مرحبا بنات شلونكم
طبعا انا كتبت البارت بس الكهرباء
ما جانت مشتغلة من اجت واجة النت ما خلوني انشر الكتابة
وكل اشوي يكولون مشاكل بالقصة
هسه خلصتهه اعذوني ع التاخير
شكل لكل شخص قرأ وترك أثر جميل
قراءة ممتعة
يلا نبدي
•••••♡••••
اسماعيل _ خالة سدي الموضوع لا تخليني
اضوج تعرفيني اذا ضجت شسوي مو
احلام_ يعني انت دا تهددني
قمر _ بقة مبتسم وما حجة لكن نضراته صدك
تخلس بعدت نضراتهه عنه وجمال غير الموضوع وكريم كام وما حجة شي
خلصت السهرة بيت الخالة احلام ورجعنه
وغزل نامت ب الطريق وهو كان مركز ب الطريق
وما حجة شي بس كال باجر نروح
انا وياج عازيمنه اهلج ع الغدة
قمر _ هاا صدك ليش ما خابروني
شلون نروح الضهر وانت تجي ب 2 من
الدوام
اسماعيل _ يخابرون عليج ومغلق
حته ضالين بقلق عليج باجر احاول اجي من وكت ونروح وانا انطيتهم خبر اذا اتأخر
قمر _ ها اوك
ما اعرف شبي هو بسرعة يطفة شحن
اسماعيل _ تستا هلين تلفون جديد انا اقرب وقت اجيبلج واحد
قمر _ لا شكرا لا تجيب هذا ما بي شي
ضل يباوع على الطريق بدون ما يرد عليه
وصلنه للبيت نزل غزل وخلاهه بفراشهه
ودخل غرفة عمته وانا صعدت سبحت وبدلت
واجيت ردت انام ما اجاني نوم شوي ودخل
هو للغرفة وشغل التلفزيون وضل يباوع
ضل يشرب جكاير تخلص وحدة ويشرب الثانية
تخلص الثانية ويشرب غيرهه ما اعرف شوكت نمت
فزيت من النوم على صوت صرخة كعدت مخروعة
لكيته يباوع ع فلم رعب ومعلي الصوت وهو بعدة على كعدته والجكاير مالي المطفاية وطايح على الطبلة باوع عليه
اسماعيل _ ارجعي نامي ما جنت اعرف راح تكعدين من الصوت هسه انصي
قمر _ كانت نبرة صوته خالية من اي شي
فقط بيهه حدة وكأنه يحجي وي شخص غريب ب الشارع مو وياي رجعت وحاولت أنام
لكن الصراخ الي بالفلم كل شوي يكمزني
باوعت وعلى الساعة جانت ب 5 ونص ما اخذت عيني النوم نزلت جوة غزل جانت نايمه سديت الباب مال غرفتهه وردت اصعد لكيت باب الحوش مفتوح
طلعت لكيت عمه علياء كاعدة تسكي الورد لبست حجاب واجيت اطلع يمهه لكيتهه كاعدة تباوع
شافتني اجيت ابتسمت بقت ساكته شوي بعدين كالت
علياء _ اسماعيل ما نام البارحة مو
قمر _ اي ما نام بس انتي شلون عرفتي
أنت تقرأ
الجميلة والوحش
Dragosteهو مدير شركة لدية الكثير من المال لدية طفلة تبلغ 11 عاما و زوجتهه جميلة جدا ..يمكن ان نقول ان حياته كانت مثالية و كالمة ولا ينقصها اي شي من ابدا لكن حادث اخذ زوجته منه و أعاق أبنته دمر حياته بكل ما فيها من جمال اصبح وحشا لا يعرف الرحمة ولا...
