⚜️🎲 كــــازيـــــنـــــو 🎲⚜️
🔥⚔️ نِــــزال الزَّعـــامــة ⚔️🔥
♣️♦️ الحـلـقـة 38♦️♣️
عند كنان لي نزل على الصوت لي قوا لتحت محرمين عليه النوم...وقف عند باب الصالة يشوف فيهم مجمولين عليها...
كنان:و أنا نقول شبيهم هاجو ظهرت بيكاسو راجعة
شافت فيه مارلين تضحك بعدين وقفت بالزربة من بلاصتها و قربت منو تحضناتو...
مارلين:كنان
حط ايدو على ظهرها و هي جبدت روحها عليه ترجع في شعرها لتالي...
كنان:أهلا بيك
مارلين:توحشتنيي ههه كنت عارفة أنو القصر ماسط بلا بيا أصلا سي جهاد برك واضح عليه التعب في غيابي
جهاد:باينة ذي القصر مايحلاش في غياب فراشتي
مارلين:ايي بابيشكوو
قلبت شفافها و قربت منو رجعت تحضناتو متوحشاتو...
مارلين:ليوم منخرجش من حضنك
جهاد ضحك عليها:شوفي مع لمعلمة
مارلين شافت في سوزان:سوزيي خليني ليوم عندو وعد مني نرسملك أحلى لوحة فالعالم
هزتلها براسها لا لافة ايدها على ذراعو...
سوزان:منبدلش راجلي بكنوز الدنيا
مارلين:لوحة لرسامة مارلين سادات ماش اي وحدة
عوجت فمها على جنب و لفت وجها عليها لما شدتها من يدها تجر فيها معاها...
لالي:صايي قعدتي بما فيه الكفاية معاهم توا جا دوري امشيي عندي ما نحكيلك
مارلين:ايي بالشوية...يا درا شمن المصيبة درتيها المرة ذي
دوب مشاو شافت فيه سوزان مصدومة...
سوزان:جهااد كان تحكيلها لالي على مارثا لي مخطوفة
جهاد:خليها تعرف وين المشكل! و بنتي باش نرجعها عن قريب
سوزان:زعما متعرفش مارلين المجنونة وقت تتحول! أكيد لما تعرف رح تقولك نسافر و نجيبها
كنان حك أنفو:كيفاش اذي مارثا مخطوفة
جهاد تنهد بقلة حيلة:خطفها إيفان طلبنا مرة و مزادش
كنان:إيمت؟
جهاد:قبل أسبوع
كنان:كأنو لحكاية طولت!؟؟ علاش مقتلتوهش و هزيتوها!!
جهاد:ذي بنتي ماش سلعة يا كناان منجمش نخاطر و نقتلو قبل ما نعرف بلاصتها و زيد بعثت آرثر هجم على القصر و ملقاوهش لا هو لا هي مش عارفين وين مخبيها
كنان:يعني نبقاو مكتفين يدينا و نستناو في إتصال منو؟؟ "ضحك بسخرية" برافو
تلفت ضرب الكرسي لي قدامو معصب و تعداه خارج...وقف على صوتها...
ميريام:كنان
تلفت شاف فيها و هي قربت منو وقفت مقابلاتو حاضنة وجهو بين يديها...
ميريام:عيشك ولدي معادش تغبر كيف آخر مرة متحرقليش قلبي عليك
هزلها براسو و باس كف إيدها لي على وجهو...
كنان:باهي ارجعي لداخل
جبدت روحها عليه تتنهد بحزن...خذا آخر نظرة عليها و خرج توجه طول لكرهبتو ركب و تحرك مبعد على القصر...بعد دقايق وصل للڤاراج لي حاطين فيه ألما...نزل من الكرهبة يمشي و يهز بكتافو عينيه يحومو على لبلاصة و مع حل الباب تصعق على شوفة الكرسي فارغ و هي مفماش!
👑#مينوش👑
