مرحبا بنات شلونكم
ان شاء الله زينين
شكرا لكل شخص قرأ وترك اثر جميل
قراءة ممتعه
يلا نبدي
••••••
ااسماعيل _ اي والله صدك
قمر _ خجلت منه ابتسمت ودنكت راسي
هو ضحك وطلع من الغرفة رجعت اباوع على المراية واضحك مثل الهبلة..
رجعت ركزت على شكلي ونزلت جوة
لكيت عمة علياء جاهزة ومكملة غزل بقت يم ميادة
اسماعيل كال اوديكم وارجع
غزل _ وواااوو طالعة مثل الاميرة قمر
قمر _ انتي الاميرة غزالة
غزل _هههههه لا تتأخرين وتعوفيني بحدي
قمر _ ابدا بس اتخلص الخطوبة نجي انا وعمة علياء يمج وابقة اسولفلج على الخطوبة تمام
غزل _ تمام
قمر _ طلعنة من البيت وصلنه لبيت سندس
طبعا اسماعيل اتصل على حسن وضل يوصف اله الطريق وصلنه نزلنة واسماعيل هم نزل سلم على الزلم
واحنه دخلنه جوة
دخلنه والكل صفن علينه مندخلنه
جانت طيبة كاعدةعلى الكرسي والضحكة تارسة وجهه ونمارق ضايجة وكالبة وجهه
والبنات يركصن شافتني زهراء واجت شبكتني سلمت علينه أنا وعمتي وسلمنه على الموجودين شوي واخذن طيبة للغرفة
ودخل صالح عقدو شوي وطلعو كعدو ولبسهه الذهب والنسوان كالن حبهه ولاتخاف من امهه
ضل يباوع عليهه وابساها بخدهه
اخذينه صور شوي وطلعنه
اشعر مثل الهم والي انزاح عن قلبي واخير هو راح يشوف حياته ما راح يبقه مضيع حياته لخاطري اهم شي ما اكون سبب حزنه
دخلت سبحت وبدلت اجيت يم غزل
لكيتهه تباوع على التلفزيون بقيت اتابع وياهه
لحدما ميادة صاحت النه على العشة تعشينه
وديت غزل بغرفتهه
غزل _ قمر الخطوبة حلوة
قمر _ اي حلوة
غزل _اكيد انتي احلى منهه
قمر _ لا هيه لابسة بدلة وتسريحة
غزل _ اي بس انتي هم حلوة
قمر _ أنتي الحلوة
غزل _ نعست راح انام
قمر _ يلا نامي انا هم اروح انام
غزل _ تصبحين على خير
قمر _ وانتي من اهل الخير
صعدت للغرفة مألتي سولفت وي زهراء شوي
كالت لا تضوجين لان انتهت علاقتكم
كتلهه لا انا تزوجت وكتبت الهه اصلا بديت احب اسماعيل واتعلق بي وحذفت الرسالة
هيه بدأت ترسل احس خدودي صارن حمر
طفيت التلفون وخليته ع الشحن
أنت تقرأ
الجميلة والوحش
Romanceهو مدير شركة لدية الكثير من المال لدية طفلة تبلغ 11 عاما و زوجتهه جميلة جدا ..يمكن ان نقول ان حياته كانت مثالية و كالمة ولا ينقصها اي شي من ابدا لكن حادث اخذ زوجته منه و أعاق أبنته دمر حياته بكل ما فيها من جمال اصبح وحشا لا يعرف الرحمة ولا...
