تغلغل في الجمرات

part 29

‏موچـر بـ گلـبي الدهـر واترادفـن علـه اعـله علـه

لـ عريان السـيد خلف
🌿🌿🌿

روحي نسحبت مني وختنكت بس كلت
-بسم الله الرحمان رحيم
كلشي اختفه لزمت ركبتي باوعت بلمرايه مابيها شيء لا اثار ولاحمرة

معقوله اني اهلوس قربت وجهي حيل من المرايه
استغفرت ربي ومشيت سديت باب الحمام

لزمت بطني جوعانه دخلت لمطبخ باوعت غيد كاعده داتاكل قربت عليها رفعت وجهه بتسمت الها
وكعدت كبالها باوعت داتاكل بيض مسلوك
كشيت وجهي

ولزمت خشمي هو صح نعمه الله
بس اكره للبيض المسلوك احب البيض فقط بلحلم لومعجون كمت من الكرسي واني كاشه روحي احس لعبت نفسي

باوعت عليه هم كامت ولزمت كتفي وحجت
-شبيج زنان صاير شيء
شبيج

باوعت عليها واشرتلها ع البيض فتهمت وخرته كدامي وراحت غسلت اديها حيل بصابون

كعدت على الطاوله
واني رحت طلعت بيضه وحده دورت بلكاونتر لكيت طاوة خليتها ع نار وزيت خليت البيضه رحت ثلاجه ثرمت طماطه
وخليتهن فوك البيض خليت ملح

ستوا اخذت الطاوة وخليتها على طاوله باوعتلي غيد وبتسمت-طباخه طلعتلي

ضحكت راحت جابتلي نص رغيف خبز وقدمته الي
-يعمري فدوا كلبج

اخذت النص وكمت اكل
واني بلكمه الثالثه ونفتح باب المطبخ باوعت هذا الي يلبس زي رسمي نسيت اسمه جان لابس قميص ماروني وستره زيتوني
تقرب
علينا خله الصنينيه والماعون فارغ وكل هل وقت ماشال عيونه من عليه

مهتميت وضليت اكل جمدت مشاعري وكلشي بيه
بس مانسى ولاانكر رجفه ايدي من اشوف شخص خاصه جنس ادم

-زنان ممكن احجي وياج بموضوع

من سمعت نادى ب اسمي وع موضوع وخرت الطاوة من كدامي وصابتني رجفه موبيدي كمت اخافف حيل وماثق ب اي احد

رفعت راسي اله وكلي خوف ورجفه
هزيت براسي ب لا وركضت لغرفه سديتهاا كعدت ورا الباب وشهكت بجي مادري شبيه اديه ترجف

وعيوني متروسه دموع وكلبي احسه ع اي ساعه يوكف
رجفه سارت بكل جسمي من ذيج لحضه واني كرهتت شكو ولد موجود بهل دنيا وحتى الارهم

كرهتهه بسببه هوَ كلَ من وراا هوَ سبب
سديت اذاني وبجيت حيل لوكدامي اكتله واخلص منه واشرد وميرفلي جفن اشرد ل امي

صح هيه نكرت وجودي وصدكت الناس
ومصدكت بنتها بس كلشي يهوون ولا كعدتي وخوفي هنا..

🌿🌿🌿🌿
بس جمار كالها هيج ركضت وسدت الباب باوعت عليه يباوع على اثرها ب استغراب

ضربت الطاوله بيدي ورفعت اصبعي اله
-شبيكك مداشوف حالتها روح عنا جماار

ماتحرك ضل صافن على اثرها
دقايق وكور ايده وطلع سد باب المطبخ وقفله من برا هذا شبي اكيد مخبل