الجميلة والوحش

البارت 24

...
..
..

••••••••••

قمر _فتحت الباب الورة وخليت الجنطة مالتي وسديت الباب وصعدت يمه. بقت السيارة واكفة. وانا ما حجيت شي..

دقايق مرت ذب حسرة وشغل السيارة
وبدا مشوار الطريق الحسرة الي ذباها
تحمل الكثير والكثير من الكلام

لكن هو التزم الصمت وانا مستحيل
احجي وياه بعد الي صار احجي بانفعالي وجوابني بكلمه خلصتي وكانو مضطر

يسمع الكلام مالتي.. والشخص الي ما يريد يسمع الحجي مني طوال عمري ما احجي
وياه او اطلب منه شي

اما أخذه للتلفون مني بدون سبب واضح
هذا الي خلة الافكار تتجمع براسي واحاول
الكه الها تفسير بس ما جاي افهم شي
لان ماكو ترابط بين الاحداث

وكفت السيارة اكبال البيت طفاها وانا نزلت واخذت الجنطة وهو نزل وراي دكينة الباب
فتح عباس الباب سلمت عليه ودخلت
هو سلم على اسماعيل ودخلو للاستقبال سلمت على ابوي وامي

حسن جان طالع كعدنة شوي جابت امي
الماي والجاي وخلته كدامنه شرب الجاي مالته
وبقة يسولف وي ابوي. وانا فصلت ورحت
لغير عالم

رحت ابحث عن السبب قاطع افكاري صوت ابوي. وهو يكول قمر وين صافنة ابتسمت بوجهه وكتله ما صافنه وياكم انا

شوي وكام اسماعيل وكال

اسماعيل _ اترخص منكم ان شاء الله
اشوفكم ب الخير

ابو قمر _ بوية اطلعي ورة رجلج

قمر _ هزيت براسي وطلعت وراه انا وعباس
واني بقة واكف يم الباب شوي ودخل عباس
لان حس انو اسماعيل يريد يحجي وياي

ودخلت امي بقة هو واكف ويباوع عليه
وانا مدنكة واباوع بالكاع مد ايدة وثبتهه على وجهي ورفعه وباوع بعويني وكال
بهدوء تام عكس الغضب الي مرسوم داخل
عيونه

اسماعيل _من انا واكف يمج تباوعين عليه ما دورين وجهج مني اتفقنة

قمر _ بقيت اباوع عليه بدون ما احجي شي
وخر ايدة وطلع من البيت انا صعدت للغرفة
مالتي ونمت كعدتني امي على العشا وكلتلهه ما اريد اريد انام لان انعس

هم رجعت نمت مدري بيش ساعة كعدت
نزلت جوة فتحت باب غرفة امي وابوي لكيتهم نايمين عباس وحسن طالعين باوعت ع الساعة ب 11ونص هاي كلة انا نايمه

شغلت التلفزيون الي ب الصالة وبقيت اباوع ع فلم عجبني ب 12 تقريبا دخل عباس وحسن للبيت شافوني كاعدة اجو كعدو يمي

بقينة نسولف شوي
عباس _ اكلج انتي ما جوعانه

قمر _ لاجوعانه بس ما احب اكل بحدي

حسن _ وانا هم جوعان

عباس _ يلا كومي نسوي عشا وناكل حته انا جوعان