نجوت بين يديك

البارت 30 والنهاية

نجوت بين يديك )

بقلمي الكاتبة: آيات الموسوي

نورتوني بوجودكم هنا بين

اسطر الرواية و حب جبير الكم

اتمنالكم قراءة ممتعة

و قبل لتبدون لتنسون بالتصويت

وتعليقاتكم تهمني على الفقرات

يلا نبلش

_______________________________

صابرين: زين ليش متفاتحين عمار بموضوع خطوبتنه ?

ام عمار: هههههه انتي من كل عقلج مصدكه نفسج ??

اني ازوج ابني الوحدة مثلج باعت صديقتها بكلمتين انضحك عليها بنيه سوت مؤامرة شرف و شوهت سمعت ابنيه هاي اخليها تكون زوجه الأبني الي تسوي مثلج هاي بيوم من الأيام حتى تبيع زوجها

لا تتوقعين بيوم من الأيام مجرد تفكير اخذج الأبني وكل الكلام الي جنت اكوله الج بس في سبيل حتى تكونين طعم اتخلص من لجين من خلالج و هسه خلص شغلي وياج بس يا ويلج وسواد ليلج اتفتحين حلكج بكلمه لشهرج وخزيج و اطلع كل بلاويج الأهلج و اخليهم يذبحونج ماشي و محد يصدكج بوكتها

وها لتفكرين هم تحجين العمار الحقيقه هم ميصدكج و راح تخسرينه هم ع الأقل خلي تبقى صورتج شوي بيها نظافه

يللااا بايييي لا عاد اشوفج تتصلين

صابرين: شمرت التلفون بالكاع مصدومه من كلامها ليششششش تغغغغدددروووني هيج و الله لنددددمكممممم اني كل هذذذذا سووويته علمووود عمااااار تااالي تغغغدروني راحت كل الخطط الي سووويتها هيج على الفاااضي ضيييعت نننفسي عللللمووود عماااار حتى يزوجني و سنين عمري انتظر حجايه منه بالتالي كلشي يروح هيج

بس دام هيج سوو والله لحجي الحقيقه العمار و الي يريد يصير خلي يصير معاد يهمني شي

لجين / بعد مخلصت الهوسه كلها رحت فتحت جهازي شفت مكالمات من مهيمن و رسائل خطيه ضال باله عليه

اتصلت عليه

مهيمن : هلا بالي دخلت حياتي وغيرت كل معانيها هلا بمفتاح گلبي و نور عيوني هلا بالحبيبه الفرفحت گلبي يلا صارت الي

شلونج

لجين : الحمدالله

مهيمن: تعرفين اني حالياً اسعد انسان بوجودج بحياتي احس طاير للسمه

لجين : و اني هم سعيدة بوجودك بحياتي

مهيمن: شليتي حالي على ما صرتي الي بس يا احلى تعب يسعدني طول عمري

لجين حبيبتي ?

لجين: عيونها

مهيمن: يا احلى عيون تشوفها عيوني

منا وجاي معاد اكو خوف بحياتج ماكو قلق ماكو ضعف ماكو انطواء هذا كله تشطبينه من حياتج خايفه من شي تعالي كوليلي اني اقويج وكل صعب يسهل دام احنه سوى كل مشكله تصير تهون دام اني بظهرج تذكري دوم اكو سند يمج تلكيني،مثل ظلج محاوطج ماعوفج شيصير تفتحيلي گلبج و احجيلي لا تعتبريني بس زوج لا اني الج صديق و حبيب واخ واب وكلشي تردينه ماشي