت نفسي ضليت العب بالتلفون الحد مطلع وبدل وصعدنه بالسيارة صگر ودينه المطعم أريد انتريك جوعانه
صگر: تدللين هسه اشولفنه مطعم
حوراء: صدك طبك على مطعم ونزلنه طلبنه كاهي وكيمر وجاي خلصه ودفع احساب الاكل وطلعنه الطريق كله ايغني ويتغزل بيه وكامش ايدي صگر
صگر: ها يروح صگر
حوراء: حباب لا تتغير عليه
صگر: بس لا تعانديني ولا اتخليني اعصب اخليج اميره
حوراء: احبك
صگر: وآني اموت عليج صدك حوريتي
حوراء: ها حبيبي
صگر: أريد اخطبج اليوم
حوراء: صگر اني بعدني اصغيره واريد اكمل دراستي
موومال زواج ومسئوليه
صگر : حوراء انتي مو اصغير البكدج متزوجه وعدها
درزن جهال شنو اصغيره غير انتي طالبة سادس علمي شني اصغيره بوية
حوراء: صگر
صگر: اليوم اخطبج من عمي واذا مقبلتي اروح اخطب وحده من السلف
حوراء: هااا ييي روح اخطب وحده من السلف اصلان كلهن موحلوات
صگر: ييخبلن
حوراء: يييييي روح اخطب اني هم أريد اشوفلي واحد من السلف مالتكم بعدني ممكملة اشو هذا وكف السياره
صگر وهوه ايردير وجه الحوراء: السانج اكصة إذا عدتي الكلام الي كلتي هسة 😡
حوراء : هااا شفت اشلون مقبلت عليه وآني هم ماقبل عليك انته الي ومحد تكدر تاخذك مني 😒
صگر: جا خليني اخطبج اليوم حتى محد تاخذج مني
حوراء: اوك اخطبني بس ابشرط
صگر : وشنوه هذا الشرط ...
...............................................................
وجان يخلص البارت أتمنى يعجبكم إذا عجبكم ضغطو على النجمة وعلقولي تعليق حلو مثلكم حتى استمر بالكتابة + للي اتريد اكتب قصتة او اتريد تتواصل وياي تابعوني على حسابي بالانستكرام
هذا اليوزر مالتي x.ih_4 تلكوني موجودة بي وشكرا على الدعم ربي لا يحرمني منكم ممح 🥺😣💞💞💞💞