⚜️🎲 كــــازيـــــنـــــو 🎲⚜️
🔥⚔️ نِــــزال الزَّعـــامــة ⚔️🔥
♣️♦️ الحـلـقـة 09♦️♣️
طاح الليل و خيم بظلامو...الوقت لي يكون فيه الكازينو معبي بالناس لي دايرين على طاولة القمار و الروليت و البوكر و غيرهم من الألعاب...هاذا يشرب و الثاني يتكيف صوت ضحكهم واصل لحد مكتب جهاد...
جهاد:ليوناردو ذي آخر مرة تسافر المدة هاذي الكل...عذرتك على عرسك المرة الجاية مكاش عذر
ليوناردو هزلو براسو:قصدك عرسي لي تخرب
جهاد:اعذرها مزالت صغيرة
ليوناردو:صغييرة!! خالي كارلا عندها 28 سنة نظن ناضجة بما فيه الكفاية باش تعرف تفرق بين الصح و الغالط
جهاد:المهم اعذرها و اسكت علياا..أنا فات عليا أكثر منك و متذمرتش...عرست و تطلقت عرست و تطلقت و زدت عرست
عزيز:و تطلقت
جهاد شاف فيه يقحرلو:بعيد الشر يا *** تفاول عليا؟؟
عزيز ضحك عليه:عارف تموت و متفرطش فيها سوزي
جهاد:شنهي ذي سوزي قول خالتي سوزان
عزيز:علاش نقولها خالتي و هي لي يشوفها معايا يحسبها حبيبتي!
تلفت يمين و شمال يفتفت على حاجة يضربو بيها...زرب وقف من بلاصتو يضحك عليه...
عزيز:صاي نتمسخر سمحلناا
جهاد:منسمحش اخررج علياا
تبسم عليه و قرب منو ورا المكتب حضنو على جنب...
عزيز:جهاادوو
جهاد:بععد علياا
عزيز:و راسك متتعصبش ياخي قالك الدكتور ليوناردو لازم تحافظ على صحتك اليامات هاذي
ليوناردو:وااا ماااقلتلكمش
شافو فيه مستغربين مركزين معاه...
راكان:واش؟
ليوناردو:تخيلو شكون لقيت فالطيارة ليوم!!
كنان:شكون!!
ليوناردو:قلتلكم تخيلوو
آرثر:صديقك الدكتور لي سافر و مرجعش؟
ليوناردو هزلو براسو لا:توء
جهاد:احكي شكون حابب تطلعلي ضغطي و نموت جرتك!
ليوناردو:بعيد الشر أما لقيت خالي مالك مع..
قص عليها لما وقف من بلاصتو معصب...
راكان:هذاك ماش خالك و ماش بابا لا أنا لا عزيز هو لي ختار يمشي و رجوعو ما يعنيلنا حتى شي
نزل نظرو لساعتو و رجع شاف فيهم...
راكان:رايح نحضر روحي لنزال
لاحلهم كلامو و هز روحو خارج متوجه لغرفتو مش حامل سيرتو ولا إسمو لي تذكر قدامو.
👑#مينوش👑
