⚜️🎲 كــــازيـــــنـــــو 🎲⚜️
🔥⚔️ نِــــزال الزَّعـــامــة ⚔️🔥
♣️♦️ الحـلـقـة 01♦️♣️
في الإمــارات🇦🇪 و بالتحديد في دبـــي🇧🇭 داخل كازينو كبيير و لي يُعتبر من أشهر الكازينوهات فالمنطقة...ما تسمع كان صوات الناس العالية لي يهتفو بإسم المصارع المقنع...رغم انو ما يعرفو عليه لا اسمو لا وجهو إلا انو عارفين مليح انو واحد ما يقدر يغلبو فالمصارعة...ديما يراهنو عليه و عينيهم مغمضين حاطين كل ثيقتهم فيه...بعد دقايق دق الجرس دليل على موت الخصم وين علات اصواتهم أكثر...تبسم باستهزاء و قبل ما يعلن الحاكم شكون الرابح تلفت نازل من الحلبة متوجه لغرفتو السرية المخصصة ليه فالكازينو هذا...نحى قفازاتو و زاد الماسك تاعو مد يدو بش يحل الباب وقفو صوتو
آرثر:راكان
هز راكان راسو عاقد حواجبو:نعم
آرثر:عمي طالب يشوفنا عامل إجتماع في مكتبو
راكان:تمام ندوش و نجي اسبقوني انتو
هز آرثر براسو و تعداه ماشي...عوج فمو على جنب و تمم داخل لغرفتو قعد على طرف الفرش و حط لي في يديه على جنب...نفخ بفدة ينطر فالبونداج لي داير عليهم تنهد يمسح على الجروح و الدم المتحجر فيهم...بقى زمان على حالو بعدين وقف من بلاصتو متوجه للحمام عامل دوش منحي بيه العرق...خرج لاف منشفة على وسطو هز دبشو لي كان عبارة عن كوستيم فالأزرق الغامق و بدا يلبس فيه بالزربة عارف انو عمو ميحبش روتار...رش من برفانو و زاد هز سلاحو حاطو في خصرو و تمشى خارج ماخذ آخر نظرة على روحو فالمراية...وقف عند باب مكتبو و مد يدو بش يدق تراجع في آخر لحظة تبسم على جنب و حلها منغير ما يدق...اول ما دخل قحرلو معصب و هز لكادر لي كان محطوط فوق المكتب راميه عليه...
جهاد:متترباش انت!!
لقفو قبل ما يوصل لوجهو نزل راسو يغزرلو قابلاتو صورة مرتو...
راكان:ضحيت بصورة لمعلمة في خاطري مكنتش عارف انك تحبني لدرجة هاذي
جهاد:هاتها لهنا ما منكش فايدة
راكان:صاار ما منيش فايدة!! و شكون لي ربح من دقايق و دخلك فلوس لي تدخلهم الشركات في عام!!
ضحك جهاد على جنب و حلو يديه كإشارة منو بش يجيه...
جهاد:سبعيي قرب لعندي
تبسم و قرب منو حط الكادر فوق المكتب و نزل عليه حضنو حضن رجولي...
جهاد:ما سميتكش سبعي باطل!
جبد روحو عليه شوية جات عينو على عزيز لي قاعد مقابل آرثر...
راكان:شبيك
عزيز هزلو بكتافو:غرت
جهاد:ههه انت ذييب تاعي
آرثر قلب عينيه بملل:كان خلصتو حصة لمديح تاعكم قولنا علاش جمعتنا و خلينا نمشيو
قعد راكان فالفوتاي لي مقابل المكتب يغزرلو مستغرب...
راكان:مالك مزروب فين ماشي!!
آرثر:عندي خدمة
عزيز:و أنا زادة لازمني نمشي للمركز عندي قضية بش نسهر عليها
راكان:عمي راك تشوف! نهار طول و هوما يتق*** و كي طلبتنا ظهر عندهم شغالات
تركز على المكتب على ايدو تحت ذقنونتو مضيق عينيه فيهم...
جهاد:هاني نشوف فيهم
عزيز:حاشا أما النائب جايبها ورايا اليامات هاذي منحبوش يشك في حاجة و زادة جات كومسار جديدة للمدينة
ماثيو:شكون النائب هذا هات إسمو نصفوه!
راكان:و انتا علاه معمر راسك بيه! إذا شفتو زاد عن حدو نرسلوه لدنيا لاخرة كيما لي قبلو
جهاد دور عينيه عليهم مستغرب:شووف لكلاب يصفو و يرسلو لدنيا لاخرة زي ما يحبو و كي يسألوهم علاش أوامر سي جهاد! صحيتكم
آرثر:على أساس انتا لي قلتلنا اي واحد يشكل خطر علينا مترددوش ثانية و اقتلوه
جهاد هزلو براسو:خلونا نفهمو شيحب النائب هذا السع
شافو في عزيز لي مسح على لحيتو ينفخ...
عزيز:قاعد ينبش فالقضايا لقديمة لي سكرتهم أنا بيدي قضايا تخصك يعني واضح انو يحب يثبت شي لازم نتخلصو منو في أسرع وقت
تبسم جهاد ع جنب و شاف فيهم نظرة حادة...
جهاد:لما يرجع كنان يعرف شغلو معاه
آرثر:مدام وكلت كنان بالمهمة اعتبرو من توا في عداد الموتى
عزيز:منغير فضايح خليه يعملها في بلاصة خالية
راكان:و هو يجي منو كنان يقتل منغير ما يعمل جوجمة!؟ توء ميجيش
آرثر شاف فيه:مش زي تاعك يا مقنع
عزيز:والله أنا حلمي نقول لجميع الناس انو رجل الأعمال و المهندس لكبير راكان سادات هو نفسو المصارع المقنع عارفين طبيعة خدمتي نخاف نموت و نهز معايا السر هاذا
ضحكو الكل على كلامو و سكتو في لحظة لما سمعو حاجة طاحت ورا الباب...غزرو لبعضهم مستغربين الصوت...
جهاد:فما شكون برا !
راكان وقف من بلاصتو بالزربة:تنشوف
اشرلهم بيدو بش يسكتو و هز روحو خارج...حل الباب قابلو واحد من الموظفين يمشي و يزرب في خطواتو واصل لآخر الكولوار...هز سلاحو من خصرو مصوبو ناحيتو قوص عليه جات في رجلو قد قد...طاح الراجل شاد في بلاصة الرصاصة متوجع...تبسم على جنب و قرب منو لحقوه عزيز و آرثر...وقف عند راسو مكتف يديه و يدور فالسلاح على صبعو...
راكان:واش كنت تدير؟
الراجل بلع ريقو يتغوصر:سامحني والله صدفة
راكان:فضول مش صدفة يا ***
نزل راسو يبكي من قوة لوجيعة...ضربو لساقو بالشوية...
عزيز:اشش متبكيش لازم تفرح لانو تحقق حلمك و عرفتي شكون هو المقنع
آرثر:هممم أما خسارة رايح تموت
شاف في عزيز و طلقو ضحكة شريرة مع بعض...ترعب من نظرات راكان ليه...مترددش ثانية و هز السلاح في وجهو مفرغو في راسو مخليه غارق في دمو.
#مينوش👑
