قررت انو اكتب هاي القصة باللهجة العراقية
لان مو هواي يحبون يقرون فصيح
انشالله تعجبكم طبعا القصة خيالية لكن احداثه تلامس الواقع بهواي اشياء
قبل مانبدي باول بارت حبيت انو اعرفكم
بشخصيات القصة
ونبدي باول عائلة
عائلة ابو قمر
الاب كبير بالعمر الكل يشهد على اخلاقة
واخلاق عائلتة متفهم ما يحب التصنع هو مريض صحته مو تمام يشتغل محاسب بشركة
راتبة يكفيلة يادوم العلاج والمواصلة
الام
هي مرأة حلوة نوع ما عمرها بالاربعين
تهتم بمفسه وشغلهه معلمة راح تتقاعد من شغلهه
لان هي هم شوي تعبانة والضغط عدهه مو تمام
عدهم بنت وحدهه اسمهه قمر وعدهم عباس
وعدهم حسن
قمر
هلوو انا قمر عمري ٢٣ سنه ما مزوجة لان صالح بعدة
ما مكمل دراسة بقة سنة ونص ويكمل دراسة ويجي يتقدملي الكل يعرف حبنة والكل يدرون انو راح نتزوج بس يخلص صالح دراسة وهو مقرر نستقر بالخارج بتركيا لان هو يدرس هناك حاليا
ومستقر انا شاطر وذكية واجمل بنت باقاربنة
شعري اسوود مثل الليل عيوني كبار لونهن اسود
حلكي صغير يعني صدك حلوة بدون مجاملة بس
عيبي الوحيد ما اخلي شعري يطول اقصة لحد اذني
لان هو ناعم وسرح بس ما احب الشعر الطويل
طلعت معدل عالي من السادس بس ابوي ما خلاني ادوام كلية لان كال اخاف عليج وانا جنت اريد ادخل معهد تمريض بس هو رفض فانا اخذ دروس بلبيت
اخذ صف ثالث ورابع ابتدائي من منطقته وجوارينة تقريبا يطلعون ٧ جهال واخذ ٥ بنات اعدادية
اخذتهن من الرابع اعدادي وهسه هنه بالسادس
باقي الاحداث بالبارتات الجاية
عباس
مرحبا انا عباس انا عمري ٢٠ سنه انا الابن الجبير لابوي
انا فوضوي نوع ماما احب الالتزامات مو هلكد بدراستي يعني ها شايل روحي جاي ادرس علمود اطلع هندسة لو محاماة لان اريد اشيل المصرف من ابوي قمر هي اللي تصرف عليه لان بصراحة احنه
راتب ابوي يكفلية ويزود منه شوي وامي هم علاج
واحتياجات وهي معلمة وتعرفون المعلمات يحبن يتكشخن لذلك قمر هي تصرف علينه
حسن
مرحبا انا حسن عمري ١٨ سنه هسه انا واخوي ثنينة بالسادس لان هورسب وهاي السنة انا ناوي اطلع
معدل معهد نفط لان يكولون الراتب زين
انشالله ما اخيب أمل قمر واطلع معدل عالي
هي ماكملت دراسة بس السادس وكعدت رغم شطارته وذكائهه بس بطلت لان بابة ما وافق تكمل
خلصنة من عائلة ابو قمر
وهسه نبدي بعائلة ابو صالح
ابو صالح رجال كبير ومحترم ومثقف يشتغل
موضف بالكهرباء عندة ولد اسمة صالح وبنت اسمهه زهراء عنده ٣ اخوات هو يصير ابن عم ابو قمر
ام صالح
هي اتصير اخت ابو قمر تحب قمر وتريد تاخذهه لابنهه صالح ومنتضرين بس صالح يكمل دراسة ويجون ويصير كلشي رسمي بنات حمواتهه (اخوات ابو صالح)
يردن يزوجن صالح لوحدة من بناتهن بس صالح يحب قمر وما بالة اي بنت ثانية والكل يعلم بهذاالشيء
أنت تقرأ
الجميلة والوحش
Romanceهو مدير شركة لدية الكثير من المال لدية طفلة تبلغ 11 عاما و زوجتهه جميلة جدا ..يمكن ان نقول ان حياته كانت مثالية و كالمة ولا ينقصها اي شي من ابدا لكن حادث اخذ زوجته منه و أعاق أبنته دمر حياته بكل ما فيها من جمال اصبح وحشا لا يعرف الرحمة ولا...
