အပိုင်း ၇ကျိုင်ရှင်းချန်ရဲ့ ခြေထောက်တွေက….
ထိုတခဏတွင် ကျိုင်ရှင်းချန်ကိုယ်တိုင်လည်း အေးခဲသွားသည်။
မသိတဲ့လူတွေဆိုရင် သူက လူသန်းပေါင်းများစွာရဲ့ မျက်နှာသာ ပေးခံရတယ်လို့ ထင်သွားမှာပဲ
ဒီအတိုင်း သူရဲကောင်းတွေက လှပလွန်းပြီး စိတ်ကောင်းရှိနေကြတာပါ
ဒါပေမဲ့ စိတ်မကောင်းစရာက သူက အခြားလူနဲ့ သဘောတူထားပြီးတာပဲ
“ ယန်ကျစ်က ကျွန်တော့်ကို လိုက်ပို့မယ် ပြောတယ်”
ကျိုင်ရှင်းချန်က ပြောလိုက်သည်။
ဖေးရွှီက တခဏခန့် အေးခဲသွားပြီးမှ သူ၏ အနောက်တွင်ရှိသော ယန်ကျစ်ကို လှမ်းကြည့်သည်။
ယန်ကျစ်က အနည်းငယ် ပြုံးပြသည်။ ဖေးရွှီက ချက်ချင်းလိုလို လှည့်ထွက်လိုက်သည်။
“ ကျေးဇူးတင်ပါတယ်”
ကျိုင်ရှင်းချန်က လှမ်းပြောသည်။
ဖေးရွှီက ပြန်မပြောဘဲ သူ၏ Maybachပေါ် တန်းတက်သည်။
သူ၏ ဘေးမှ သွမ့်ရီဟွားက ပြောသည်။
“ သူက အခြားလူကို လိုက်ပို့ပေးမယ်လိုု့ ပြောတာ ထူးဆန်းတယ်”
ဟော့ချန်းက ထိုစကားကို ရယ်ပြီး ကျိုင်ရှင်းချန်ကို ပြောသည်။
“ ဒါဆိုရင် ကိုယ် မင်းကို လိုက်မပို့တော့ဘူး”
“ ဝမ်နော့ကရော”
ကျိုင်ရှင်းချန်က မေးလိုက်သည်။
သူတစ်ယောက်တည်းက ကားမရှိတာ မဟုတ်ဘူးလေ ဝမ်နော့လည်း ကားမရှိဘူး
“ ချင်ချင် ခေါ်သွားတယ်”
သွမ့်ရီဟွားက ပြောသည်။
ဂီး ဒီလင်းချင်ချင်ကတော့.. ဘာလို့ ဝမ်နော့ကို အခွင့်အရေး တစ်ခါလောက် မပေးတာလဲ
