تغلغل في الجمرات

part 24

تعبانـين جـن ضحكـة شهيــد معلكـه بصـوره

عريان السيد خلف
🌿🌿🌿🌿🌿🌿
طلق وصوت كلش عالي توقفت مسامعي من صاح
-الارهم صاوب
.. خفق كلبي بقوه مستحيل بس لا مات اخذتني ركضت غيد بيه ودخلنا لغرفه سدت الباب عليه

حجيت بصوت عالي خايف-غيد سمعتي الارهم صاوب شصارله بس لا مات

-اشش لا سمالله اكعدي ولا تتحركين متسمعين نكلبت الدنيا برا هسه احد يطمئنه اهدئي..

كعدت على جربايه حاضنه ايدي لصدري..
وخايفه خوف موطبيعي
هدأ صوت الطلق زفرت انفاسي براحه وغيد بصفي نفتح بابا باوعت جمار صاحب زي رسمي باوع علينه وتفحصنا بنضراته..

-انتن بخير

جاوبته غيد-اي بخير شصار الارهم شبي

هستوه يريد يحجي ودخل الارهم وكتفه دمم القميص الي لابسه متروس دم من جهه كتفه قرب عليه ولزم ايدي وحجه-صارلج شيء ماكو شيء مجرد طلق وراح هدأ لاتخافي ماشي لاترجفي.

اريد احجي وحضني يمسح على شعري وكان اني طفله ويخاف اسمع شيء او اشوف وانضر وخرني من حضنه لزم خدودي بيده

-كتفي بس صاوب بس مابيه شيء هاي شباب هتليه يرمون طلق عشوائي وصار هيج زناني ماكو شيء

-يعني مو ذولا ناس الهجموا علينا بلمصنع ولخطفوني

هز راسه ب لا وباوع بعيوني
-لا ابد موكتلج شباب مراهقه طايشه
موهمه والله موهمه

هزيت راسي اله ومديت ايدي لزمت كتفه شفت عصر عيونه باوعت لايدي متروسه دم شهكت.
اخذني من ايدي ودخلنا
فتح المي غسل اديه من الدم فرك ايدي حيل ب المي وعيوني على كتفه رجعني لغرفه كعدني على جربايه.
جان يعاملني بخوف وحذر

-راح اغير قميصي وعالجه واجي لاتخافي.
ماكو شيء خطير طلقه سطحيه..

هزيت راسي باس كصتي مرتين اخذ جمار وطلع
حضنت اديه لصدري وغيد تباوعلي بغرابه..

..
جان يعاملها بكل حنيه مثل الجاهله.
يخاف تسمع او شوفف جرحه جان حيل خايف عليها رغم وجعه..

حسيته من تعامله ميريد يحسسها بخوف
بس استغربت من باسها بكصته مانفرت منه ولاخافت ولاصاحت جانت بس جسمها يرجف..

قربت كعدت بصفها
-ليش جسمج يرجف

-بردانه ونعسانه

- نامي وراح اغطيج
هزت راسها ونامت على جربايه غطيتها.
طلعت وسديت باب
توجهت لمطبخ جوعانه سمعت اصوات بلصاله اكو ركن بين المطبخ وصاله وكفت ورا واسمع الارهم يحجي ويا جمار
وذاك كدامه اسعاف اوليه يعالج بكتفه