(نجوت بين يديك )
بقلمي الكاتبة: آيات الموسوي
نورتوني بوجودكم هنا بين
اسطر الرواية و حب جبير الكم
اتمنالكم قراءة ممتعة
و قبل لتبدون لتنسون بالتصويت
وتعليقاتكم تهمني على الفقرات
يلا نبلش
_______________________________
ابو لجين /ها بويه شهل صوت هذا شبيكم شصاير
لجين /متحملت بس اجه ابوية زدت بالبجي اني إلي محد فد يوم ضاربني يجي هذا عمار الحقير يضربني ضليت ابجي واناشغ و ركضت لحضن ابوية
ابو لجين / خير باباتي حبيبتي شكو بس فهموني شصاير
عمار / عمي شوف الشارع متروس شباب وبنتك تريد تطلع بنصهم تروح للأسوق لو بيت الناس شنو اني مو رجال هنا وهاي بنت عمي وعرضي مستحيل تطلع بنصهم وفوك هذا كله ما تسمع كلامي ومصرة تطلع
ابو لجين / عمار شوف أول شي بنتي من رادت تطلع بأرادتي واني قابل وثانياً دام اني عايش وأشم الهوى ماكو الأي بشر كائن من يكون يدخل بناتي يردن يطبن يطلعن بموافقتي وبس وبأي حق تمد ايدك عليهه هل مرة سكتت وراح امشيهه بس صدك يا عمار إذا تكررت المرة الثانية راح يصير تصرف ميعجبك
ابو عمار /خوية ترى من حقه يحاسبهه ومن حقه كلشي لا تنسى هاي راح تكون زوجته بعد فترة
عمار /بويه من رخصتك شنو هل كلام منو كال اني رايد ازوج لجين هسة ?
ابو عمار /اسكت وبعدين افهمك كلشي
عمار / عصبت حيل وتنرفزت من تصرف ابويه منو كله أريد اتزوج ليش من بحده يقرر ويخطط ويفصل كلشي ليريده ليش كلهم ينضرون إلي بأنو اني الولد الصغير إلي لازم يدخلون بحياتي اني كبرت طلعت خارج بيت عمي واتمشى بالشارع أريد اهدي نفسي اجت بالي لجين وجمالهه وتفاصيلهه من اني وصغير حبيتها لأن دوم ابوي جان يكولي انته تزوج بنت عمك الأول مرة احس روحي منجذب الهه احس بشي غريب بس يربي هل أبنيه عدهه تصرفات خطأ وفوك هذا كله هم نفس أهلي تعتبرني صغير الأن أحب اتصرف بطفوليه وياها و متحترمني بس من هل لحظه هاي راح اغير تصرفاتي خلاص كبرت وكلشي اله حدود بعد بس المشكله أهلي ما أعرف شلون امنعهم من يدخلون بقراراتي وماريد ازعل أمي وابوي
ما أعرف شلون رجعت مره الثانية للبيت اول مفتحت الباب ودخلت شفت لجين كاعده بالحديقه بنص الزرع وكله خضار وهي بنصهم ابتسمت على منظرها طالعه كأنهه وردة جوري بعطرها الفواح
تقربت يمهه و همست
لجوني الحلوة اني أسف الأن زعلتج مني وعصبت عليج
لجين /جنت صافنه بالحديقه وممنتبهه لوجود عمار لحد ما سمعت صوته اخترعت
يمممه منين طلعتلي انته
أنت تقرأ
نجوت بين يديك
Romanceالعادات والتقاليد تحكمنا منذ الصغر وتربطنا أحياناً بأشياء لا تناسبنا نتعلق فيها نرى أنها أسعد شيء لنا ونبني احلامنا معها إلى إن ننصدم بحقيقتها ولا نعرف قباحتها إلا عندما نتأذى منها ومشاعر تموت ومشاعر تحيا والقلوب قوالب متقلبة قريب يكسرنا وصديق يغدرن...
