⚜️🎲 كــــازيـــــنـــــو 🎲⚜️
🔥⚔️ نِــــزال الزَّعـــامــة ⚔️🔥
♣️♦️ الحـلـقـة 29♦️♣️
نرجعو لدبي...بالتحديد داخل ڤاراج قديم كانو حاطين فيه ألما و رابطينها على كرسي مقابلينها جهاد و ليوناردو...
جهاد بقلة صبر:بنتي آخر مرة نحكي...كنااان وييين متخليناش نستعملو معاك العننف
ألما تبسمت بسخرية:منقوولش اقعدو حابسيني هنا و هو يبقى محبوس لين يموت
على آخر كلمتها جبد سلاحو من ورا ظهرو موجهو ليها صبرو نفذ معاها...زرب شدو ليوناردو من يدو موقفو...
ليوناردو:خاالي رد بالك تغلط متنساش انو هي كهو لي عارفة بلاصتو...و حد ما يعرف حالتو توا كيفاش! كان نطولو منلقاوهش يمكن نخسروه للأبد
شاف فيه يرد فالنفس معصب طمنو بعينيه منزلو يدو بعدين تلفت ليها و قرب منها أكثر يمسح على شعرها...
ليوناردو:ألما...كسوحية الراس مش لصالحك
كبست على عينيها و رجعت حلتهم موجوعة لما زير على شعرها في يدو و نظرتو تحولت لنظرات حادة...
ليوناردو:و إذا صار شي على كنان صدقيني موتك باش يكون أبشع موتة فالتاريخ
ألما:ههه والله جاني فضول نعرف شكون فيكم باش يقتلني ماو نتوما كلكم عايلة مجرمة
ليوناردو هزلها براسو:مش عارف يمكن نحبو نستمتعو بيك قبل ما تمشي لدنيا لاخرة و يمكن نكافؤ رجالنا بيك و يمكن نستفادو من أعضائك المهم خليها علينا
تبسم على جنب يشوف في وجها لي يتزير مع كل كلمة...قحرتلو و بزقت عليه خلاتو يغمض عينيه معصب...
ألما:منيش عاهرتكم أناا فااهم!! فكني و شوف النسا شتتعمل
جبد روحو عليها يمسح على وجهو عاض لسانو معصب... تلفت لما وقف قدامو هاز صبعو في وجها يحذر فيها...
جهاد:عجبتني قوتك أما متفرضيهااش عليناا ا بنتي راكي تلعبي مع العيلة الغالطة إذا حابة حابة تخدمي خدمتك و تقضي على الفساد نحب نقولك احنا خاطينا
شاف فيه ليوناردو مستغرب...و ألما ضحكت على كلامو...
ألما:العايلة الوحيدة لي تضحكني هي انتو...قال خاطينا قولي شنية مزال معملتوهش!
جهاد هزلها براسو متدارك الوضع:باهي عملنا حاجات فاسدة أما عمرنا ما أذينا حد بريئ
ألما:و خالي!!
ليوناردو:شكون خالك!
ألما:اسكندر راشد
جهاد:هاه مثال خالك هاذا مكانش بريئ هو كان حاطني بين عينيه و انا تخلصت منو
ألما:تقول فيها كأنو حشرة و تخلصت منها ارواح الناس تلعبو بيها لعب
لفت وجهو عليها يحاول يتحكم في روحي باش ميقتلهاش قبل ما يعرف بلاصة كنان...هز راسو لما رن تليفون ليوناردو...شاف فيه مستغرب...
جهاد:شكون؟
ليوناردو:عزييز
تبسم على جنب و هز عليه ظهرت صورتو على الشاشة بحكم طلبو أبال فيديو...
ليوناردو:هاه شنية وصلت!!
عزيز:وصلت و توا راني مقبال دار المدام مقبولة شخصيا أسألها زيماه حابتها تموت
شاف فيها قابلاتو تخزرلو مصدومة...
ليونادو:أسألها انت أحسن
دور التليفون ليها نزلت نظرها لين وجها لونو مخطوف...
عزيز:ألما عزيزتي صراحة غاضتني مرت خالك المسكينة قاعدة وحيدة قلت علاش منلحقهاش براجلها و يعيشو سعداء في جهنم
بلعت ريقها بخوف مرة تشوف فيه مرة تشوف في دار خالها لي وراه...
ألما:ا.انت...انت كيفاش عرفت!
عزيز:معادش تسألي السؤال هذا...قلتلك يكفي انو أنا عزيز سادات و قلتلك متحطيش راسك معاناا و توا قوليلي زيماه حابتها تموت! خممت في أنو نشعل عليها النار! ولا تحبي رصاصة ننهو بيها حياتها!! اي عجبتني الفكرة يزيها عذاب مسكينة
هزلها براسو و تمشى خطوتين رغات عليه موقفاتو...
ألما:لااااا
ليوناردو:احكي وين كنان تربحي حياتك و حياة مرت خالك
هزت راسها تقحرلو و ترد فالنفس معصبة حقدها ليهم كل مالو يزيد.
👑#مينوش👑
