تغلغل في الجمرات

part 23

مشلكتي الفـرح ما عرف بابه منيـن

عريان السيد خلف
🌿🌿🌿🌿🌿🌿
بجيت حيل من كلت بس راسي احسه راح ينفجر لزمت راسي دايخه وعيوني بدت تاذيني من البجي

وحراره بخدي حركتني باوعت ماكو احد بصاله ولابلمطبخ كفيت على روحي ومددت على الاريكه ورجليه حاضنتهن لصدري

دموع على خدي وافكر بكلام الارهم ماريد اني ماريد كل هذا ردت بس حضن امي مطلبت غير هذا بس هوَ كلامه صحيح اذا عرفت لو سمعت لو كتشفت الي صارلي موبعيده عنها تتبرأ مني
زين راح اتفق ويا الارهم كم شهر ويطلكني بس استعيد امي كمت مسحت دموعي وكمت من الاريكه وامشي،بخطوات هزيله

وفكري يروح ويجي بس كل اذا وافق على قراري راح اوافق على شرطه باوعت عليه واكف بلحديقه اديه بجيبوبه ومادري عليمن يباوع

اخذت نفس وزفرته خليت اديه على كلبي اني سريعه ب اتاخذ القرارت وهاي مشكلتي ماعرف افكر غير بس دقايق مو ساعات دقايق واتخذ قرار
عصرت ثوبي ب اديه حيل وخطيت خطواتي نحو المجهول الي ماعرف شضاملي

وكفت ورا مباشره -الارهم
بس ناديت ب اسمه لتفت عليه مضيق عيونه
-ها زنان

حجيت واني افرك ب اديه من التوتر منه دنكت بلكاع مارفعت عيني بس من عاد اسمي مرا ثانيه رفعت عيوني صارن بعيونه
-موافقه بس اني هم عندي شرط

باوعت عليه رفع ايده حك شعره ورد باوع عليه ثبت عيونه عليه لدقايق -تمام لعد اليوم نعقد حتى باجر اخذج ل امج

راد يروح وقفته-شلون باجر انت مو كلت امي راايحه لحله شنو داتجذب عليه

-نروحلها شنو المشكله

-شنو نروحلها هسه بهل وقت اخووويه توفه وتريد اعقد موهسه اني وافقت على عرضك فقط وحتوافق على شرطي من امي ترجع لاربيل ويمر 40يوم على وفاه اخويه سااعتها اووقع وازوج

اباوع عليه مثل المصدوم بكلامي عفته ومشيت عضيتت شفتي حيل واديه تعصر بثوبي كعدت على اريكه الي بصاله

واديه على وجهي مرجعه ضهري وراسي على ضهر الاريكه..

🌿🌿

كاعده على طرف الجربايه اعضغض ب اصابيعي بعدين انتبهت هدأ الصوت كمت على حيلي بخوف لايسويلها شيء بس الارهم كال ماذيها

ديحجون هامس كلشي مفهمت منهم غير بس صوت زنان التعبان العالي تهمس بس هيه صوتها عالي
من هدات الحركه بلصاله لعب كلبي لاسوالها شيء

هيج مرت ربع ساعه متحملت تقربت على الباب وفتحتها باوعت لزنان كاعده على اريكه صاله واديها على وجها مرجعه جسمها لضهر الاريكه تقربت منها
كعدت بصفها حست بيه وخرت اديها ودارت وجهاا عليه