مرحبا بكم في بارت جديد
#البارت_11
#قصة_الجميلة_والوحش
#بقلمي_جمان_العلي
شكرا لكل شخص قرأ وترك اثر جميل
تصويت او تعليق حلو مثلكم
يلا نبدي
••••••••
هزيت ب راسي ل عباس وطلع
بقيت صافنة ما ادري بشنو كعدت غسلت وجهي
واجيت يم امي
ام قمر _بنتي لازم تكومين تحضرين شي
اذا اجة بعداشوي رجلج شنو تقدمين اله
قمر _ يمه شنو رجلج تره بعدنه ما متزوجين
بعدين هسه اودي عباس او حسن يجيبون شي
منا من المحل
ام قمر _ شنو من المحل كومي سويلج حلويات شي
هسه شيكول شمالهم
قمر _ اكتفيت ب السكوت لان اعرف امي ما راح تحل عني الا لما اكوم واسوي الشي الي تريدة
دخلت للمطبخ وانا اتأفأف وما اعرف شنو اسوي
قررت اسوي بسكت التمر ونجيب وياهه عصير
بديت اعجن عجينة البسكت خلصتهه وعفتهه
ع صفحة وديت عباس يجيب تمر
بديت افلس ب التمر الى ان خلصته
وبديت اشكل البسكت على شكل مستطيلات واضغطتهه
ب الشوكة وداخلهه التمر تعشينة وغسلت الماعين
دخلت للحمام بدلت ملابسي وخليت مكياج
صارت ب ثمانيةونص وكل احنه كاعدين ب الاستقبال
اشوف ابوي كل شوي ويباوعلي يريد يشوف انا فرحانة
لوضايجة اختلطت وياهم اشوف ابوي شلون من ضحكت رد الدم بوجهه وابتسم على ابتسامتي
اندك الباب كام حسن فتح الباب دخل اسماعيل
للاستقبال اجة باس راس ابوي وسلم عليه وسلم على
عباس بعدين سلم على امي وانا اخر شي
اسماعيل _شلون صرتي اليوم
قمر _الحمد الله
ابتسم وكعد يم ابوي طلعت من الاستقبال جبت الماي وقدمت اله
عباس وحسن استاذنوا وطلعوا
يم اصدقائهم
طلعت اجيب العصير والبسكت
اسماعيل _اذا تسمحلي عمي عندي كلام اريد اناقشة وي قمر
ابوقمر_ اكيد هيه مرتك ب النهاية انا هم
انام ساعة مااكدر ابقة هواي كاعد
اخذيني ل غرفتي ام قمر
ام قمر _ صار حجي
قمر _ دخلت للاستقبال واشوف امي وابوي
طالعين ها وين رايحين
ام قمر_ ابوج تعبان يريد ينام
قمر _ تردين تعوفيني وحدي
ام قمر _غير رجلج شنو اعوفج وحدج
بعدين هو كال اريد احجي وياهه كلمتين وحدنه
قمر _ يمة شبيج
ام قمر _ انتي شبيج تره ماياكل بشر غير رجلج
تكعدون تتفقون من هسه خاطر ما تصير بيناتكم مشاكل واحد يتعرف على الثاني
أنت تقرأ
الجميلة والوحش
Romantizmهو مدير شركة لدية الكثير من المال لدية طفلة تبلغ 11 عاما و زوجتهه جميلة جدا ..يمكن ان نقول ان حياته كانت مثالية و كالمة ولا ينقصها اي شي من ابدا لكن حادث اخذ زوجته منه و أعاق أبنته دمر حياته بكل ما فيها من جمال اصبح وحشا لا يعرف الرحمة ولا...
