⚜️🎲 كــــازيـــــنـــــو 🎲⚜️
🔥⚔️ نِــــزال الزَّعـــامــة ⚔️🔥
♣️♦️ الحـلـقـة 25♦️♣️
قلبت شفافها و قربت منها قعدت بحذاها فوق الفوتاي...
كارلا:ماماا
ميريام شافت فيها مستغربة:بنوتي شبيك!!
كارلا:ليوو
ميريام تنهد بقلة حيلة:شبيه ليو زادة!!
بلعت ريقها بالسيف تحكي بصوت مغصوص...
كارلا:علاش ماش قادرة نكون معاه رغم اني نحبو! صدقيني نحبو و مهبولة بيه أما حاجة فوق طاقتي مش مخليتني نقبل بالعرس
ميريام:يا قلبي ماش حكينا فالموضوع هاذا قبل؟ و قلتلك اعفسي على قلبك و ابداي تتعالجي عند مارثا
كارلا:قصدك نروح نتذلل عندهاا
ميريام:علاش تتذللي؟ على أساس هي متعرفش ماضيك
كارلا:راهي مخطوفة تواا و أنا أصلا منحبش نحكيلها لا هي لا وحدة خلاف
ميريام تبسمت عليها:خرجتي ليا في كسوحية الراس و أنا زادة كنت رافضة العلاج لين مرو سنين و مزلت في نفس البقعة مش منجمة نخرج منها
تنهد بحزن مطولة الشوفة فيها...
كارلا:الأم و بنتها لمرااض وحدة عندها Gamophobie و الثانية Agoraphobie يعني طلعت ليك معندكش علاش تلوميني
ميريام:أنا منيش لايماتك الوحيد لي لازم يتلام هو بوك...بسبة لي عيشهولنا مرضتي و بعد خوك علينا الله أعلم وينو توا
كارلا:أكيد حب يبعد زي عادتو تلقايه غدوة رجع و ارقدي توا عارفة أنك قاعدة تستناي في راجلك
ميريام:طول برشاا
كارلا:هو يزهى مع لبنات فالكازينو و ميريام قاعدة جنب الشباك تتحصر عليه...قلتلك ارقدي متستنايهش
ميريام:توا نرقد و انتي ارخفي شوية على ليوناردو المسكين هبلتييه
كارلا:نحااول أما صدقيني يا يكون ليا لا لحتى وحدة
ميريام دلوحت راسها عليها:مفهمتش عرق الاجرام لي فيك انتي و خوك منين جبتوه مع أنو لا أنا لا بوك هكذا
كارلا قلب عينيها منها:كي يكون هو لي رباني نطلع ليه
قربت منها باسها من خدها و قامت من بلاصتها...
كارلا:تصبحي على خير
تبسمتلها و كبست على يدها...
ميريام:و انتي من أهل الخير...حطي في بالك أنو ماش الرجال الكل زي بوك و ليو الوحيد لي باش يفرحك و يصونك
هزتلها براسها تتنهد بحزن و عطاتها بظهرها ماشية لبيتها و تخمم في كلامها...عارفة أنو لي قالتو صحيح 100% أما ديما خوفها غالب عليها.
▫️رهاب الخروج من المنزل أو Agoraphobie : يندرج هذا النوع من الرهاب كأحد أنواع اضطرابات القلق والتي يخاف فيها الشخص الخروج من بيئته المألوفة أو منزله لمدة أيام أو أشهر أو سنوات، إذ يخاف الشخص الخروج إلى الأماكن الحيّة المشغولة بالناس كالأسواق ومراكز التسوق ووسائل التنقل بأنواعها أو أي مكان خارج منزله حتى لو كان مكان لا يشغله الناس.
👑#مينوش👑
