تغلغل في الجمرات

part 59

#تغلغل في الجمرات
للكاتبه فبراير

تنويه/// قناه تلي كرام ل فبراير 🦋🌿

- ثم اكتشفت متأخرًا أني وحيد، وحيد في غمرة حزني ويأسي وفوضاي وحيد في كل الأمور المشتركة التي كنت اظن أني اقتسمتها مع أحدهم.

........................................

مغمضه عيوني جسمي ميت كله ماحس بي ايدي اريد ارفعها ماكدر
ماعرف ليلي من نهاري ومادري شكد صارلي هنا كل الي اعرفه

مكابله المرآيه بس والاكل بس تمن وباهتت كلش وجبه وحده بليوم هذا التمن اضل بيه يوم كامل
وصحن كلش صغير ميشبعني

السبح بمنشفه ابلل روحي
ماكدر ارفع نفسي واروح اسبح وحتى الباب مقفوله منين اسبح وهذا اثمد يمشرلي منشفه مبلله مثل الحيوان

كرهت روحي بهاي الايام
من غير التعذيب النفسي الي داعيشه. يوميه

عيوني ع المرآيه اشوف حالتي الي متفرح حتى العدو
وين جنت وين صرت. هسه كل الي اريده اروح ل ارهم وانام بحضنه مطمئنه ومأمنه ميصيرلي شيء بوجوده

بس بعديش بعد مافضلته على امي وعفته
وهاي ذبتني بشارع وخلت اثمد ياخذني ويعذبني يمه

نفتح الباب وسط تفكيري
خفت ومادرت وجهي خوف من يكون اثمد

-كووومي يلا المسعده اسبحي وجبتلج ملابس مكيفه على هاي القذارره؟..

جل بمسامعي صوتها وطكت علاجها درت وجهي ورفعت راسي لابسه خزي مو ملابس مبينه بنت استغفر الله رفعت حواجبها وبيدها ملابس

-يلا كومي نضفي جسمج واسبحي وغيري ملابسج ملعبت روحج من نفسج ايع..

-انتِ شبيج جيبي الملابس وروحي
اني ادخل اسبح لاتوكفين فوك راسي

ضحك وشمرت الملابس حيل وطلعت عافت الباب مفتوح باوعت ع الملابس المشمورة وهسه يمكن تربت لان الكاع نايمه عليها كلها تراب كشتت نفسي حيل

كوا كدرت ارفع من نفسي ماسيطر على اديه ولا رجليه مثل الشلل وصاب جسمي اخذت الملابس واني سانده روحي على الحايط

خطواتي بطيئه طفل هستوه متعلم المشي هيج حسيت نفسي اديه رجليه ترعش ودايخه كلش كوا كدرت اوصل ل يده الباب طلعت من الغرفه

احس صار هواي مطالعه مكابله المرآيه وكاعده
باوعت هواي بنات من الي تتمكيج ومن الي داتلبس هاي شنو شديصير هنا

كوا وصلت لحمام باوعت هواي بنات واكفات يم الحمام باوعلي وحده حجت منهن
-منو هاي المخبله الي اجتنا معقوله اغا جابهه ويانه
رفعت حاجبي ومجاوبتها