والتهمت النيران قلبي

الفصل الاول

في احدي البارات الليليه كان يقوم بالرقص باحتراف شديد وهو يحتضن خصر الفتاه بوقاحه شديده ومكر

الجميع بصخب وصوت مرتفع .شهاااب شهاااب شهااااب
بعد قليل انهي شهاب رقصته باحترافيه والجميع يقوم بالتصفيق له
احتضنته زينه بمكر شديد وغرور وعيون النساء تلتهمها بحسد شديد وغيره لأنها الوحيده التي استطاعت مرافقته لفتره طويله

قام شهاب بمحاوطه خصرها والتوجه بها الي البار

زينه بمكر وهي ترفع المشروب أمام عينه .كاسك

قام شهاب برفع مشروبه بغرور شديد وتناوله دفعه واحده مما جعلها تنظر اليه بالتهام وجنون وهي تكاد تاكله بنظراتها

ردد شهاب بغرور وثقه وهو يتابع تلك النظرات التي تشعره بالغرور والثقه اكثر واكثر . ملك مش كده

زينه بخبث وهمس وهي تقترب منه بدلع ونعومه . ملك الملوك كلهم لتكمل وهي تحاول تقبيله .طيب والملك مش حايرضي عن الاميره بقا

انفجر شهاب بالضحك مما جعل الجميع ينظر اليه بتوهان بسبب تلك الضحكه التي تسحرهم وتاخدهم الي عالم الاميره والفارس بالحصان الأبيض. ارضي عن ايه ههههه الاميره ليكمل بغرور وبرود ثلجي وهو ينظر الي زينه بتمعن .شهاب مالوش اميره يازينه ليردد بثقه متناهيه .شهاب ليه ملكه وملكه شهاب مش بتطلب انه يرضي عنها ليردد باحتقار وهو ينظر الي وجهها الذي تحول الي لون قاتم بسبب الاحراج والغضب .ملكه شهاب لازم هي الترضي عنه مش هو شهاب مش بيرمرم يازينه ويوم مافكر اختار حاختار الملكه مش الجاريه

انهي شهاب حديثه وهو يتوجه الي الخارج بغرور وكبرياء وجميع النساء تحاول أن تحاكيه وهو لا يعطيهم اي اهميه

زينه بلهفه وهي تلحقه بسرعه .شهاب شهاب

شهاب ببرود قاتل .نعم

زينه .رايح فين الحفله لسه بتبتدي

ماليش مزاج ردد شهاب بتلك الكلمه وهو يتوجه الي سيارته ويقوم بقيادتها بسرعه مثلما اعتاد تاركا زينه تنظر في اثره بتوهان وغرور وهي تردد .مهما قولت مش حاتكون غير ليا انا وبس لتتنهد بثقه وهي تردد .واذا كنت انت ملك فأنا ملكه والملكه مش بتخسر ابدا لتعود الي الحفل مره اخري وهي تسير بثقه وغرور غير متناهي

وصل شهاب الي القصر الخاص به ليدخل بثقه وهو يصفر باستمتاع ثواني حتي اغمض عينيه بضيق وزهق وهو يستمع الي صوت والده وهو يردد بغضب .مالسه بدري ياباشا
شهاب ببرود .حضرتك لسه صاحي
فخر الدين بصراخ .ماهو لما يكون ابني بيصيع للساعه ٤ الفجر وانا مش عارف هو فين طبيعي منامش
شهاب .بابا انا مش صغير وبعدين انا مسمحش ان اي شخص يتدخل في حياتي حتي لو كان الشخص ده حضرتك بعد اذنك

فخر الدين بلهفه وحزن وهو يتمسك بيده .يابني يابني انت ليه بتعمل فيا كده انا تعبت والله الشغل ومش بتشتغل طيب والسهر والسرمحه والشرب حرام عليك ياشهاب انا يابني قصرت معاك في ايه عشان تعذبني وتحرقلي قلبي عليك بالطريقه دي
شهاب بحزن فهو يحب والده كثيرا ويعتبره مثله الاعلي لكن بالنهايه تلك طباعه وهو لايحب ان يعمل ابدا .بابا انا اسف صدقني مكنش قصدي اتكلم معا حضرتك بالطريقه دي ليكمل بزهق ولامبالاه وبعدين احنا اتكلمنا في حكايه الشغل كتير وقولتلك لما اعوز اشتغل حاشتغل بمزاجي