⚜️🎲 كــــازيـــــنـــــو 🎲⚜️
🔥⚔️ نِــــزال الزَّعـــامــة ⚔️🔥
♣️♦️ الحـلـقـة 45♦️♣️
عندك كارلا...بعدما شبعت بكى في بيتها مسحت دموعها و ناضت رايحة لعند لبنات تسهر معاهم...حلت باب بيت قابلتها متسطحة مع اختها فالفرش و يحكيو...
كارلا:بنات
مارلين شافت فيها مستغربة:شبيكي كارلوش؟
قلبت شفافها و قربت منهم طلعت بحذاهم...
لالي:شبيك كنتي تبكي!؟
شافت فيها و رجعت نزلت راسها تلعب بطراف صوابعها...
كارلا:ليو قالي وفينا و من شوية سمعتو يحكي نظن عندو صاحبة جديدة أكيد لقاها أحسن مني
مارلين:ق*** خلاتك تبكي؟؟ منيتك تقارني روحك بيها!! نهار نهارين يرجعلك كلنا نعرفو ليوناردو يعشقك و ميقدرش يتنفس بلا بيك
كارلا:هاذاك ليوناردو تاع بكري...درك تبدل مبقاش كيف زمان سافر و رقد مع ألف طفلة و آخر وحدة جابها معاه
مارلين:فيين هي؟؟
كارلا:خلصت عليها
مارلين:زيدي خلصي على هاذي و فرات
كارلا هزتلها براسها متحلفة فيها:هات برك نعرف شكون
مارلين:نلقاوها متخافيش و يزي مالبكى ياك ما صرا والو بيناتكم؟ قولي مزية خرجت نظيفة من العلاقة اذي
كارلا:كيفاش ما صرا بيناتنا والو!؟
مارلين شافت فيها مصدومة:يعني عملتوها؟ يعني رقدتي معاه من قبل و مقلتيلييش؟؟ يعني كامل سبقتوني و عرستو بلا عرس قبلي؟؟! أنا هي لكبييرة اي عالقليلة حترمو مشاعري
لالي قحرتلها بحدة خايفة تفضحها بالكلام منغير ما تحس...
لالي:مارليين
كارلا دورت عينيها عليهم مستغربة:مرقدتتش معااه اتهنااي منيش مهبولة باش نعملها
مارلين تنهدت براحة:ريحتيني
و كبست على يدها متبسمة مطمنتها بعينيها...
مارلين:المهم انسايه و اضحكي مفماش شكون يستهل تبكي عليه
كارلا تنهدت بحزن:كيفاش تحبيني منبكيش قالي لا راني راجلك لا خطيبك ولا حبيبك
لالي:يعني...عندو الحق حتى انتي زودتيها مسكين مين نشفالو و هو مجرجر معاك هاكي طفرتيها في قاعك
كارلا:قلتلو ماش بيدي و نورمالمو يتفهمني
لالي:و انتي علاش متقبليش العلاج شحال من مرة مارثا تحاولك باش تمشي عندها تداوي
تلفت على صوتها...
مارلين:اي ذكرتيني لالي شحال راهي الساعة كأنو مارثا طولت!!
سكتت مبحلقة فيها بعينيها مش لاقية شنية تجاوبها عارفة باش تلومها هي على لي صارلها.
👑#مينوش👑
