نجوت بين يديك )
بقلمي الكاتبة: آيات الموسوي
نورتوني بوجودكم هنا بين
اسطر الرواية و حب جبير الكم
اتمنالكم قراءة ممتعة
و قبل لتبدون لتنسون بالتصويت
وتعليقاتكم تهمني على الفقرات
يلا نبلش
_______________________________
لجين / علاقتي بعمار انتهت نهائياً و ضلينه لا احنى نروحلهم و لا همه يجونه و الأكثر شي دمرني لمن عرفت عمار و صابرين قوت علاقتهم و انه تريد تخطبها اله جانت كسرة تليه بشكل متنوصف كل يوم انام و ادموعي على خدي بسببهم و ماكو شي يطفي ناري بقيت اتمنى من الله بس تظهر برائتي حتى يعرف حقيقه صابرين الحقيرة بس حتى لو كشفها مستحيل ارجعله
داومت بالكلية شكد جنت أتمنى افوت كلية قانون و هي جانت من أحلامي هاي الكلية و هسه اني طالبة بيها لكن ما احس نفسي بالمكان الصح خايفه من البشر و ما اتقرب من أحد شكد سمعت كلام منهم بالمرحله الأولى انو اني مغرورة و متكبرة و شايفة نفسي جان هذا الكلام يزيد حالتي للأسوء اني ابد مو هيج ابد هاي النظرة الي شايفيني بيها اني جنت بيوم من الأيام أكثر انسانه مرحه و منفتحه ويه الناس بس بسبب ثقتي الزايدة بيهم و الغدر لتعرضته من الصديقات و حبيب طفولتي و صابرين همه الجانو السبب حتى اوصل لهاي المرحله
صرت انسانه انعزالية كئيبة الكل ينفر مني بسبب عصبيتي الزايدة ما اطيق اي أحد اتمنى الموت كل يوم و صارت بيه حاله نفسية مو طبيعه بقيت أذي نفسي بدون ما أحس و اكثر حركه اسويها اكل بأضافري الحد ما احس الدم بحلكي
لو اجرح ايدي بس ابد مجان قصدي اموت روحي او انتحر من اسوي هذا الشي أرتاح
و أمي بقت دوم تتعارك وياي بسبب هذا الشي دكولي لا تخلين ايمانج برب العالمين ضعيف صيري قوية شكد حاولت و ياي أمي بس كلشي مفاد ملو أهلي مني و تركوني
الحد ما اجه يوم جنت كاعدة بالكفتريا و صافنة على الناس ما احس اله شخص سحب الكرسي و مد ايدة خله مفاتيح و باكيت جكاير اني كمزت و گلبي ازدادت دكاتة عبالي عمار من رفعت عيوني باوعت ضخم و لابس زي عسكري بس شفتة نرعبت شو هذا سحب الكرس و كعد مقابيلي اني اخترعت شنو هذا هم عسكري و هم يريد يمي يكعد بس كعد كمزت و كمت امشي و ادردم علية بگليي عايزني رعب اني حتى تجي انته ترعبني عايزني ضيم و الله يا الله
مهيمن / اشو هاي بس كعدت كامت جنها وحدة مخترعه حتى ما باوعت الشكلي
عبدالله / ها ولك ضربتك بوري و كامت
مهيمن / كتلك لبنية دا اتعاني من امراض نفسية و يراد صبر وتعب علمود اتقربلها
عبدالله / والله تعبك
أنت تقرأ
نجوت بين يديك
Romanceالعادات والتقاليد تحكمنا منذ الصغر وتربطنا أحياناً بأشياء لا تناسبنا نتعلق فيها نرى أنها أسعد شيء لنا ونبني احلامنا معها إلى إن ننصدم بحقيقتها ولا نعرف قباحتها إلا عندما نتأذى منها ومشاعر تموت ومشاعر تحيا والقلوب قوالب متقلبة قريب يكسرنا وصديق يغدرن...
