(نجوت بين يديك )
بقلمي الكاتبة: آيات الموسوي
نورتوني بوجودكم هنا بين
اسطر الرواية و حب جبير الكم
اتمنالكم قراءة ممتعة
و قبل لتبدون لتنسون بالتصويت
وتعليقاتكم تهمني على الفقرات
يلا نبلش
_______________________________
وصلت للقسم ادور على القاعات ما اندل وين شفت مرة جبيرة سئلتهه خاله وين القاعات
هي باوعتلي خزرتني و كالت بنتر
_روحي مناك على الجهه اليسرة
لجين / اوووي هسه شكلت اني و هاي تنتر وجه البومه لابستلي ملابس من زمن بيبيتي
دا امشي وشفت بنيه واكفه و سئلتهه على القاعات لأن هاي مفهمت منهه شي كومة قاعات كبالي شدراني بيا قاعه افوت و صدفه طلعت هاي البنيه وياي بالقسم و نفس القاعه تعرفت عليهه
دخلت للمحاضرة و كعدنه سوة اني وياها شوي و دخلت نفس الي شفتهه مساع وسئلتهه على القاعه
شو اشوف الكل وكف الهه
ولج هاي شنو ليش وكفولهه
فاطمه /ولج كووومي لترزلج
لجين /ملحكت اكوم جان دكولي
دكتورة / ها عيني انتي الكاعدة مدكومين بالكلية من يدخل أحد الدكتور او الرئيس او العميد دكومون توكفون احتراماً وتركو سوالف المدرسه بعد انتو كبرتو ....
انطتني ارزالهه الها اول مالهه تالي و تفشلت كدام الزملاء من اول يوم و كل شوي ترزلني
فاطمة / ولج هاي شبيهه وياج من أول يوم نوب هاي سمعت عنهه من طلاب العام يكولون شديدة
لجين / دسكتي مساع جنت مضيعه مكان القاعه وكتلهه خاله معبالي دكتورة
فاطمة/ ههههههه متتتت خاله خاااله مرة وحدة
لجين / انجبي لضحكين
فاطمة / حقها من تشد وياج ولج هاي شكد ما ملسونهه و متسلطه حتى رئيس القسم ميتناقش وياها ولج شيفكج منهه خاله راح ترسبج
لجين / ولج كافي و الله راح ابجي
استمر الوضع هيج بس شوكي العمار بدة يتعبني حيييل و خايفه من نهاية هذا الحب و احس على عمار بدة يتعب ويصير بين نارين يا أنا يا أهله إذا أخذني راح يخسر اهله لأبد و ينحرم منهم امه مستحيل تتقبلني و خصوصاً عمار كدامهم ترك موضوع النهوه و على اساس ميريدني بعد بس ميدرون هو لحد الأن ديدرس و يشتغل حتى يلم نفسه و يفتحلنه بيت
اتمنى اتصل علية و احجي ويا بس وعدت بابا ما اكلمه منا لحد ماصير مرته ماريد اكسر ثقه بابا الرجع انطانياها و بنفس الوقت للحنين بدة يذبحني
أنت تقرأ
نجوت بين يديك
Romanceالعادات والتقاليد تحكمنا منذ الصغر وتربطنا أحياناً بأشياء لا تناسبنا نتعلق فيها نرى أنها أسعد شيء لنا ونبني احلامنا معها إلى إن ننصدم بحقيقتها ولا نعرف قباحتها إلا عندما نتأذى منها ومشاعر تموت ومشاعر تحيا والقلوب قوالب متقلبة قريب يكسرنا وصديق يغدرن...
